ഫോണ് ചോര്ത്തല് പുറത്തുവിട്ട ഗാര്ഡിയന് പത്രത്തിന് ബ്രിട്ടന്റെ ഭീഷണി
എഡ്വേഡ് സ്നോഡന് വഴി ലഭിച്ച അമേരിക്കയുടെ ഫോണ് ചോര്ത്തല് വിവരങ്ങള് നശിപ്പിക്കാന് ബ്രിട്ടന് തങ്ങള്ക്കുമേല് സമ്മര്ദ്ദം ചെലുത്തിയതായി ബ്രിട്ടീഷ് ദിനപത്രമായ ഗാര്ഡിയന്. വിവരങ്ങള് നശിപ്പിക്കുകയോ അല്ലെങ്കില് ബ്രിട്ടീഷ് അധികൃതര്ക്ക് കൈമാറുകയോ ചെയ്യണമെന്നായിരുന്നു ആവശ്യം.
അങ്ങനെ ചെയ്തില്ലെങ്കില് നിയമനടപടി നേരിടേണ്ടി വരുമെന്ന് ഭീഷണിപ്പെടുത്തിയതായും ഗാര്ഡിയന് പത്രത്തിന്റെ വെബ്സൈറ്റില് പ്രസിദ്ധീകരിച്ച ലേഖനത്തില് പറയുന്നു. പത്രത്തിന്റെ എഡിറ്റര് അലന് റസ്ബ്രിഡ്ജറാണ് ഇക്കാര്യം വെളിപ്പെടുത്തിയത്. ഗാര്ഡിയന് പത്രമാണ് സ്നോഡന് പുറത്തുവിട്ട ഫോണ്ചോര്ത്തല് രഹസ്യങ്ങള് പുറത്തുവിട്ടത്.
വാര്ത്ത പ്രസിദ്ധീകരിച്ച പത്രപ്രവര്ത്തകന് ഗ്ലെന് ഗ്രീന്വാള്ഡിന്റെ സുഹൃത്തും ബ്രസീല് പൗരനുമായ ഡേവിഡ് മിറാന്ഡയെ കഴിഞ്ഞ ദിവസം ബ്രിട്ടനിലെ ഹീത്രു വിമാനത്താവളത്തില് ഒമ്പത് മണിക്കൂറോളം തടഞ്ഞുവെച്ചിരുന്നു. പിന്നീട് അദ്ദേഹത്തിന്റെ മൊബൈല് ഫോണും,ലാപ്ടോപ്പും,ഡി.വി.ഡികളും പിടിച്ചെടുത്ത ശേഷം വിട്ടയച്ചു. ഇതിനു ശേഷമാണ് ഭീഷണിയെക്കുറിച്ച് വെളിപ്പെടുത്തി ഗാര്ഡിയന് പത്രം രംഗത്തെത്തിയത്.
https://www.facebook.com/Malayalivartha
