മോര്‍ച്ചറിയില്‍ വെച്ച് യുവതികളുടെ മൃതദേഹങ്ങളുമായി ലൈംഗികവേഴ്ചയിലേര്‍പ്പെട്ടുവെന്ന് വെളിപ്പെടുത്തിയിരിക്കുകയാണ് അറുപത്തേഴുകാരന്‍. 1987ല്‍ നടത്തിയ രണ്ട് കൊലപാതകങ്ങളുടെ അന്വേഷണത്തിനിടെയാണ് ഈ സംഭവം വെളിപ്പെടുത്തിയിരിക്കുന്നത്.

രണ്ടു യുവതികളെ വധിച്ച ശേഷം അവരെ ബലാത്സംഗം ചെയ്തിട്ടുണ്ട് എന്ന് യുകെയിലെ കിഴക്കന്‍ സസെക്‌സില്‍ താമസിക്കുന്ന ഡേവിഡ് ഫുള്ളര്‍ എന്ന അറുപത്തേഴുകാരനാണ് ഞെട്ടിക്കുന്ന വെളിപ്പെടുത്തല്‍ നടത്തിയത്. ഇയാള്‍ ആശുപത്രി ഇലക്ട്രീഷ്യനാണ്.
ആശുപത്രികളില്‍ ജോലിയെടുത്തിരുന്ന കാലത്ത് മോര്‍ച്ചറികളില്‍ കൊണ്ടുവന്ന നൂറിലധികം യുവതികളുടെ മൃതദേഹങ്ങളുമായി താന്‍ ലൈംഗികമായി ബന്ധപ്പെട്ടു എന്നാണ് ഫുള്ളര്‍ വ്യക്തമാക്കിയത്.
ബെഡ്‌സിറ്റ് മര്‍ഡര്‍സ് എന്ന പേരില്‍ കുപ്രസിദ്ധിയാര്‍ജ്ജിച്ച രണ്ടു യുവതികളുടെ കൊലപാതകങ്ങള്‍ ഡിഎന്‍എ പരിശോധനകളിലൂടെ തെളിഞ്ഞതോടെ കുറ്റാരോപിതനായ ഫുള്ളര്‍ കൂടുതല്‍ വെളിപ്പെടുത്തലുകള്‍ നടത്തുകയായിരുന്നു. ഇയാളുടെ ഉമിനീരിന്റെയും, ശുക്‌ളത്തിന്റെയും സാന്നിധ്യം കൊലചെയ്യപ്പെട്ട മിസ്. നെല്ലിന്റെ കിടക്കയില്‍ നിന്നും മറ്റും കണ്ടെടുക്കപ്പെട്ടിരുന്നു. കൊല ചെയ്യപ്പെട്ട രണ്ടാമത്തെ യുവതിയായ മിസ്. പിയേഴ്‌സിന്റെ ജീന്‍സിലും ഇയാളുടെ ഡിഎന്‍എയുടെ സാന്നിധ്യം തെളിയിക്കപ്പെട്ടു. ഈ കണ്ടെത്തലുകളെ തുടര്‍ന്ന് ഫുള്ളര്‍ അറസ്റ്റു ചെയ്യപ്പെടുകയായിരുന്നു.
ഇതിന് പിന്നാലെ ഫുള്ളറുടെ അപ്പാര്‍ട്ട്‌മെന്റില്‍ പോലീസ് നടത്തിയ പരിശോധനയില്‍ കുട്ടികളുടെയും സ്ത്രീകളുടെയും അശഌല ചിത്രങ്ങളുടെയും വിഡിയോകളുടെയും വലിയ ശേഖരം കണ്ടെടുത്തു.വീട്ടിലെ രഹസ്യ അലമാരയ്ക്കുള്ളില്‍ സൂക്ഷിച്ചിരുന്ന രണ്ടു ഹാര്‍ഡ് ഡ്രൈവുകളില്‍ താന്‍ ശവഭോഗം നടത്തുന്നതിന്റെ ദൃശ്യങ്ങള്‍ ഫുള്ളര്‍ തന്നെ വിഡിയോഗ്രാഫ് ചെയ്ത് വെച്ചിരുന്നു. പോലീസ് തെളിവുകള്‍ കണ്ടെടുത്തതോടെ ഇയാള്‍ കുറ്റം സമ്മതിച്ചു.
ലൈംഗിക വേഴ്ചയില്‍ ഏര്‍പ്പെട്ട മൃതദേഹങ്ങള്‍ ഓരോന്നിന്റെയും പേരില്‍ ഓരോ ഫോള്‍ഡറുകള്‍ ഉണ്ടാക്കി ആയിരുന്നു ഹാര്‍ഡ് ഡ്രൈവുകളില്‍ ഇയാള്‍ വീഡിയോകള്‍ ശേഖരിച്ചു വെച്ചിരുന്നത്. 2008 മുതല്‍ 2020 വരെയുള്ള മൃതദേഹ രതിയില്‍ മൂന്നു കുട്ടികളുടെ മൃതദേഹങ്ങളെയും ഇയാള്‍ ലൈംഗികമായി ദുരുപയോഗം ചെയ്തിട്ടുള്ളതായി പോലീസ് കണ്ടെത്തി. ഫുള്ളര്‍ ലൈംഗിക വീഴ്ചയ്ക്ക് ഇരയാക്കിയ ഇരുപതോളം പെണ്‍കുട്ടികളുടെ മൃതദേഹങ്ങള്‍ തിരിച്ചറിയാന്‍ പൊലീസിന് ഇതുവരെയും സാധിച്ചിട്ടില്ല.
കെന്റിലെ പല ആശുപത്രികളിലും ഇയാള്‍ ഇലക്ട്രീഷ്യനായി തൊഴിലെടുത്തിട്ടുണ്ട്. സ്ഥിരമായി രാത്രി ഷിഫ്റ്റുകള്‍ ചോദിച്ചുവാങ്ങിയിരുന്ന ഫുള്ളര്‍, മറ്റുള്ള സ്റ്റാഫ് എല്ലാം ഉറക്കം പിടിച്ച ശേഷം മോര്‍ച്ചറിയില്‍ കടന്ന് മൃതദേഹങ്ങളുമായി ലൈംഗിക വേഴ്ചയില്‍ ഏര്‍പ്പെടുകയായിരുന്നു. ഒരേ മൃതദേഹങ്ങളെ തന്നെ ഇയാള്‍ ഒന്നിലധികം തവണ ദുരുപയോഗം ചെയ്തിരുന്നു എന്നും പോലീസ് വ്യക്തമാക്കുന്നു. ഫുള്ളര്‍ക്കെതിരായ കേസുകളുടെ വിചാരണ ഇപ്പോഴും കോടതിയില്‍ പുരോഗമിക്കുകയാണ്.