മന്ത്രവാദം ചെയ്യുന്നതിനാല്‍ മാതാവിനെ താന്‍ കൊന്നുവെന്ന് ഷാര്‍ജയില്‍ 29- കാരന്‍ മകന്‍ പോലീസിന് മൊഴി നല്‍കി. ദൈവം ആവശ്യപ്പെട്ടതിനെ തുടര്‍ന്നാണ് താന്‍ മാതാവിനെ കൊന്നതെന്നാണ് മകന്റെ അവകാശവാദം.

വീടിനോട് ചേര്‍ന്ന ഒരു കടയില്‍ ചെന്ന് കത്തികാട്ടി ഭീഷണിപ്പെടുത്തിയതായിരുന്നു ജൂണ്‍ 7 ന് നടന്ന സംഭവത്തിലേക്ക് വെളിച്ചം വീശിയത്. സാധനങ്ങള്‍ വാങ്ങിയ ശേഷം കടക്കാരന്‍ പണം ചോദിച്ചപ്പോള്‍ കടക്കാരനെ ഇയാള്‍ കത്തി കാണിച്ച് ഭീഷണിപ്പെടുത്തുകയായിരുന്നു. അപ്പോള്‍ കടയുടമ ഇയാളെ കടയ്ക്കുള്ളില്‍ പൂട്ടിയിട്ട ശേഷം ഷാര്‍ജാ പോലീസിനെ വിളിച്ചു വരുത്തി.

തുടര്‍ന്ന് പോലീസ് എത്തി ഐഡി കാര്‍ഡ് ചോദിച്ചപ്പോള്‍ തന്റെ ഫ്‌ളാറ്റിനുള്ളിലാണെന്ന് ഇയാള്‍ പറഞ്ഞു. പോലീസ് ഫ്‌ളാറ്റില്‍ എത്തിയപ്പോള്‍ ദുര്‍ഗന്ധം അനുഭവപ്പെട്ടതിനെ തുടര്‍ന്ന് നടത്തിയ അന്വേഷണത്തില്‍ രക്തത്തില്‍ കുളിച്ച നിലയില്‍ മാതാവിന്റെ മൃതശരീരം കണ്ടെത്തുകയുമായിരുന്നു. മൃതദേഹത്തോടൊപ്പം ഇയാള്‍ പത്തു ദിവസം കഴിഞ്ഞതായി പോലീസ് വ്യക്തമാക്കി.

മാതാവ് മന്ത്രവാദം നടത്തിയതായി കണ്ടെത്തിയതിനെ തുടര്‍ന്നാണ് താന്‍ ഈ കൃത്യം ചെയ്തതെന്ന് ആണ് ഇയാള്‍ കോടതിയില്‍ പറഞ്ഞത്. അമ്മ മന്ത്രവാദം നടത്തുന്നുവെന്ന് ബന്ധുവായ സ്ത്രീയാണ് പറഞ്ഞത്. അമ്മയുടെ മുറിയില്‍ നിന്നും മന്ത്രങ്ങളെഴുതിയ ചില പേപ്പറുകളും മറ്റും കിട്ടുകയും ചെയ്തതോടെ കൊലപാതകം നടത്താന്‍ തീരുമാനിക്കുകയായിരുന്നു. ഇയാള്‍ മാനസീക രോഗിയായിരുന്നോ എന്ന പരിശോധന നടന്നു വരികയാണ്.

വിചാരണവേളയിലായിരുന്നു മകന്‍ കുറ്റകൃത്യം നടത്തിയ രീതി വിശദീകരിച്ചത്. അല്‍ മംസാര്‍ ഏരിയയിലെ അപ്പാര്‍ട്ട്‌മെന്റില്‍ മാതാവിനെ കഴുത്തറുത്ത് കൊല്ലുകയായിരുന്നെന്ന് 29 കാരന്‍ പോലീസിന് മൊഴി നല്‍കി. കൊല്ലാനായി അമ്മ ഉറങ്ങുന്നത് വരെ കാത്തിരുന്നെന്നും അതിന് ശേഷം നെഞ്ചില്‍ കയറിയിരുന്ന് വായ പൊത്തിപ്പിടിച്ച് വലതു കൈ കൊണ്ട് കഴുത്തു മുറിച്ചെന്നുമാണ് ഇയാള്‍ കോടതിയില്‍ പറഞ്ഞിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha