13 എലികള്‍ വാലുകള്‍ കെട്ടുപിണഞ്ഞ നിലയിൽ. ഇതില്‍ രണ്ട് എലികള്‍ ചത്തിരുന്നു. വീണ്ടും ലോകത്തെ ഭയപ്പെടുത്തുന്ന മറ്റൊരു കാഴ്ച. വടക്കന്‍ യൂറോപ്പിലെ എസ്‌റ്റോണിയയിലെ കോഴി കൂട്ടില്‍ കണ്ട അപൂര്‍വ്വ കൗതുക കാഴ്‌ചവളരെ ഏറെ ചർച്ചയാകുകയാണ്. എന്നാൽ ഇതിലെന്താണ് ഇത്ര കാര്യമിരിക്കുന്നത് എന്നാണ് പലരും ചോദിക്കുന്നത്. ഇതിനുപിന്നിൽ ഒരു കാര്യമുണ്ട്. അതായത് വരാനിരിക്കുന്ന മഹാ പ്ലേഗിന്റെ ലക്ഷണമാണ് ഇതെന്നാണ് ഇവിടുത്തു കാരുടെ ഒരു വിശ്വാസം.

എസ്‌റ്റോണിയയിൽ ടാര്‍ട്ടുവിലെ ഒരു വീട്ടിലെ കോഴിക്കൂട്ടിലാണ് എലികളുടെ വാലുകള്‍ കെട്ടുപിണഞ്ഞ നിലയില്‍ കണ്ടെത്തിയത്. കോഴിക്ക് തീറ്റ കൊടുക്കാന്‍ എത്തിയ വീട്ടുകാരാണ് ഈ അപൂർവ കാഴ്‌ച ആദ്യം കണ്ടത്. കൂട്ടത്തോടെ എലികളെ കണ്ടപ്പോള്‍ ശരിക്കും ഞെട്ടിപ്പോയെന്ന് വീട്ടുകാര്‍ വ്യക്തമാക്കി. ഇത്തരം കാഴ്‌ച പ്ലേഗ് വരുന്നതിന്‌റെ സൂചന ആണെന്നാണ് ഇവിടുത്തുകാരുടെ വിശ്വാസം. അതുകൊണ്ട് തന്നെ ഈ കാഴ്‌ച്ച പ്രവേശവാസികളെ ശരിക്കും ആശങ്കയിലാഴ്ത്തിയിട്ടുണ്ട്.

അതേസമയം റാറ്റ് കിങ് എന്നാണ് എലികള്‍ കൂട്ടം കൂടുന്ന പ്രതിഭാസത്തെ പൊതുവേ പറയുന്നത്. എന്നാൽ ഇത്രയും എലികളുടെ വാലുകള്‍ എങ്ങനെയാണ് കെട്ടുപിണഞ്ഞത് എന്ന സംശയവും നിലനിൽക്കുകയാണ്. കെണിയില്‍ പെടുമ്പോള്‍ രക്ഷപെടാന്‍ വേണ്ടി എലികള്‍ കൂട്ടമായി പരിശ്രമിക്കും. അപ്പോള്‍ സംഭവിച്ചതാകാം റാറ്റ് കിങ് പ്രതിഭാസമെന്നാണ് വിലയിരുത്പ്പെടുന്നത്.

ഇതുകൂടാതെ കഴിഞ്ഞ 500 വര്‍ഷത്തിനിടെ ആകെ 60 തവണ മാത്രമാണ് ഇത്തരം സംഭവം ഉണ്ടായിട്ടുള്ളത് എന്നാണ് അറിയാൻ കഴിയുന്നത്. എലികളുടെ വാലുകള്‍ കെട്ടുപിണഞ്ഞ മുന്‍ സംഭവത്തിന്റെ സാ്ംപിള്‍ ടാര്‍ട്ടു മ്യൂസിയത്തില്‍ സൂക്ഷിച്ചിട്ടുമുണ്ട്.