പാവങ്ങളുടെ അമ്മ വിശുദ്ധ പദവിയേക്ക്, രണ്ടാമത്തെ അദ്ഭുതവും മാര്പാപ്പ സ്ഥിരീകരിച്ചതായി വത്തിക്കാന്
വാഴ്ത്തപ്പെട്ട മദര് തെരേസയുടെ മാധ്യസ്ഥ്യത്തിലുള്ള രണ്ടാമത്തെ അദ്ഭുതവും ഫ്രാന്സിസ് മാര്പാപ്പ സ്ഥിരീകരിച്ചു. ഇതോടെ മദറിന്റെ വിശുദ്ധപദവി പ്രഖ്യാപനത്തിനുള്ള കടമ്പകള് കടന്നു. നാമകരണതീയതി അടുത്തുതന്നെ കര്ദിനാള്മാരുടെ യോഗത്തില് (കണ്സിസ്റ്ററി) മാര്പാപ്പ പ്രഖ്യാപിക്കും.
അടുത്തവര്ഷം സെപ്റ്റംബര് നാലിനാകും നാമകരണമെന്നു കരുതുന്നു. കാരുണ്യത്തിന്റെ വിശുദ്ധവര്ഷത്തില് കാരുണ്യപ്രവൃത്തി ചെയ്യുന്നവരുടെ ദിനമായി സെപ്റ്റംബര് നാലിനെ മാര്പാപ്പ പ്രഖ്യാപിച്ചിട്ടുണ്ട്. എന്നാല്, ഈ തീയതി ഊഹാപോഹം മാത്രമാണെന്നു വത്തിക്കാന് വക്താവ് ഫാ. ഫെഡറിക്കോ ലൊംബാര്ഡി പറഞ്ഞു.
അല്ബേനിയയില് (ഇപ്പോള് മാസിഡോണിയ) ജനിച്ച് സന്യാസിനിയായി ഇന്ത്യയിലെത്തി കോല്ക്കത്ത തെരുവിലെ അനാഥര്ക്കായി ജീവിതം മാറ്റിവച്ച മിഷനറീസ് ഓഫ് ചാരിറ്റി സ്ഥാപകയായ മദര് തെരേസ 1997ലാണ് അന്തരിച്ചത്. അഗതികളുടെ അമ്മ എന്ന പേരില് ലോകത്തിന്റെ ആദരം നേടിയ മദറിനെ 2003ല് ജോണ് പോള് രണ്ടാമന് മാര്പാപ്പ വാഴ്ത്തപ്പെട്ടവരുടെ ഗണത്തിലേക്ക് ഉയര്ത്തി.
മദര് തെരേസയുടെ മാധ്യസ്ഥ്യത്തില് നടന്ന രണ്ടാമത്തെ അദ്ഭുതം ഫ്രാന്സിസ് മാര്പാപ്പ സ്ഥിരീകരിച്ചതായി വത്തിക്കാന് അറിയിച്ചെന്നു കോല്ക്കത്ത ആര്ച്ച്ബിഷപ് ഡോ. തോമസ് ഡിസൂസയും മിഷനറീസ് ഓഫ് ചാരിറ്റി അധികൃതരുമാണു വെളിപ്പെടുത്തിയത്. മദറിന്റെ മധ്യസ്ഥതയില് 2008ല് രോഗശാന്തി ലഭിച്ചതു തലച്ചോറില് ഗുരുതരമായി അര്ബുദം ബാധിച്ച ബ്രസീലുകാരനാണ്. ഇറ്റാലിയന് കത്തോലിക്കാ പത്രമായ അവനീറില് സ്റ്റെഫാനിയ ഫലസ്കയാണ് മദറിന്റെ മധ്യസ്ഥതയിലുള്ള അദ്ഭുതം സ്ഥിരീകരിച്ച വാര്ത്ത ആദ്യം റിപ്പോര്ട്ട് ചെയ്തത്.
മദറിന്റെ മധ്യസ്ഥതയില് രോഗശാന്തി ലഭിച്ച ബ്രസീലുകാരനെ പരിശോധിച്ച വത്തിക്കാന് മെഡിക്കല് സംഘം സെപ്റ്റംബര് 10ന് സമര്പ്പിച്ച റിപ്പോര്ട്ടിന്റെ അടിസ്ഥാനത്തില് വിശുദ്ധര്ക്കായുള്ള വത്തിക്കാന് കാര്യാലയം അദ്ഭുതം സ്ഥിരീകരിച്ചു ഡിസംബര് 15നു മാര്പാപ്പയ്ക്കു റിപ്പോര്ട്ട് സമര്പ്പിച്ചു. ഇതേത്തുടര്ന്ന് 17ന് കാര്യാലയത്തിന്റെ പ്രീഫെക്ട് കര്ദിനാള് ആഞ്ചലോ അമാന്തോ മാര്പാപ്പയെ സന്ദര്ശിച്ചപ്പോള് മദറിന്റെ മാധ്യസ്ഥ്യത്തില് നടന്ന രണ്ടാമത്തെ അദ്ഭുതം സ്ഥിരീകരിച്ചു. അര്ബുദം ബാധിച്ച ഇന്ത്യക്കാരിക്കു രോഗശാന്തി ലഭിച്ചതാണ് മദറിന്റെ മാധ്യസ്ഥ്യത്തിലുള്ള ആദ്യ അദ്ഭുതം.
അടുത്തു ചേരുന്ന കര്ദിനാള്മാരുടെ യോഗത്തില് അദ്ഭുതത്തിന്റെ സ്ഥിരീകരണവും വിശുദ്ധ പദവിയിലേക്ക് ഉയര്ത്തുന്ന തീയതിയും മാര്പാപ്പ പ്രഖ്യാപിക്കും. മദറിനെ സെപ്റ്റംബര് നാലിനു വിശുദ്ധപദവിലേക്ക് ഉയര്ത്തുമെന്നാണ് റോമില്നിന്നുള്ള അനൗദ്യോഗിക വിവരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
