ഇസ്രയേല് ഹമാസ് യുദ്ധത്തിനിടെ അമേരിക്കന് പ്രസിഡന്റ് ടെല് അവീവിലേക്ക്.... ജോ ബൈഡന് നാളെ ഇസ്രയേലിലെത്തും, ഇസ്രയേല് പ്രധാനമന്ത്രി ബെന്യാമിന് നെതന്യാഹുവുമായി ജോ ബൈഡന് കൂടിക്കാഴ്ച നടത്തും
ഇസ്രയേല് ഹമാസ് യുദ്ധത്തിനിടെ അമേരിക്കന് പ്രസിഡന്റ് ടെല് അവീവിലേക്ക്. ജോ ബൈഡന് നാളെ ഇസ്രയേലിലെത്തും. ഇസ്രയേല് പ്രധാനമന്ത്രി ബെന്യാമിന് നെതന്യാഹുവുമായി ജോ ബൈഡന് കൂടിക്കാഴ്ച നടത്തും.
അതിനിടെ ജറുസലേമിലും ടെല് അവീവിലും റോക്കറ്റ് ആക്രമണം നടത്തിയെന്ന് ഹമാസ് അവകാശപ്പെട്ടു. ലെബനോനിലെ ഹിസ്ബുല്ല താവളം വീണ്ടും ആക്രമിച്ചുവെന്ന് ഇസ്രയേലും വ്യക്തമാക്കി.
199 പേര് ഹമാസിന്റെ ബന്ദികളായി ഉണ്ടെന്ന് ഇസ്രയേല് പറയുന്നു. ഗാസയില് സ്ഥിതി അതീവ ഗുരുതരമായി തുടരുന്നു. ഗാസയിലെ ആശുപത്രികള് ഇന്ധനമില്ലാതെ പ്രതിസന്ധിയിലേക്കെന്ന് യുഎന് . ഗാസയിലെ സാധാരണക്കാക്കരെ ഇസ്രയേല് ആക്രമിക്കുന്നത് തുടര്ന്നാല് യുദ്ധത്തിന്റെ വ്യാപ്തി കൂടുമെന്ന് ഇറാന് കഴിഞ്ഞ ദിവസം മുന്നറിയിപ്പ് നല്കിയിട്ടുണ്ടായിരുന്നു.
ഇസ്രയേലിനെ തടയാനായി നയതന്ത്ര ശേഷി ഉപയോഗിക്കണമെന്ന് ഇറാന് ചൈനയോട് അഭ്യര്ത്ഥിച്ചതോടെ പശ്ചിമേഷ്യന് സംഘര്ഷം വ്യാപിക്കുമോയെന്ന ആശങ്ക ശക്തമായി. ഇസ്രയേല് പരിധി ലംഘിക്കുന്നുവെന്ന് കഴിഞ്ഞ ദിവസം ചൈന കുറ്റപ്പെടുത്തിയിരുന്നു.
ഇസ്രയേല് സൈന്യം ഗാസ പിടിച്ചടക്കുന്നത് അബദ്ധമായിരിക്കുമെന്ന് അമേരിക്കന് പ്രസിഡന്റ് ജോ ബൈഡനും വ്യക്തമാക്കി.അതേസമയം, നിരപരാധികള് കൊല്ലപ്പെടുന്നതിനെ ചൊല്ലി അന്താരാഷ്ട്ര സമ്മര്ദം ശക്തമായതോടെ ഇസ്രയേലിന്റെ കരയുദ്ധം വൈകുന്നു. ഗാസയ്ക്കുള്ളില് കടന്ന് ഇസ്രയേല് സൈന്യത്തിന് കനത്ത ആള്നാശം ഉണ്ടായാല് അത് ജനവികാരം എതിരാക്കുമെന്ന ഭയം ബെന്യാമിന് നെതന്യാഹുവിനുവിനുണ്ട്. ഗാസയ്ക്കുള്ളില് ഹമാസ് തടവിലാക്കിയിരിക്കുന്ന ബന്ദികളുടെ ജീവനാണ് സൈനിക നീക്കത്തിന്മറ്റൊരു തടസമായിട്ടുള്ളത്.
"
https://www.facebook.com/Malayalivartha
