മര്‍ലണ്‍ ജെയിംസിന് മാന്‍ ബുക്കര്‍ പുരസ്‌കാരം, മര്‍ലന്റെ എ ബ്രീഫ് ഹിസ്റ്ററി ഓഫ് സെവന്‍ കില്ലിംഗ്‌സ് എന്ന നോവലിനാണ് പുരസ്‌കാരം
ഇത്തവണത്തെ മാന്‍ ബുക്കര്‍ പുരസ്‌കാരം ജമൈക്കന്‍ എഴുത്തുകാരന്‍ മര്‍ലണ്‍ ജെയിംസിന്. മര്‍ലന്റെ എ ബ്രീഫ് ഹിസ്റ്ററി ഓഫ് സെവന്‍ കില്ലിംഗ്‌സ് എന്ന നോവലിനാണ് പുരസ്‌കാരം. സെന്‍ട്രല്‍ ലണ്ടനിലെ മിഡീവല്‍ ഗില്‍ഡ് ഹാളില്‍ നടന്ന ചടങ്ങിലാണ് പുരസ്‌കാരം പ്രഖ്യാപിച്ചത്. 50,000 പൗണ്ട് ആണ് (42.57 ലക്ഷം രൂപ) സമ്മാനത്തുക.
അകാലത്തില്‍ പൊലിഞ്ഞുപോയ പ്രശസ്ത ജമൈക്കന്‍ സംഗീതഞ്ജനായ ബോബ് മാര്‍ലിയ്ക്കു നേരെ നടന്ന കൊലപാതക ശ്രമവുമായി ബന്ധപ്പെട്ട സംഭവമാണ് 680 പേജുള്ള ഈ ബ്രഹത് ഗ്രന്ഥത്തിന്റെ പ്രതിപാദ്യം. പുരസ്‌കാരത്തിന്റെ ചുരുക്കപ്പട്ടികയില്‍ ഇന്ത്യന്‍ വംശജനായ സുഞ്ജീവ് സഹോത ഇടം നേടിയിരുന്നെങ്കിലും പുരസ്‌കാരം നേടാനായില്ല.
സുഞ്ജീവ് സഹോതയുടെ ദി ഈയര്‍ ഓഫ് ദ റണ്‍ എവേയ്‌സ് എന്ന ആഖ്യായികയാണ് അന്തിമപട്ടികയിലെ ആറ് രചനകളില്‍ ഒന്നായി പരിഗണിക്കപ്പെട്ടത്. ടോം മക്കാര്‍ത്തി(യുകെ), ഷിഗോസി ഒബിയോമ(നൈജീരിയ), ആന്‍ ടെയ്‌ലര്‍(യുഎസ്) ഹനിയ യനഗിഹാര(യുഎസ്) എന്നിവരായിരുന്നു ചുരുക്കപട്ടികയില്‍ ഇടം നേടിയ മറ്റുള്ളവര്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
