ഒരിക്കലും ഒരുമിച്ച് പോകാത്ത രണ്ടു രാജ്യങ്ങളാണ് റഷ്യയും അമേരിക്കയും. എന്നാല്‍ ഇന്ത്യ ഈ രണ്ടു രാജ്യങ്ങളുമായുള്ള നയതന്ത്ര ബന്ധം വളരെ മികച്ച രീതിയില്‍ കൊണ്ടുപോകുന്നൊരു രാജ്യമാണ്. അമേരിക്ക ഇന്ത്യയ്ക്കായി എന്തെങ്കിലും നീക്കങ്ങള്‍ നടത്തുമ്പോള്‍ റഷ്യ അതില്‍ കൂടുതല്‍ നല്‍കാന്‍ ശ്രമിക്കും. ഈ മനോഭാവം പ്രതിരോധ രംഗത്ത് ഇന്ത്യയുടെ കുതിപ്പിനു തന്നെ കാരണമായിട്ടുണ്ട്. ഈ അടുത്തിടെയാണ് റഷ്യയുടെ ഏറ്റവും പുതിയ യുദ്ധ സാങ്കേതികവിദ്യ എസ് 500 മിസൈല്‍ പ്രതിരോധ സംവിധാനം ഇന്ത്യയ്ക്ക് നല്‍കാനുള്ള സന്നദ്ധത റഷ്യ അറിയിച്ചത്. പിന്നാലെ ഇതാ അമേരിക്കയുടെ വന്‍ ഓഫറും എത്തി.

അതിര്‍ത്തിയിലെ സുരക്ഷാ സംവിധാനങ്ങള്‍ കൂടുതല്‍ ശക്തമാക്കാന്‍ ഇന്ത്യയെ സഹായിക്കുമെന്നാണ് ഇന്ത്യയിലേക്കുള്ള നിയുക്ത യുഎസ് അംബാസഡര്‍ എറിക് മൈക്കിള്‍ ഗാര്‍സെറ്റി ഇപ്പോള്‍ പ്രതികരിച്ചിരിക്കുന്നത്. ഇന്ത്യയുടെ അഖണ്ഡത സംരക്ഷിക്കാനും രാജ്യത്തെ അക്രമങ്ങള്‍ കുറയ്ക്കാനും പ്രവര്‍ത്തിക്കും. വെല്ലുവിളികള്‍ ഉയര്‍ത്തുന്ന അയല്‍ രാജ്യങ്ങള്‍ക്കു സമീപമാണ് ഇന്ത്യ സ്ഥിതി ചെയ്യുന്നതെന്ന് ചൈനയുടെ പേര് പറയാതെ അദ്ദേഹം തുറന്നടിച്ചു.

നിലവില്‍ ലൊസാഞ്ചലസിന്റെ മേയറായ ഗാര്‍സെറ്റി, പ്രസിഡന്റ് ജോ ബൈഡന്റെ വിശ്വസ്തനാണെന്നതാണ് ഈ പ്രസ്ഥാവനയുടെ പ്രധാന്യം വര്‍ദ്ധിപ്പിക്കുന്നത്. തന്റെ വിശ്വസ്തനെ തന്നെ ഇറക്കി ഇന്ത്യയുടെ വിശ്വാസ്യത പിടിച്ചുപറ്റാന്‍ കൂടിയാണ് ബൈഡന്റെ ഈ നീക്കം. എന്തായാലും അമേരിക്കയുടെ ഈ നിലപാണ് നമുക്ക് അതിര്‍ത്തിയില്‍ ഏറെ ഗുണം ചെയ്യും. യുദ്ധ സാങ്കേതികതയില്‍ കുതിച്ചുചാട്ടം നടത്തുന്ന ഇന്ത്യയ്ക്ക് അമേരിക്കന്‍ സാങ്കേതികതയുടെ സപ്പോര്‍ട്ടു കൂടി ലഭിച്ചുകഴിഞ്ഞാല്‍ ചൈനയ്ക്ക് അവിടെ നിക്കക്കളിയില്ലാതെയായി മാറും.. ഇന്ത്യയെ സഹായിക്കുക എന്നൊരു ലക്ഷം ഉണ്ട് എങ്കിലും അമേരിക്കയുടെ റഡാറിലെ മുഖ്യ എതിരാളി ചൈന ആയതു കൊണ്ടും ഇന്ത്യയ്ക്ക് ഇത് ഏറെ നേട്ടം തന്നെയാകും സമ്മാനിക്കുക. ഇന്ത്യയിലേക്കുള്ള യുഎസ് അംബാസഡറായി നിയമിതനാകുന്ന കാര്യം സ്ഥിരീകരിച്ചതിനു പിന്നാലെയാണ് ഗാര്‍സെറ്റി ഇന്ത്യയോടുള്ള സമീപനം തുറന്നു പറഞ്ഞത്: 'വെല്ലുവിളി നിറഞ്ഞ രാജ്യങ്ങളാണ് ഇന്ത്യയ്ക്കു ചുറ്റും. അതിര്‍ത്തിയിലെ സുരക്ഷ വര്‍ധിപ്പിക്കാന്‍ ഇപ്പോള്‍ യുഎസ് നല്‍കുന്ന സഹായം ഇരട്ടിയാക്കാനാണ് ഉദ്ദേശിക്കുന്നത്.

ഇന്ത്യയുടെ അഖണ്ഡത സംരക്ഷിക്കുന്നതിനായും പ്രവര്‍ത്തിക്കും. വിവരങ്ങളുടെ കൈമാറ്റം, തീവ്രവാദത്തിനെതിരായ പോരാട്ടം തുടങ്ങിയ തന്ത്രപ്രധാന കാര്യങ്ങളില്‍ പരസ്പര സഹകരണം വര്‍ധിപ്പിക്കും. ഇന്ത്യന്‍ വംശജരായ 40 ലക്ഷം ആളുകളാണു യുഎസിലുള്ളത്. ഇതാണ് ഇരു രാജ്യങ്ങളെയും തമ്മില്‍ ബന്ധിപ്പിക്കുന്ന ശക്തമായ കണ്ണി. ആയിരക്കണക്കിന് ഇന്ത്യന്‍ വിദ്യാര്‍ഥികളും, പതിനായിരക്കണക്കിന് ജീവനക്കാരും യുഎസ് സമ്പദ്വ്യവസ്ഥയിലേക്കു സംഭാവന നല്‍കുന്നുണ്ട്. മനുഷ്യാവകാശങ്ങളുടെ ബഹുമാനമായിരിക്കും ഇന്ത്യ യുഎസ് ബന്ധത്തിന്റെ അടിത്തറ' അദ്ദേഹത്തിന്റെ വാക്കുകള്‍. അതേസമയം തന്നെ ഹിന്ദി, ഇന്ത്യന്‍ സാംസ്‌കാരിക, മത ചരിത്രം എന്ന വിഷയത്തില്‍ ബിരുദം നേടിയിട്ടുള്ള ആള്‍ കൂടിയാണ് ഗാര്‍സെറ്റി എന്നുള്ളത് ഇന്ത്യയ്ക്ക് കാര്യങ്ങള്‍ എളുപ്പമാക്കും.