യുഎസ്സില്‍ ഇന്ത്യന്‍ വംശജനായ സിഖുകാരന് ക്രൂരമായി മര്‍ദ്ദിനം. ഷോപ്പിങ് മാര്‍ക്കറ്റിലേക്ക് കാറില്‍ പോവുകയായിരുന്ന ഇന്ദര്‍ജിത് സിങ് മുക്കര്‍ എന്നയാള്‍ക്കാണ് മര്‍ദ്ദനമേറ്റത്. യുഎസ്സുകാരനായ പ്രതി ഇയാളെ വഴിയില്‍ തടഞ്ഞുനിര്‍ത്തി മര്‍ദ്ദിക്കുകയായിരുന്നു. ഭീകരരെ, നിങ്ങളുടെ നാട്ടിലേക്കു തിരികെ പോകൂ ബിന്‍ ലാദന്‍ എന്നു ആക്രോശിച്ചാണ് പ്രതി ഇന്ദര്‍ജിത് സിങ് മുക്കറെ മര്‍ദ്ദിച്ചത്. കഴിഞ്ഞ ദിവസം ചിക്കാഗോയില്‍ വച്ചായിരുന്നു സംഭവം.
ഷോപ്പിങ് മാര്‍ക്കറ്റിലേക്കു പോകുക വഴി യുഎസ്സ് പൗരനും രണ്ടു കുട്ടികളുടെ പിതാവുമായ ഇന്ദര്‍ജിത്തിന്റെ കാറിനെ തുടര്‍ച്ചയായി മറ്റൊരു കാര്‍ പിന്തുടരുകയും മുന്നില്‍ കയറാന്‍ ശ്രമിക്കുകയും ചെയ്തു. ഇന്ദര്‍ജിത്ത് തന്റെ കാര്‍ വശത്തേക്ക് മാറ്റി പുറകെ വന്ന കാറിനു പോകാന്‍ അവസരം നല്‍കി. എന്നാല്‍ ആ കാറിലെ ഡ്രൈവര്‍ ഇന്ദര്‍ജിത്തിന്റെ കാറിനെ തടഞ്ഞു നിര്‍ത്തി. ഇന്ദര്‍ജിത്തിനെ കാറില്‍ നിന്നു പുറത്തു വലിച്ചിറക്കി മുഖത്ത് കൈമുഷ്ടി കൊണ്ടു ബോധം നഷ്ടപ്പെടും വരെ തുടരെത്തുടരെ ഇടിച്ചു.പ്രതിയെന്നു സംശയിക്കുന്നയാളെ പൊലീസ് കസ്റ്റഡിയിലെടുത്തിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha