ഇസ്രായാലിനെതിരെ ചൈനയുടെ എതിര്ശബ്ദവും ഉയര്ന്നു തുടങ്ങി. ഇസ്രയേലിന്റെ പ്രവൃത്തികള് 'പ്രതിരോധ നടപടികളുടെ അതിര്വരമ്പുകള് മറികടന്നതായി' ചൈനീസ് വിദേശകാര്യമന്ത്രി വാങ് യി പറഞ്ഞു. ഗാസയിലെ ജനതയെ കൂട്ടത്തോടെ ശിക്ഷിക്കുന്ന നടപടികള് ഇസ്രയേല് ഉടനടി നിര്ത്തണമെന്നും വാങ് യി ആവശ്യപ്പെട്ടു
ഇസ്രായാലിനെതിരെ ചൈനയുടെ എതിര്ശബ്ദവും ഉയര്ന്നു തുടങ്ങി. ഇസ്രയേലിന്റെ പ്രവൃത്തികള് 'പ്രതിരോധ നടപടികളുടെ അതിര്വരമ്പുകള് മറികടന്നതായി' ചൈനീസ് വിദേശകാര്യമന്ത്രി വാങ് യി പറഞ്ഞു. ഗാസയിലെ ജനതയെ കൂട്ടത്തോടെ ശിക്ഷിക്കുന്ന നടപടികള് ഇസ്രയേല് ഉടനടി നിര്ത്തണമെന്നും വാങ് യി ആവശ്യപ്പെട്ടു. നിലവിലെ സാഹചര്യം കൂടുതല് രൂക്ഷമാക്കാനുള്ള നീക്കം മറ്റുള്ള രാഷ്ട്രങ്ങളുടെ ഭാഗത്തുനിന്ന് ഉണ്ടാകാതെ എത്രയും പെട്ടെന്ന് ചര്ച്ചയിലൂടെ പ്രശ്നപരിഹാരം കണ്ടെത്തണമെന്നും വാങ് യി കൂട്ടിച്ചേര്ത്തു.
ഇസ്രയേല്-ഹമാസ് സംഘര്ഷത്തില് ആദ്യമായാണ് ചൈന അഭിപ്രായപ്രകടനം നടത്തുന്നത്. ശനിയാഴ്ച സൗദി അറേബ്യയുടെ വിദേശകാര്യമന്ത്രി ഫൈസല് ബിന് ഫര്ഹാന് രാജകുമാരനുമായി നടത്തിയ ടെലിഫോണ് സംഭാഷണത്തിലാണ് വാങ് ഹി ചൈനീസ് നിലപാട് വ്യക്തമാക്കിയത്. 'അന്താരാഷ്ട്ര സമൂഹത്തിന്റേയും യുഎന് സെക്രട്ടറി ജനറലിന്റേയും ആഹ്വാനങ്ങള് ഇസ്രയേല് കണക്കിലെടുക്കണം, ഗാസയിലെ ജനങ്ങളെ കൂട്ടായ ശിക്ഷയ്ക്ക് വിധേയമാക്കുന്നത് ഇസ്രയേല് എത്രയും പെട്ടെന്ന് അവസാനിപ്പിക്കണം', വാങ് യി പറഞ്ഞു.
വിഷയത്തില് യുഎസ് ഫലപ്രദവും ഉത്തരവാദിത്വപരവുമായ ഇടപെടല് നടത്തണമെന്ന് യുഎസ് സെക്രട്ടറി ഓഫ് സ്റ്റേറ്റ് ആന്റണി ബ്ലിങ്കനുമായി നടത്തിയ മറ്റൊരു ഫോണ് സംഭാഷണത്തില് വാങ് യി ആവശ്യപ്പെട്ടു. ഒത്തുതീര്പ്പിനായിസമാധാന യോഗം വിളിക്കണമെന്നും വാങ് യി ബ്ലിങ്കനോട് പറഞ്ഞു. കൂടാതെ, പലസ്തീന് ജനത അനുഭവിക്കുന്ന ചരിത്രപരമായ അനീതിയാണ് ഇസ്രയേല്-പലസ്തീന് പ്രശ്നങ്ങള്ക്ക് കാരണമെന്ന് യൂറോപ്യന് യൂണിയന് പ്രതിനിധി ജയിംസ് ബോറലുമായി നടത്തിയ കൂടിക്കാഴ്ചയില് വാങ് യി പറയുകയുണ്ടായി.
ഇസ്രയേല്-ഗാസ സംഘര്ഷത്തില് ചൈന നടത്തിയ ഔദ്യോഗികപ്രസ്താവനകളില് ഹമാസിനെക്കുറിച്ച് പരാമര്ശമുണ്ടായില്ലെന്ന് ചില പാശ്ചാത്യരാജ്യങ്ങളില്നിന്ന് വിമര്ശനം ഉയര്ന്നിട്ടുണ്ട്. ഇസ്രയേല്-ഹമാസ് സംഘര്ഷം അവസാനിപ്പിക്കാനും സമാധാനചര്ച്ചകള് നടപ്പിലാക്കാനുമായി ചൈനയുടെ പ്രത്യേകപ്രതിനിധി ഷായ് ജുന് വരുന്നയാഴ്ച പശ്ചിമേഷ്യന് രാജ്യങ്ങള് സന്ദര്ശിക്കുമെന്ന് ചൈനയുടെ ദേശീയ ടെലിവിഷന് ചാനലായ സിസിടിവി വീഡിയോയില് വ്യക്തമാക്കി.
അറബ് ലീഗിന്റെ പ്രതിനിധികളുമായി ഷായ് ജുന് ബെയ്ജിങ്ങില് വെച്ച് വെള്ളിയാഴ്ച കൂടിക്കാഴ്ച നടത്തിയിരുന്നു. പലസ്തീന്റെ വിഷയത്തില് സുപ്രധാന ഇടപെടല് നടത്തുന്ന പ്രാദേശിക സംഘടനയ്ക്ക് ചൈന പിന്തുണ നല്കിയതായും ഷായ് ജുന് കൂടിക്കാഴ്ചയില് വ്യക്തമാക്കി. പശ്ചിമേഷ്യന് രാജ്യങ്ങളിലെ സമധാന പുനഃസ്ഥാപനത്തിനായി ചൈന പ്രയത്നിക്കുമെന്നും ഷായ് ജുന് പ്രസ്താവിച്ചിരുന്നു. അതേസമയം, നിമിങ്ങള് ഴിയുന്തോറും ഇസ്രായേല് സൈന്യം ഗാസയുടെ സുരക്ഷിത പ്രദേശങ്ങളില് കടന്നു കയറി കൊണ്ടിരിക്കുകയാണ്. വടക്കന്, തെക്കന് മേഖലകളായി തിരിച്ച് ജനത്തെ ആട്ടിപായിക്കുമ്പോള് പാലായനം ചെയ്യുന്നവരെ തന്നെ കൂട്ടക്കുരുതി നടത്തുകയാണ്. ഇസ്ലാം രാജ്യങ്ങളുടെ കൂട്ടത്തില് ഇറാന് ഇസ്രായേലിനെതിരെ യുദ്ധ സജ്ജമായി നിലകൊള്ളുകയാണ്. ലെബനനിന് നേരെ ഇന്നലെ നടന്ന മിസൈല് ആ്ക്രമണത്തിന് ശക്തമായി തിരിച്ചടിയുണ്ടാകുമെന്ന് ഇസ്രായേല് ഭയക്കുന്നുണ്ട്.
ഗാസ്സയില് ഇസ്രയേല് ആക്രമണം തുടര്ന്നാല് കാഴ്ച്ചക്കാരാവില്ലെന്ന് ഇറാന് പ്രസിഡന്റ് ഇബ്രാഹിം റെയ്സി പ്രഖ്യാപിക്കുമ്പോള് പശ്ചിമേഷ്യയിലെ സംഘര്ഷം പുതിയ തലത്തിലേക്ക് മാറുന്നുണ്ട്. താലിബാനും ഹിസ്ബുള്ളയും ഹമാസിനൊപ്പം ഇസ്രയേലിനെതിരെ യുദ്ധം ചെയ്യുമെന്നാണ് സൂചനകള്. ഇതിന്റെ തുടക്കമാണ് ഇറാന് പ്രസിഡന്റിന്റെ പ്രഖ്യാപനം. നാസികള് ചെയ്തത് ഇപ്പോള് ഇസ്രയേല് ആവര്ത്തിക്കുന്നുവെന്നും ഇറാന് പ്രസിഡന്റ് പറഞ്ഞു. അതേസമയം, യുദ്ധഭൂമിയില് കൂട്ടപലായനം തുടരുകയാണ്. 48 മണിക്കൂറിനിടെ വടക്കന് ഗാസ്സയില് നിന്ന് ഒഴിഞ്ഞുപോയത് നാലരലക്ഷം പേരാണ്. ഇന്ധനക്ഷാമം രൂക്ഷമായതോടെ ആശുപത്രികളടക്കം കടുത്ത പ്രതിസന്ധിയിലാണ്. ഫലസ്തീനില് നിന്ന് വിദേശികളെ ഉള്പ്പെടെ ഒഴിപ്പിക്കാന് ഈജിപ്ത് റാഫാ ഗേറ്റ് ഇന്ന് തുറക്കും. ഇതിനിടെ 126 സെനികരെ ഹമാസ് ബന്ദികളാക്കിയെന്ന് സ്ഥിരീകരിച്ച് ഇസ്രയേല് രംഗത്തെത്തി. അതിര്ത്തി കടന്ന് ഇസ്രയേലിലെത്തിയ ഹമാസ് സായുധ സംഘം ബന്ധികളാക്കിയതില് 126 സൈനികരുണ്ടെന്നാണ് ഇസ്രയേല് വ്യക്തമാക്കിയത്.
അതിര്ത്തിനഗരമായ സ്ദെറോതില്നിന്ന് ആളുകളെ ഒഴിപ്പിച്ചതോടെ ഗാസ്സയ്ക്കെതിരെ ഇസ്രയേലിന്റെ കരയുദ്ധം ആസന്നമെന്നു സൂചനയാണ് പുറത്തു വരുന്നത്. ഇസ്രയേല് മന്ത്രിസഭ അടിയന്തരയോഗം ചേര്ന്നു. യുഎസ് പടക്കപ്പലുകളും ഗാസ്സ അതിര്ത്തിയിലെത്തിയതോടെ നാവിക ആക്രമണത്തിനും സാധ്യതയേറി. ഗാസ്സയില് ഭക്ഷണവും വെള്ളവും കിട്ടാതെ ദുരിതം കഠിനമായതോടെ പലായനം ചെയ്യുന്നവരുടെ എണ്ണം വര്ധിച്ചു. തെക്കന് ഗസ്സയിലേക്കുള്ള ജലവിതരണം പുനരാരംഭിച്ചതായി യുഎസ് പറയുന്നുണ്ട്.യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന് സൗദിയിലെത്തി കിരീടാവകാശി മുഹമ്മദ് ബിന് സല്മാനുമായി ചര്ച്ച നടത്തിയ്ത് യുദ്ധം മേഖലയാകെ വ്യാപിക്കാതിരിക്കാനാണ് എന്നാണ് പുറത്തു വരുന്ന വിവരം.
https://www.facebook.com/Malayalivartha
