ദുബായില്‍ ഇസ്രയേലിയന്‍ പൗരന്മാരെ കുത്തിക്കൊലപ്പെടുത്തിയെന്ന വാര്‍ത്ത നിഷേധിച്ച് പൊലീസ്
ദുബായില്‍ നാല് ഇസ്രയേലിയന്‍ പൗരന്മാരെ കുത്തിക്കൊലപ്പെടുത്തിയെന്ന വാര്‍ത്ത നിഷേധിച്ച് പൊലീസ്. ഇത് സംബന്ധിച്ച് ശരിയായ വിവരങ്ങള്‍ ഔദ്യോഗിക ചാനലുകളിലൂടെ മനസിലാക്കാനും ദുബായ് പൊലീസ് അറിയിച്ചു. ദുബായ് മീഡിയ ഓഫീസിന്റെ ഔദ്യോഗിക പേജിലാണ് ഇതിനെക്കുറിച്ചുള്ള പ്രതികരണം അറിയിച്ചത്. യു എ ഇയില്‍ സുരക്ഷയും സംരക്ഷണവും നല്‍കുമെന്നും അവര്‍ കൂട്ടിച്ചേര്‍ത്തു. ഇസ്രയേല്‍ യുദ്ധം രൂക്ഷമാകുന്ന സാഹചര്യത്തിലാണ് ദുബായില്‍ ഇസ്രയേലിയന്‍ പൗരന്മാരെ കുത്തിക്കൊലപ്പെടുത്തിയെന്ന വ്യാജ വാര്‍ത്തകള്‍ പ്രചരിച്ചത്.
അതേസമയം, ഗാസയില്‍ വെടിനിറുത്തലിന് സമ്മതിച്ചെന്ന തരത്തില്‍ പ്രചരിക്കുന്ന വാര്‍ത്തകള്‍ തള്ളി ഇസ്രയേല്‍ രംഗത്തെത്തി. വെടിനിറുത്തല്‍ റിപ്പോര്‍ട്ടുകള്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫീസ് നിഷേധിച്ചതായി വാര്‍ത്താ ഏജന്‍സികള്‍ അറിയിച്ചു. വെടിനിറുത്തലിന് തയ്യാറല്ലെന്ന് ഹമാസും വ്യക്തമാക്കിയിട്ടുണ്ട്.
ഗാസ പിടിച്ചെടുക്കാന്‍ താത്പര്യമില്ലെന്നും എന്നാല്‍ ഹമാസിനെ ഉന്മൂലനം ചെയ്യാനുള്ള നടപടികളുമായി മുന്നോട്ടുപോകുമെന്നും യു,?എസിലെ ഇസ്രയേല്‍ അംബാസഡര്‍ ഗിലാര്‍ഡ് എര്‍ദന്‍ വ്യക്തമാക്കി. ഗാസ പിടിച്ചെടുക്കാനുള്ള ഇസ്രയേലിന്റെ നീക്കം വന്‍ അബദ്ധമാകുമെന്ന് യു.എസ് പ്രസിഡന്റ് ജോ ബൈഡന്‍ പറഞ്ഞതിന് പിന്നാലെയാണ് നിലപാടി വ്യക്തമാക്കി എര്‍ദന്‍ രംഗത്തെത്തിയത്.
https://www.facebook.com/Malayalivartha
