ഒരു സൂപ്പര്‍ വിജയിയെ തന്റെ രഹസ്യ ബന്ധത്തിലൂടെ സംരക്ഷിച്ചു പോരുന്ന റഷ്യന്‍ പ്രസിന്‍ഡന്റ് വളാദിമര്‍ പുഡിന്റെ പ്രണയകഥകളാണിപ്പോള്‍ റഷ്യയില്‍ പാടി നടക്കുന്നത്. ഉക്രൈനെതിരെയുള്ള യുദ്ധത്തില്‍ റഷ്യയുടെ നിലപാട് മാറ്റമില്ലാത്തതിനാല്‍ ലോക രാജ്യങ്ങളെല്ലാം വിവധ സമ്മേളനങ്ങളില്‍ റഷ്യയ്ക്കും അവരെ സഹായിക്കുന്ന ചൈനയക്കുമെതിരെ പ്രമേയങ്ങള്‍ പാസാക്കി കൊണ്ടിരിക്കുകയാണ്. എന്നാല്‍ റഷ്യന്‍ പ്രസിഡന്റാകട്ടെ തന്റെ സൂപ്പര്‍ ലേഡി കാമുകിയുമായി രഹസ്യ കേന്ദ്രത്തിലെന്നാണ് പുറത്തു വരുന്ന വിവരം. യുദ്ധത്തെ പുടിന്‍ ലഘൂകരിച്ചു കാണുന്നത് വളരെ അപലപനീയമായി മാറിയിരിക്കുകയാണ്.

യുദ്ധത്തില്‍ സൈന്യത്തിന്റെ മനോവീര്യം കെടുത്തുന്ന പ്രസ്താവനകളും പ്രവൃത്തികളും ഉണ്ടായികൊണ്ടിരിക്കുകയാണ് . സൈന്യത്തേക്കള്‍ പ്രധാന്യം വാഗ്നര്‍ എന്ന കൂല പട്ടാളത്തിന് നല്കുന്നതും റഷ്യന്‍ സൈന്യത്തിന്റെ കടുത്ത എതിര്‍പ്പിന് പാത്രമായിരിക്കുകയാണ്.റഷ്യയില്‍ സൈനീക അട്ടിമറി പോലും തള്ളിക്കളായാനാവാത്ത സാഹചര്യമാണ് നിലനില്ക്കുന്നത്.

റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ വീണ്ടും വീണ്ടും വാര്‍ത്തകളില്‍ നിറയുനനതാണ് ഇപ്പോള്‍ ചര്‍ച്ച ചെയ്യുന്നത്. എന്നാല്‍ ഇത്തവണ യുദ്ധം മാത്രമല്ല, അദ്ദേഹത്തിന്റെ പ്രണയകഥയും കൂടിയാണ് വാര്‍ത്തകളില്‍ ഇടം നേടുന്നത്. 70 കാരനായ പുടിന്‍ അടുത്തിടെ റഷ്യയില്‍  ഏറ്റവും വലിയ അപ്പാര്‍ട്ട്മെന്റ് വാങ്ങിയിരുന്നു. തന്റെ കാമുകി അലീന കബേവയ്ക്കും അവരുടെ മൂന്ന് കുട്ടികള്‍ക്കും വേണ്ടിയാണ് ഇതെന്നാണ് റിപ്പോര്‍ട്ട്. അവര്‍ക്കൊപ്പം പുടിന്‍ രഹസ്യമായി താമസിക്കുന്നുണ്ടെന്നും റിപ്പോര്‍ട്ടുകളുണ്ട്.

പുടിന്‍ തന്റെ കാമുകി അലീനയ്ക്കായി 120 മില്യണ്‍ ഡോളറിന്റെ അപ്പാര്‍ട്ട്‌മെന്റ് വാല്‍ഡായി തടാകത്തില്‍ സ്ഥാപിച്ചിട്ടുണ്ടെന്നാണ് ക്രെംലിന്‍ നിരോധിത വെബ്‌സൈറ്റായ ദി പ്രൊജക്റ്റില്‍ പറയുന്നത്. 13,000 ചതുരശ്ര അടി വിസ്തൃതിയില്‍ പരന്നുകിടക്കുന്ന അപ്പാര്‍ട്ട്മെന്റ് റഷ്യന്‍ ഡാച്ചയുടെ ശൈലിയില്‍ പൂര്‍ണ്ണമായും മരം കൊണ്ടാണ് നിര്‍മ്മിച്ചിരിക്കുന്നത്. 2020ലാണ് അപ്പാര്‍ട്ട്മെന്റിന്റെ ജോലി ആരംഭിച്ചത്.
റഷ്യന്‍ പ്രസിഡന്റ് തന്റെ 39 കാരിയായ കാമുകിക്ക് വേണ്ടി ദശലക്ഷക്കണക്കിന് അനധികൃത സ്വത്തുക്കള്‍ നിക്ഷേപിച്ചതായും വെബ്‌സൈറ്റില്‍ പറയുന്നു.

2022 ഓഗസ്റ്റില്‍ അലീനയും വാര്‍ത്തകളില്‍ ഇടം നേടിയിരുന്നു. യുഎസും യുകെയും അലീനയുടെ മേല്‍ നിരവധി ഉപരോധങ്ങള്‍ ഏര്‍പ്പെടുത്തിയപ്പോഴായിരുന്നു ഇത്. യുക്രെയ്നിലെ റഷ്യന്‍ അധിനിവേശത്തെ ശക്താമായി അലീന പിന്തുണച്ചിരുന്നു. 2007-2014 കാലഘട്ടത്തില്‍ പുടിന്റെ ഭരണകക്ഷിയായ യുണൈറ്റഡ് റഷ്യ പാര്‍ട്ടിയില്‍ അവര്‍ എംപിയായിരുന്നു. മുന്‍ ഒളിമ്പിക് ജിംനാസ്റ്റ് കൂടിയായ അലീന ഇപ്പോള്‍ ഒരു മാധ്യമ മേധാവിയായി പ്രവര്‍ത്തിക്കുന്നു.

നാലാം വയസ്സിലാണ് അലീന ജിംനാസ്റ്റിക്സില്‍ തന്റെ കരിയര്‍ ആരംഭിച്ചത്.  2004 ഏഥന്‍സില്‍ നടന്ന ഗെയിമുകളില്‍ ഒരു സ്വര്‍ണം ഉള്‍പ്പെടെ 21 യൂറോപ്യന്‍ ചാമ്പ്യന്‍ഷിപ്പ് മെഡലുകളും 14 ലോക ചാമ്പ്യന്‍ഷിപ്പ് മെഡലുകളും രണ്ട് ഒളിമ്പിക് മെഡലുകളും അലീന സ്വന്തമാക്കി. എന്നിരുന്നാലും, 2001-ല്‍ ഓസ്‌ട്രേലിയയില്‍ നടന്ന ഗുഡ് വില്‍ ഗെയിംസില്‍ അലീന ഉത്തേജക മരുന്ന് ഉപയോഗിച്ചതായി കണ്ടെത്തിയിരുന്നു. തുടര്‍ന്ന് മത്സരങ്ങളില്‍ നിന്നും അലീനയെ താത്കാലികമായി വിലക്കിയിരുന്നു.

2007-ല്‍ അലീന പ്രൊഫഷണല്‍ ജിംനാസ്റ്റിക്സില്‍ നിന്ന് വിരമിക്കുകയും രാഷ്ട്രീയത്തില്‍ പ്രവേശിക്കാന്‍ തീരുമാനിക്കുകയും ചെയ്തു. അ്ന്ന് മുതല്‍ പുടിനും അലീനയും ഒന്നിച്ചാണെന്നാണ് റിപ്പോര്‍ട്ട്. പാര്‍ലമെന്റിന്റെ അധോസഭയില്‍, അവര്‍ പുടിന്റെ യുണൈറ്റഡ് റഷ്യ പാര്‍ട്ടി അംഗമായി സേവനമനുഷ്ഠിച്ചു. ഒളിമ്പിക്‌സ് സ്വര്‍ണം നേടിയ 2004ല്‍ പുടിനൊപ്പം ഹസ്തദാനം ചെയ്യുന്ന ചിത്രവും പുറത്തു വ്ന്നിട്ടുണ്ട്. 2014ല്‍, അലീന രാഷ്ട്രീയം വിട്ട് മാധ്യമ വ്യവസായത്തില്‍ പ്രവേശിച്ച് റഷ്യയുടെ ന്യൂ മീഡിയ ഗ്രൂപ്പിന്റെ ചെയര്‍പേഴ്‌സണായി.

അതേസമയം അലീനയുമായുള്ള ബന്ധം പുടിന്‍ ഒരിക്കലും പരസ്യമായി അംഗീകരിച്ചിട്ടില്ല. 2000-ത്തിന്റെ തുടക്കം മുതല്‍ ഇരുവരും അടുപ്പത്തിലായിരുന്നുവെന്ന് പറയപ്പെടുന്നു, 2007 ല്‍ അലീന പുടിന്റെ രാഷ്ട്രീയ പാര്‍ട്ടിയില്‍ ചേര്‍ന്നതോടെ അഭ്യൂഹങ്ങള്‍ ശക്തമായി. 2001-ല്‍, പുടിന്‍ അലീനയ്ക്ക് മികച്ച സംസ്ഥാന ബഹുമതിയായ ഓര്‍ഡര്‍ ഓഫ് ഫ്രണ്ട്ഷിപ്പ് നല്‍കി.പുടിന്‍ തന്റെ ഭാര്യ ല്യൂഡ്‌മൈല്‍ ഷ്‌ക്രെബ്‌നേവയെ വിവാഹമോചനം ചെയ്ത ശേഷം അലീനയെ വിവാഹം കഴിക്കാന്‍ പദ്ധതിയിട്ടിരുന്നുവെന്ന് മാദ്ധ്യമങ്ങള്‍ റിപ്പോര്‍ട്ട് ചെയ്തിരുന്നു. അഞ്ച് വര്‍ഷത്തിന് ശേഷം പുടിന്‍ ഭാര്യയെ വിവാഹമോചനം ചെയ്തു. ഏകദേശം 12 മില്യണ്‍ ഡോളര്‍ വാര്‍ഷിക വരുമാനമുള്ള അലീന ഇന്ന് റഷ്യയിലെ സൂപ്പര്‍ വിജയിയായ സ്ത്രീയാണ്.

എന്നാല്‍ പുടിന്റെ അടുത്ത അനുയായികള്‍ പോലും അദ്ദേഹത്തിനെതിരെയുള്ള ഇത്തരം ആരോപണങ്ങളെ തള്ളിക്കളയുന്നില്ല. രാജ്യത്തെ യുദ്ധത്തിലേയ്ക്ക് തള്ളിവിട്ടിട്ട് പുടിന്‍ സുഖലോലുപനായി നടക്കുന്നതായാണ് പരാതി. അമേരിക്കന്‍ പ്രസിഡന്റ് ജോ ബൈഡന്റെ യുക്രൈന്‍ രഹസ്യ സന്ദര്‍ശനം അറിയാതെ പോയത് ചാരസംഘടനയുടെ കഴിവുകേടാണെന്ന് പെതുവേ ആരോപിക്കപ്പെടുന്നു.