ഭീകരതയ്‌ക്കെതിരെ യുഎസും ഇസ്രയേലും ഫ്രാന്‍സുമൊക്കെ ഇന്ത്യയോടൊപ്പം തോളോട് തോള്‍ ചേര്‍ന്നു പ്രവര്‍ത്തിക്കുന്ന രാജ്യങ്ങളാണ്.. ഭീകരതയ്‌ക്കെതിരെ സന്ധിയില്ലാ പോരാട്ടമാണ് ഇസ്രയേലും ഫ്രാന്‍സും നടത്തുന്നത്. ഇസ്രയേല്‍ അതിര്‍ത്തിയില്‍ ഭീകരര്‍ക്കെതിരെ ഇപ്പോഴും യുദ്ധത്തിലാണ്.. സിറിയയുടെ നിലവിളി മാധ്യമങ്ങളിലൂടെ ഇന്ത്യയിലും മുഴങ്ങി കേള്‍ക്കാം. ഫ്രാന്‍സ് ഭീകരവാദത്തെ തുടച്ചു നീക്കാന്‍ ഭീകരവാദം പ്രോത്സാഹിപ്പിക്കുന്ന മോസ്‌കുകളെല്ലാം ഒരു ദാക്ഷണ്യവും കൂടാതെ പൂട്ടിക്കെട്ടുന്നു. ഇന്ത്യ ഇപ്പോഴും ഭീകരര്‍ക്കെതിരെ യുദ്ധം ചെയ്തുകൊണ്ടിരിക്കുകയാണ്, അമേരിക്കയാണെങ്കില്‍ ലോകത്തിന് ഭീഷണി ഉയര്‍ത്തുന്ന എല്ലാ ഭീകര സംഘടനയെയും തുരത്തിയടിക്കുന്ന ദൗത്യത്തിലുമാണ്.

ഈ മൂന്നു രാജ്യങ്ങളും ഇന്ത്യയെ എല്ലാ രീതിയിലും സഹായിക്കുന്നുണ്ട്. ഇനിയും കൂടുതല്‍ സഹകരണവും ഊര്‍ജിതമായ ഉടമ്പടികളിലും രാജ്യം കടക്കേണ്ടതുണ്ട് ഇതിന്റെ ഭാഗമായി ആഗോള ഇസ്ലാമിക ഭീകരതയ്ക്കെതിരെ ഇന്ത്യയുമായി ശക്തമായ സഹകരണം ഉറപ്പുവരുത്താന്‍ ഫ്രഞ്ച് ഭരണകൂടം തയ്യാറായി എത്തിക്കഴിഞ്ഞു. പ്രതിരോധ മന്ത്രി ഫ്ലോറന്‍സ് പാര്‍ലേയുടെ ഇന്ത്യാ സന്ദര്‍ശനം തന്നെ ഇത് ലക്ഷ്യം വച്ചുകൊണ്ടാണ്. ചില സുപ്രധാന കരാറുകള്‍ ഒപ്പുവയ്ക്കുക. ഇന്ന് ഇന്ത്യയിലെത്തുന്ന പാര്‍ലെ കേന്ദ്ര പ്രതിരോധ മന്ത്രി രാജ്നാഥ് സിംഗുമായി കരാറുകള്‍ ഒപ്പിടും. പ്രധാനമന്ത്രി നരേന്ദ്രമോദിയുമായും ദേശീയ സുരക്ഷാ ഉപദേഷ്ടാവ് അജിത് ഡോവലുമായും പാര്‍ലെ കൂടിക്കാഴ്ച നടത്തും.

ഇന്ത്യയുമായി പ്രതിരോധ വാണിജ്യരംഗത്തിനപ്പുറം നേരിട്ട് പ്രതിരോധ രംഗത്തെ സംയുക്ത സൈനിക നീക്കങ്ങളാണ് ഫ്രാന്‍സ് പദ്ധതിയിടുന്നത്. ഇതിനൊപ്പം ഭീകരതയ്ക്കെതിരെ ശക്തമായ പങ്കാളിത്തത്തിനുള്ള കര്‍മ്മ പദ്ധതിക്കും തുടക്കമിടുമെന്ന് പ്രതിരോധ മന്ത്രാലയം അറിയിച്ചു. ഇസ്ലാമിക ഭീകരതയ്ക്കെതിരെ സ്വന്തം രാജ്യത്തും ആഗോളതലത്തിലുംകടുത്ത നിലപാടാണ് ഫ്രാന്‍സ് സ്വീകരിക്കുന്നത്. ഇതുമായി ബന്ധപ്പെട്ട നടപടികളിലും ഇന്ത്യയുടെ സഹകരണം ഉറപ്പാക്കാന്‍ ലക്ഷ്യമിട്ട് കൂടിയാണ് സന്ദര്‍ശനം.

ഇന്ത്യന്‍ നാവികസേനയുമായി ചേര്‍ന്ന് സമുദ്രസുരക്ഷയിലാണ് ഫ്രാന്‍സ് കൈകോര്‍ക്കുന്നത്. ഇന്തോ-പസഫിക് മേഖലയിലെ കരുത്തുറ്റ നാവിക സേനയാണ് ഇന്ത്യയുടേതെന്ന് ഫ്രാന്‍സ് പ്രതിരോധ മന്ത്രാലയം പ്രശംസിച്ചിരുന്നു. ഇന്ത്യയിലെത്തുന്ന പാര്‍ലെ ഇന്ന് ദേശീയ യുദ്ധസ്മാരകം സന്ദര്‍ശിക്കും. തുടര്‍ന്ന് വിടപറഞ്ഞ സംയുക്തസൈനിക മേധാവി ബിപിന്‍ റാവതിന് ശ്രദ്ധാഞ്ജലിയര്‍പ്പിക്കും.

കഴിഞ്ഞ ഒരു വര്‍ഷത്തിനിടെ ഫ്രഞ്ച് ഭരണകൂടം കര-നാവിക-വ്യോമസേനാ രംഗത്ത് ഇന്ത്യയുമായി ചേര്‍ന്ന് നിരവധി സംയുക്ത സൈനിക അഭ്യാസം നടത്തിയിരുന്നു. ഇന്തോ-പസഫിക് മേഖല നിര്‍ണ്ണായകമാണെന്നതിനാല്‍ ഫ്രാന്‍സ് എല്ലാ സഹായവും ഇന്ത്യക്ക് വാഗ്ദ്ദാനം ചെയ്യ്തിരിക്കുകയാണ്. 2020ലാണ് പാര്‍ലെ അവസാനമായി ഇന്ത്യയിലെത്തിയത്. റഫേല്‍ ജെറ്റ് വിമാനങ്ങളുടെ ആദ്യ അഞ്ചെണ്ണം കൈമാറ്റം ചെയ്യുന്ന ചടങ്ങാണ് അന്ന് നടന്നത്.