സിനിമകണ്ടതിന് 14 വയസ്സുകാരനായ വിദ്യാര്ഥിക്ക് 14 വര്ഷം തടവുശിക്ഷ.... വളര്ത്തുദോഷം ആരോപിച്ച് കുട്ടിയുടെ മാതാപിതാക്കളെയും ശിക്ഷിക്കാന് സാധ്യതയെന്ന് റിപ്പോര്ട്ട്
ദക്ഷിണ കൊറിയന് സിനിമയായ ദി അങ്കിള് കണ്ടതിന് ഉത്തരകൊറിയന് 14 വയസ്സുകാരനായ വിദ്യാര്ഥിക്ക് 14 വര്ഷം തടവുശിക്ഷയും നിര്ബന്ധിത ബാലവേലയും വിധിച്ച് കിം ജോങ് ഉന് സര്ക്കാര്. അഞ്ച് മിനിറ്റ് മാത്രമാണ് ഈ വിദ്യാര്ഥി സിനിമ കണ്ടത്. ദക്ഷിണ കൊറിയന് സംവിധായകനായ കിം ഹ്യോങ് ജിന് സംവിധാനം ചെയ്ത ചിത്രമാണ് ദി അങ്കിള്. കൊറിയയിലെ ഹേസ്യന് സിറ്റി മിഡില് സ്കൂളില് നിന്നുളളതാണ് വിദ്യാര്ഥി.
എന്നാല് ശിക്ഷ ഇതില് ഒതുങ്ങില്ലെന്നും വളര്ത്തുദോഷം ആരോപിച്ച് കുട്ടിയുടെ മാതാപിതാക്കളെയും ശിക്ഷിക്കാന് സാധ്യതയുണ്ടെന്നും രാജ്യാന്തര മാധ്യമങ്ങള് സംശയം പ്രകടിപ്പിക്കുന്നു. ശക്തവും വിചിത്രവുമായ സാംസ്കാരിക നിയമങ്ങളുളള ഉത്തരകൊറിയയില് ദക്ഷിണ കൊറിയയില് നിന്നോ യുഎസില് നിന്നോ ഉളള സിനിമകള് കാണുന്നത് കുറ്റകരമാണ്. ഇതിന്റെ പേരില് പലരെയും ശിക്ഷിച്ചിട്ടുണ്ട്.
മുതലാളിത്ത രാജ്യങ്ങളായ ദക്ഷിണ കൊറിയയില് നിന്നും യുഎസില് നിന്നുമുളള സാംസ്കാരിക ഉത്പന്നങ്ങളായ സിനിമ, സംഗീതം, പുസ്തകങ്ങള് തുടങ്ങിയവ യുവാക്കളില് വിഷവിത്ത് പാകുമെന്നും അവരെ വഴിതെറ്റിക്കുമെന്നും ഉത്തരകൊറിയന് ഭരണകൂടം ഏക്കാലവും നിലപാടുകളെത്തിട്ടുണ്ട്. ഇപ്പോഴത്തെ ഭരണാധികാരിയായ കിം ജോങ് ഉന്നിന്റെ ഇതിനെതിരെയുളള നിയമങ്ങള് അതികര്ശനമാണ്.
https://www.facebook.com/Malayalivartha
