പാകിസ്ഥാനില് ചരക്കുവണ്ടിയും പാസഞ്ചര് ട്രെയിനും കൂട്ടിയിടിച്ചുണ്ടായ അപകടത്തില് 31 പേര്ക്ക് പരിക്ക്....
പാകിസ്ഥാനില് ചരക്കുവണ്ടിയും പാസഞ്ചര് ട്രെയിനും കൂട്ടിയിടിച്ചുണ്ടായ അപകടത്തില് 31 പേര്ക്ക് പരിക്ക്. പാകിസ്ഥാനിലെ പഞ്ചാബ് പ്രവിശ്യയിലെ ക്വില സത്തര്ഷാ സ്റ്റേഷനിലായിരുന്നു അപകടം നടന്നത്.
മിയാന്വാലിയില് നിന്ന് വന്ന പാസഞ്ചര് ട്രെയിന് നിര്ത്തിയിട്ടിരിക്കുകയായിരുന്ന ചരക്കു വണ്ടിയില് ഇടിക്കുകയായിരുന്നു. ലാഹോറിലേക്ക് പോവുകയായിരുന്ന പാസഞ്ചര് തീവണ്ടിയിലെ യാത്രക്കാര്ക്കാണ് പരിക്കേറ്റത്. ഒരേ ട്രാക്കില് മറ്റൊരു ട്രെയിന് കണ്ട് പാത മാറ്റാന് പാസഞ്ചര് ട്രെയിനിന്റെ ലോക്കോ പൈലറ്റ് ശ്രമിച്ചെങ്കിലും ശ്രമം ഫലം കണ്ടില്ല.
പരിക്കേറ്റവരില് അഞ്ച് പേരുടെ നില ഗുരുതരമാണ്. ഇവരെ ജില്ലാ ആശുപത്രിയില് പ്രവേശിപ്പിച്ചിരിക്കുകയാണ്. സംഭവത്തില് അന്വേഷണം ആരംഭിച്ചതായി പാക് റെയില്വേ വക്താവ് വിശദമാക്കി. അപകടത്തിന് പിന്നാലെ ഗതാഗത തടസം നേരിട്ടെങ്കിലും ലാഹോര് ഡിവിഷനില് ട്രെയിന് ഗതാഗതം പുനരാരംഭിച്ചിട്ടുണ്ട്. ട്രെയിനുകള് കൂട്ടിയിടിച്ച ട്രാക്കില് നിന്ന് അപകടത്തിന്റെ ശേഷിപ്പുകള് നീക്കം ചെയ്തതായും റെയില്വേ വ്യക്തമാക്കി.
"
https://www.facebook.com/Malayalivartha
