ഭീകരര്‍ക്കു വേണ്ടിയുള്ള അതി ശക്തമായ തിരച്ചിലാണ് അതിര്‍ത്തിയില്‍ ഇപ്പോള്‍ സൈന്യം നടത്തിക്കൊണ്ടിരിക്കുന്നത്. ജമ്മു കശ്മീരില്‍ കഴിഞ്ഞ ദിവസമുണ്ടായ ഭീകരാക്രമണത്തിന് തിരിച്ചടിയായി ചില ഭീകരരെ കണ്ടെത്തി ഇന്ത്യന്‍ സൈന്യം വകവരുത്തിയിരുന്നു. ജമ്മു കശ്മീരിലേതുപോലെതന്നെ ഭീകരാക്രമണ ഭീഷണിയുള്ള സ്ഥലമാണ് ജാര്‍ഖണ്ഡ്. ലിബറേഷന്‍ ഫ്രണ്ട് ഓഫ് ഇന്ത്യയിലെ ഭീകരരാണ് ഇവിടെ വ്യാപകമായ ആക്രമണങ്ങള്‍ അഴിച്ചുവിടാറുള്ളത്. ഇവിടെ ഏറ്റുമുട്ടലുകളും പതിവാണ്. കഴിഞ്ഞ ദിവസം മേഘലലിയെ കൊടും ഭീകരരുമായാണ് സൈന്യം ഏറ്റുമുട്ടിയത്.

സുരക്ഷാ സേനയും ഭീകരരും തമ്മിലുണ്ടായ ഈ ഏറ്റുമുട്ടലില്‍ ഒരു ഭീകരനെയാണ് സൈന്യത്തിന് വധിക്കാന്‍ കഴിഞ്ഞത്. എന്നാല്‍ ആ വധിക്കപ്പെട്ടത് ഭീകരരുടെ തലവനായിരുന്നു എന്നുള്ളത് യാദിര്‍ശ്ചികമായി. പീപ്പിള്‍സ് ലിബറേഷന്‍ ഫ്രണ്ട് ഓഫ് ഇന്ത്യയിലെ കൊടും ഭീകരനെയാണ് ഏറ്റുമുട്ടലിലൂടെ തങ്ങള്‍ വധിച്ചത് എന്ന് സുരക്ഷാ ഉദ്യോഗസ്ഥരും സ്ഥിരീകരിച്ചു. പിഎല്‍എഫ്‌ഐയുടെ മാംഗ്രാ ലുഗുന്‍ എന്ന ഭീകരനാണ് വധിക്കപ്പെട്ടത്.

ജാര്‍ഖണ്ഡിലെ സിംഗ്ഭും ജില്ലയില്‍ സ്ഥിതിചെയ്യുന്ന ഛായ്‌സബയിലാണ് ഈ ഏറ്റുമുട്ടലുണ്ടായത്. ഇയാളില്‍ നിന്നും ഒരു എകെ-47 റൈഫിള്‍ ഉള്‍പ്പടെയുള്ള ആയുധങ്ങള്‍ പോലീസ് കണ്ടെടുത്തു. തലയ്ക്ക് രണ്ട് ലക്ഷം രൂപ വിലയിട്ട പിഎല്‍എഫ്‌ഐയുടെ ഏരിയ കമാന്‍ഡറാണ് മാംഗ്രാ ലുഗുന്‍. ഇയാള്‍ക്കെതിരെ ഇന്ത്യയില്‍ മാത്രം ആകെ 33 കേസുകളാണ് രജിസ്റ്റര്‍ ചെയ്തിരിക്കുന്നതെന്നാണ് പോലീസ് വ്യക്തമാക്കിയത്.

പീപ്പിള്‍സ് ലിബറേഷന്‍ ഫ്രണ്ട് ഓഫ് ഇന്ത്യ ഭീകരരുടെ സാനിധ്യം എന്നോഴും സ്ഥിരീകരിക്കപ്പെടുന്ന മേഘലയാണ് ഛായ്‌സബ. ഈ സാഹചര്യത്തിലാണ് മാംഗ്രാ ഉള്‍പ്പടെന്ന തീവ്രവാദ സംഘം പ്രദേശത്ത് ഒളിച്ചിരിക്കുന്നതായി പോലീസിന് രഹസ്യ വിവരം ലഭിക്കുന്നത്. തുടര്‍ന്ന് നടത്തിയ പരിശോധനയാണ് ഏറ്റുമുട്ടലില്‍ കലാശിച്ചത്. പോലീസും സിആര്‍പിഎഫ് 60 ബറ്റാലിയനും ചേര്‍ന്ന് ഏറ്റുമുട്ടലിന് നേതൃത്വം നല്‍കി. രാവിലെ 6.30ഓടെയായിരുന്നു സംഭവം. മാംഗ്രാ അടങ്ങുന്ന സംഘത്തിലെ മറ്റ് ഭീകരര്‍ ഏറ്റുമുട്ടലിനിടെ ഓടിരക്ഷപ്പെട്ടതായി പോലീസ് അറിയിച്ചു.

ജമ്മു കശ്മീരിലെ കുല്‍ഗാമിലും കഴിഞ്ഞ ദിവസം സൈന്യം ഇത്തരത്തിലൊരു ഓപ്പറേഷന്‍ നടത്തിയിരുന്നു... ബുധനാഴ്ച രാത്രിയാണ് ആ ഒരു ഏറ്റുമുട്ടല്‍ നടന്നത്. സുരക്ഷാ സേന രണ്ട് ഭീകരരെയാണ് ഈ ഏറ്റുമുട്ടലില്‍ വധിച്ചത്. കുസേര്‍ യാരിപോര സ്വദേശി ബഷീര്‍ ദാറിന്റെ മകന്‍ അമീര്‍ ബഷീര്‍ ദാര്‍ (കോഡ് ഡാനിഷ്), സുര്‍സോന ഹതിപോര കുല്‍ഗാമില്‍ താമസിക്കുന്ന മുഹമ്മദ് യൂസഫിന്റെ മകന്‍ ആദില്‍ അഹമ്മദ് ഷാന്‍ എന്നിവരാണ് റെഡ്വാനി ബാലയില്‍ കൊല്ലപ്പെട്ട ഭീകരര്‍.

ഇവരില്‍ നിന്ന് 02 പിസ്റ്റളുകളും 07 ആര്‍ഡിഎസുകളും ഒരു ഗ്രനേഡും സുരക്ഷാ സേന കണ്ടെടുത്തു. നിലവില്‍ തെരച്ചില്‍ തുടരുകയാണെന്ന് കശ്മീര്‍ സോണ്‍ പൊലീസ് അറിയിച്ചു. കഴിഞ്ഞ 24 മണിക്കൂറിനിടെ ജമ്മുകശ്മീരില്‍ നടന്ന രണ്ടാമത്തെ ഏറ്റുമുട്ടലായിരുന്നു അത്. ചൊവ്വാഴ്ച രാത്രി പുല്‍വാമയിലെ രാജ്പുര മേഖലയില്‍ സുരക്ഷാസേന നടത്തിയ ഏറ്റുമുട്ടലില്‍ ഒരു ഭീകരനെ വധിച്ചിരുന്നു.

രാജ്യത്തിനും ജനങ്ങള്‍ക്കുമായി ഭീകരതയ്‌ക്കെതിരെ യുദ്ധം നടക്കുന്നുണ്ടെന്ന് ജമ്മു കശ്മീര്‍ ഡയറക്ടര്‍ ജനറല്‍ ദില്‍ബാഗ് സിംഗ് വെളിപ്പെടുത്തിയതിന് പിന്നാലെയാണ് ഇത്തരത്തില്‍ ഭീകരരുടെ മരണ വാര്‍ത്തകള്‍ പല കോണുകളില്‍ നിന്നും പുറത്തുവരുന്നത്.

രാജ്യത്തുടനീളം ഭീകരര്‍ക്കായുള്ള സൈന്യത്തിന്റെ തിരച്ചില്‍ ഇപ്പോഴും തുടരുകയാണ്. ജമ്മു കശ്മീര്‍ മേഘലയിലാണ് കൂടുതല്‍ ഭീകരര്‍ ഒളിച്ചിരിക്കുന്നതായാണ് വിവരം. ഇതിനിടെയാണ് ഷോപ്പിയാനിലെ ഉസ്റാംപത്രിയിലുണ്ടായ ഏറ്റുമുട്ടലില്‍ ഒരു ഭീകരനെ സൈന്യം വധിച്ചത്. ഹിസ്ബുള്‍ മുജാഹിദ്ദീന്റെ സ്വയം പ്രഖ്യാപിത ജില്ലാ കമാന്‍ഡറായ ഫിറോസ് അഹമ്മദ് ധാറിനെ കൊല്ലപ്പെടുത്തിയത് സൈന്യത്തിന്റെ വലിയൊരു നേട്ടമാണ്. സുരക്ഷാസേനയുടെ വാഹനങ്ങള്‍ക്ക് നേരെ നടന്ന നിരവധി ആക്രമണങ്ങളില്‍ ഉള്‍പ്പെടെ പങ്കുളള ഭീകരനാണ് കഴിഞ്ഞ ദിവസം സൈന്യം വകവരുത്തിയത്. ഈ കൊടുംഭീകരനെ പിടികൂടിയതിനു പിന്നാലെ സേന ജമ്മു കശ്മീര്‍ മേഖലയില്‍ ജാഗ്രത കൂടുതല്‍ ശക്തമാക്കിയിരിക്കുകയാണ് സൈന്യം. ഇതിനിടയില്‍ തന്നെയാണ് ജാര്‍ഖണ്ഡ് മേഘലയില്‍ നിന്നുള്ള ഭീകര വേട്ടയെ കുറിച്ചുള്ള വിവരങ്ങളും പുറത്തുവരുന്നത്