ചർച്ചയിൽ പ്രതീക്ഷയില്ല!! പ്രസിഡന്റിന്റെ പ്രതിനിധി സംഘങ്ങളുള്പ്പെടെയുള്ള ചർച്ച രഹസ്യ കേന്ദ്രത്തിൽ, ബെലാറസില് വെച്ച് ചര്ച്ച നടത്താന് സന്നദ്ധത അറിയിച്ചത് റഷ്യ; ചര്ച്ച തീരുന്നത് വരെ ബെലാറസ് പരിധിയില് സൈനിക നീക്കം ഉണ്ടാവില്ല: താന് ശ്രമിച്ചില്ലെന്ന് യുക്രൈന് ജനത കുറ്റപ്പെടുത്തരുതെന്ന് സെലൻസ്കി
റഷ്യയും യുക്രൈനും തമ്മിലുളള ചര്ച്ച തുടങ്ങിയതായി റിപ്പോര്ട്ട്. ഇരു രാജ്യങ്ങളുടെയും പ്രതിനിധി സംഘമാണ് ചര്ച്ച നടത്തുന്നത്. പ്രസിഡന്റിന്റെ പ്രതിനിധി സംഘങ്ങളുള്പ്പെടെയാണ് ചര്ച്ച നടക്കുന്നത്. വിദേശകാര്യ മന്ത്രാലയത്തിലെ പ്രതിനിധികളും ചര്ച്ചയില് പങ്കെടുക്കുന്നുണ്ട്. രഹസ്യ കേന്ദ്രത്തിലാണ് ചര്ച്ച. ചര്ച്ച പുരോഗമിക്കുകയാണെന്നും ശുഭവാര്ത്തയാണ് പ്രതീക്ഷിക്കുന്നതെന്നും അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു.
ആണവ ഭീഷണിയുമായി റഷ്യന് പ്രസിഡന്റ് വ്ലാദിമര് പുടിന് രംഗത്തെത്തിയതിന് പിന്നാലെയാണ് സമാധാന ചര്ച്ചയെക്കുറിച്ച് യുക്രൈന് ഔദ്യോഗികമായി സ്ഥിരീകരിച്ചെന്ന വാര്ത്തകള് പുറത്തുവരുന്നത്. റഷ്യയാണ് ബെലാറസില് വെച്ച് ചര്ച്ച നടത്താന് സന്നദ്ധത അറിയിച്ചതെന്നും എന്നാല് ഇക്കാര്യത്തില് ഔദ്യോഗിക സ്ഥിരീകരണങ്ങള് വന്നിട്ടില്ലെന്നും നേരത്തെ റിപ്പോര്ട്ടുകള് ഉണ്ടായിരുന്നു.
ചര്ച്ച തീരുന്നത് വരെ ബെലാറസ് പരിധിയില് സൈനിക നീക്കം ഉണ്ടാവില്ലെന്ന് ബെലാറസ് ഉറപ്പ് നല്കി. സൈനിക വിമാനങ്ങള്, മിസൈല് അടക്കം തല്സ്ഥിതി തുടരും. ബെലാറൂസ് യുക്രൈന് ലക്ഷ്യമാക്കി സേനാ നീക്കം നടത്തുന്നതായി വാര്ത്തകള് ഉണ്ടായിരുന്നു.
അതേസമയം, റഷ്യ-യുക്രൈന് യുദ്ധം ചര്ച്ചയിലൂടെ പരിഹരിക്കാനുള്ള ശ്രമങ്ങള് തുടരുന്നതിനിടെ ഇപ്പോഴത്തെ ചര്ച്ചയില് പ്രതീക്ഷയില്ലെന്ന് യുക്രൈന് പ്രസിഡന്റ് സെലന്സ്കി പ്രതികരിച്ചു. ഒരു ശ്രമം നടത്താമെന്ന ചിന്ത മാത്രമേയുള്ളൂ, താന് ശ്രമിച്ചില്ലെന്ന് യുക്രൈന് ജനത കുറ്റപ്പെടുത്തരുത്', അതിനാലാണ് വഴങ്ങിയതെന്നും സെലന്സ്കി കൂട്ടിച്ചേര്ത്തു.
ഇരു രാജ്യങ്ങളിലെയും പ്രതിനിധി സംഘങ്ങളാണ് ചര്ച്ചയില് പങ്കെടുക്കുന്നത്. ഉപാധികളില്ലാത്ത ചര്ച്ചയാണെന്നാണ് റഷ്യയുടെ പ്രതികരണം.
അതേസമയം യുക്രൈന് ആയുധങ്ങള് വാങ്ങാന് യൂറോപ്യന് യൂണിയന് പിന്തുണ പ്രഖ്യാപിച്ചു. ബലറൂസിന് മേല് യൂറോപ്യന് യൂണിയന് ഉപരോധം പ്രഖ്യാപിക്കുകയും ചെയ്തു. റഷ്യന് മാധ്യമങ്ങളെ വിലക്കാനും തീരുമാനമുണ്ട്.
അതേസമയം ഐക്യരാഷ്ട്ര സഭയുടെ പ്രത്യേക യോഗം ബുധനാഴ്ച. യുഎന് ന്യൂക്ലിയര് വാച്ച്ഡോഗിന്്റെ 35 അംഗങ്ങളടങ്ങിയ ഡയറക്ടര് ബോര്ഡ് ആണ് ബുധനാഴ്ച ചേരുക.
ആണവായുധങ്ങള് സജ്ജമാക്കാന് സേനാ തലവന്മാര്ക്ക് റഷ്യന് പ്രസിഡന്റ് വ്ളാദിമിര് പുടിന് നിര്ദേശം നല്കിയ സാഹചര്യത്തിലാണ്ഐക്യരാഷ്ട്ര സഭയുടെ പ്രത്യേക യോഗം ബുധനാഴ്ച ചേരുക.
ആണവ ആയുധങ്ങള് സജ്ജമാക്കാന് സേനാ തലവന്മാര്ക്ക് ആണവ ആയുധങ്ങള് സജ്ജമാക്കാന് സേനാ തലവന്മാര്ക്ക് റഷ്യന് പ്രസിഡന്റ് വ്ലാഡിമര് പുടിന് നിര്ദേശം നല്കുകയായിരുന്നു.
യുക്രൈന് കൂടുതല് സൈനിക സഹായം ലഭിക്കുന്ന പശ്ചാത്തലത്തിലാണ് പുതിയ നിര്ദേശം.
https://www.facebook.com/Malayalivartha
