ഏഷ്യന്‍രാജ്യമായ താജിക്കിസ്ഥാനില്‍ റിക്ടര്‍ സ്‌കെയിലില്‍ 7.2 തീവ്രതയില്‍ ശക്തമായ ഭൂചലനം രേഖപ്പെടുത്തി. താജിക്കിസ്ഥാനിലെ മര്‍ഗോബ് നഗരത്തിലാണ് ശക്തമായ ചലനമുണ്ടായത്.പാകിസ്താനിലും, ഉസ്‌ബെക്കിസ്ഥാനിലും, കിര്‍ഗിസ്ഥാനിലും കസാക്കിസ്ഥാനിലും അഫ്ഗാനിസ്ഥാന്റെ ചില വടക്കന്‍ഭാഗങ്ങളിലും ഭൂചലനം അനുഭവപ്പെട്ടു. ചണ്ഡീഗഢിലും ജമ്മുകശ്മീരിലെ ശ്രീനഗറിലും കെട്ടിടങ്ങളില്‍നിന്ന് ആളുകള്‍ പരിഭ്രാന്തരായി പുറത്തേക്കോടി രക്ഷപ്പെട്ടു.

ഇന്ത്യയില്‍ ന്യൂഡല്‍ഹി അടക്കമുള്ള പ്രദേശങ്ങളിലാണ് ഭൂചലനം അനുഭവപ്പെട്ടത്. ഉത്തര്‍പ്രദേശിന്റെ വിവിധ ഭാഗങ്ങളിലും പഞ്ചാബിലും ചലനം അനുഭവപ്പെട്ടു. ജനം ഭയവിഹ്വലരായി കെട്ടിടങ്ങളില്‍നിന്ന് പുറത്തിറങ്ങിയെന്ന് എ.എന്‍.ഐ വാര്‍ത്താ ഏജന്‍സി അറിയിച്ചു. ആള്‍അപായമോ വസ്തുനാശമോ റിപ്പോര്‍ട്ട് ചെയ്തിട്ടില്ല. രാജ്യതലസ്ഥാനമായ ഡൂഷാന്‍ബിയില്‍നിന്ന് 345 കിലോമീറ്റര്‍ മാറി ഉള്‍പ്രദേശമാണ് ഭൂചലനത്തിന്റെ പ്രഭവകേന്ദ്രമെന്ന് യു.എസ്. ജിയോളജിക്കല്‍ സര്‍വെ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha