സുനാമി നാശം വിതച്ച ഫുകുഷിമ ആണവനിലയത്തിൽ നിന്ന് അയൽരാജ്യങ്ങളുടെ എതിർപ്പ് അവഗണിച്ച് ശുദ്ധീകരിച്ച റേഡിയോ ആക്ടീവ് വെള്ളം വ്യാഴാഴ്ച പസഫിക് സമുദ്രത്തിലേക്ക് ജപ്പാൻ തുറന്നുവിടും.UNന്റെ ആണവ നിരീക്ഷണ സമിതി, പദ്ധതിക്ക് അംഗീകാരം നൽകി ആഴ്ചകൾക്ക് ശേഷമാണ് ഈ തീരുമാനം.

2011 ലെ സുനാമി പ്ലാന്റിനെ നശിപ്പിച്ചതിനുശേഷം ,ഏകദേശം 1.34 ദശലക്ഷം ടൺ വെള്ളം ,ഏകദേശം 500 ഒളിമ്പിക് പൂളുകൾ നിറയ്ക്കാൻ മതിയാകുന്ന അത്രെയും വെള്ളം പ്ലാന്റിൽ അടിഞ്ഞുകൂടിയിട്ടുണ്ട്..ഈ വെള്ളം ഫിൽട്ടർ ചെയ്ത് നേർപ്പിച്ച് 30 വർഷത്തിൽ തുറന്നുവിടും.കാലാവസ്ഥയും കടൽസാഹചര്യവും ഉചിതമാണെങ്കിൽ ആഗസ്റ്റ് 24 മുതൽ നീക്കം ചെയ്യാൻ പ്ലാന്റിന്റെ ഓപ്പറേറ്ററോട് അധികൃതർ നിർദേശിക്കുമെന്ന് ജപ്പാൻ പ്രധാനമന്ത്രി ഫ്യൂമിയോ കിഷിദ ചൊവ്വാഴ്ച മന്ത്രിസഭാ യോഗത്തിന് ശേഷം അറിയിച്ചു.കിഷിദ ഞായറാഴ്ച പ്ലാന്റ് സന്ദർശിക്കുകയും ചെയ്തത്, മോചനം ഉടനുണ്ടാകുമെന്നു സൂചിപ്പിക്കുന്നു...

തലസ്ഥാനമായ ടോക്കിയോയിൽ നിന്ന് ഏകദേശം 220 കിലോമീറ്റർ (137 മൈൽ) വടക്ക് കിഴക്കായി രാജ്യത്തിന്റെ കിഴക്കൻ തീരത്ത് സ്ഥിതി ചെയ്യുന്ന പ്ലാന്റ് ഡീകമ്മീഷൻ ചെയ്യുന്നതിനുള്ള ദൈർഘ്യമേറിയതും ചെലവേറിയതുമായ പ്രക്രിയയിൽ വെള്ളം തുറന്നുവിടുന്നത് ആവശ്യമായ നടപടിയാണെന്ന് സർക്കാർ പറഞ്ഞു.

ഒരു ദശാബ്ദത്തിലേറെയായി ജപ്പാൻ മലിനമായ വെള്ളം ടാങ്കുകളിൽ ശേഖരിക്കുകയും സംഭരിക്കുകയും ചെയ്യുന്നു, പക്ഷേ ഇപ്പോൾ  സ്ഥലമില്ലാതായി.റിക്ടർ സ്കെയിലിൽ 9.0 തീവ്രത രേഖപ്പെടുത്തിയ ഭൂകമ്പത്തെ തുടർന്നുണ്ടായ 2011ലെ സുനാമി, ചെർണോബിലിന് ശേഷമുള്ള ലോകത്തിലെ ഏറ്റവും വലിയ ആണവ ദുരന്തമായി കണക്കാക്കപ്പെടുന്നു.

താമസിയാതെ, അധികാരികൾ ഒരു എക്‌സ്‌ക്ലൂഷൻ സോൺ സ്ഥാപിച്ചു, അത് പ്ലാന്റിൽ നിന്ന് റേഡിയേഷൻ ചോർന്നതിനാൽ വികസിച്ചുകൊണ്ടിരുന്നു 1,50,000-ത്തിലധികം ആളുകളെ പ്രദേശത്ത് നിന്ന് ഒഴിപ്പിക്കാൻ നിർബന്ധിതരാക്കുകയും ചെയ്തു..

ഫുകുഷിമയിൽ എന്താണ് സംഭവിച്ചത്?


രണ്ട് വർഷം മുമ്പ് ജപ്പാൻ സർക്കാർ അംഗീകരിച്ചതിനാൽ പ്ലാന്റിൽ നിന്ന് വെള്ളം വിടാനുള്ള പദ്ധതി ഏഷ്യയിലും പസഫിക്കിലും ആശങ്ക സൃഷ്ടിച്ചു.

UNന്റെ  ആണവ നിരീക്ഷണ സമിതി ഇത് ഒപ്പുവെച്ചിരുന്നു, അത് ആളുകൾക്കും പരിസ്ഥിതിക്കും ഉണ്ടാകുന്ന ആഘാതം നിസ്സാരമായിരിക്കും എന്നായിരുന്നു നിഗമനം , എന്നാൽ ഈ മേഖലയിലെ മത്സ്യത്തൊഴിലാളികൾ ഇപ്പോഴും ശുദ്ധീകരിച്ച വെള്ളം പുറന്തള്ളുന്നത് തങ്ങളുടെ മീൻപിടിത്തത്തിനെ  ദോഷകരമായി ബാധിക്കുമെന്നും അതുവഴി അവരുടെ ഉപജീവനത്തെ ബാധിക്കുമെന്നും ഭയപ്പെടുന്നു.

60-ലധികം റേഡിയോ ആക്ടീവ് പദാർത്ഥങ്ങൾ നീക്കം ചെയ്യുന്നതിനായി ടെപ്‌കോ വെള്ളം ഫിൽട്ടർ ചെയ്യുന്നു, പക്ഷേ വെള്ളത്തിൽ നിന്ന് എളുപ്പത്തിൽ നീക്കം ചെയ്യാൻ കഴിയാത്ത ട്രിറ്റിയം, കാർബൺ-14, യഥാക്രമം ഹൈഡ്രജൻ, കാർബൺ എന്നിവയുടെ റേഡിയോ ആക്ടീവ് ഐസോടോപ്പുകൾ അടങ്ങിയിരിക്കുന്നതിനാൽ വെള്ളം പൂർണ്ണമായും വികിരണ രഹിതമാകില്ല. എന്നാൽ വിദഗ്ധർ വിശ്വസിക്കുന്നത് വലിയ അളവിൽ ഉപയോഗിച്ചില്ലെങ്കിൽ അവ അപകടകരമല്ല, കാരണം അവ വളരെ കുറഞ്ഞ അളവിലുള്ള വികിരണം പുറപ്പെടുവിക്കുന്നുള്ളൂ.

എന്നാൽ ഈ പദ്ധതി അയൽ രാജ്യങ്ങളിൽ കോലാഹലം സൃഷ്ടിച്ചു, ചൈനയാണ് ഏറ്റവും ശക്തമായ എതിരാളി. സമുദ്രത്തെ അതിന്റെ "സ്വകാര്യ അഴുക്കുചാല്" പോലെയാണ് ജപ്പാന് കണക്കാക്കുന്നതെന്ന് ചൈന കുറ്റപ്പെടുതുകയും ചെയ്തു..എന്നിരുന്നാലും, ദക്ഷിണ കൊറിയ ഈ പദ്ധതിയെ അംഗീകരിക്കുകയും പ്രതിഷേധക്കാരെ കുറ്റപ്പെടുത്തുകയും ചെയ്തു.

ഫുകുഷിമയിലും പരിസരങ്ങളിലും താമസിക്കുന്ന ആളുകൾക്കും ശുദ്ധീകരിച്ച വെള്ളം സുരക്ഷിതമാണെന്ന് ഇതുവരെ ബോധ്യപ്പെട്ടിട്ടില്ല, കൂടാതെ രാജ്യത്തെ നിരവധി മത്സ്യത്തൊഴിലാളികൾ തങ്ങളുടെ ഉപജീവനത്തെ ബാധിക്കുമെന്ന് ഭയപ്പെടുന്നു.കൂടാതെ ദക്ഷിണ കൊറിയയും ചൈനയും ഫുകുഷിമയിൽ നിന്നുള്ള മത്സ്യ ഇറക്കുമതി നിരോധിച്ചിട്ടുമുണ്ട്.