നദീന്‍ സുന്ദരി വരുന്നു ലോകത്തെ പിടിച്ചിരുത്താന്‍. പെണ്ണിനെക്കണ്ടാല്‍ ഇനി ഇതില്‍ ഏതാ ഒറിജിനില്‍ എന്നു ചോദിക്കേണ്ട കാലമെത്തി. ഒറിജിനലിനെ വെല്ലും ഡൂപ്ലിക്കേറ്റിന്റെ കാലമാണിത്. മനുഷ്യസമാനമായ യന്ത്രമനുഷ്യനാണ് രജനീകാന്തിന്റെ യന്തിരന്‍ എന്ന കഥാപാത്രം. കഥകളിലും സിനിമകളിലും മാത്രം കണ്ടിരുന്ന മനുഷ്യസമാനമായ യന്ത്രമനുഷ്യനെ യഥാര്‍ഥ ജീവിതത്തിലും ഇനി കണ്ടുമുട്ടാനാകും. മനുഷ്യന്‍ ചെയ്യുന്നതെല്ലാം ചെയ്യുന്ന, കാഴ്ചയിലും യഥാര്‍ഥ മനുഷ്യരെപ്പൊലീരിക്കുന്ന യന്ത്രമനുഷ്യന്‍ സിംഗപ്പുരിലാണ് പിറവിയെടുത്തിരിക്കുന്നത്.
നദീന്‍ എന്ന പെണ്‍ റോബോട്ടാണ് ലോകത്തെ ആദ്യ മനുഷ്യ സമാന യന്ത്രമനുഷ്യന്‍. സിംഗപ്പുരിലെ നാന്യാങ് ടെക്‌നോളജിക്കല്‍ സര്‍വകലാശാലയിലെ ഗവേഷകരാണ് ഇതിനെ വികസിപ്പിച്ചത്. നദീനെപ്പോലുള്ള യന്ത്രമനുഷ്യര്‍ സമീപഭാവിയില്‍ത്തന്നെ നമ്മുടെ തൊഴിലിടങ്ങളില്‍ നമ്മളിലൊരാളായി ജോലി ചെയ്യുമെന്ന് ഗവേഷകര്‍ പറയുന്നു.
നാദിയയെപ്പൊലീരിക്കുന്ന ഈ റോബോട്ട് ഇപ്പോള്‍ത്തന്നെ സര്‍കവലാശാലയിലെ മീഡിയ ഇന്നവേഷന്‍ ഇന്‍സ്റ്റിറ്റിയൂട്ടില്‍ റിസപ്ഷനിസ്റ്റിന്റെ ജോലി ചെയ്യുന്നുണ്ട്. പുതിയതായി നിര്‍മ്മിക്കുന്ന റോബോട്ടുകളെ കുട്ടികളെ പരിപാലിക്കുന്നതും ഒറ്റയ്ക്കായിപ്പോകുന്നവര്‍ക്ക് കൂട്ടുനല്‍കുന്നതും പോലുള്ള ജോലികള്‍ പഠിപ്പിക്കുകയാണ് ഗവേഷകര്‍.
മനുഷ്യന്റേതുപോലത്തെ തൊലിയാണ് ഈ റോബോട്ടിനുമുള്ളത്. ഇടതൂര്‍ന്ന മുടിയും മനുഷ്യന്റേതുപോലുള്ള ചലനങ്ങളും നദീനെ നാദിയയുടെ ഇരട്ട സഹോദരിയെപ്പോലെ തോന്നിപ്പിക്കുന്നു. ആര്‍ട്ടിഫിഷ്യല്‍ ഇന്റലിജന്‍സിന്റെ സഹായത്തോടെ, നദീന്‍ ചിരിക്കുകയും കണ്ണിമ വെട്ടിക്കുകയും ആളുകള്‍ക്ക് ഹസ്തദാനം നല്‍കുകയും ചെയ്യും. ഒരുവട്ടം പരിചയപ്പെട്ടവരെ പിന്നീട് ഓര്‍മിച്ചെടുക്കാനും ഇതിനാവും.
സങ്കടവും സന്തോഷവും പോലുള്ള വികാരങ്ങളും നദീനുണ്ട്. സര്‍വകലാശാലയില്‍ എത്തുന്നവരുമായി നടത്തുന്ന സംസാരത്തില്‍നിന്ന് വികാരം ഉദ്ദീപിപ്പിക്കുന്ന തരത്തിലാണ് നദീനെ രൂപപ്പെടുത്തിയിരിക്കുന്നത്. ആപ്പിളിന്റെ സിരി, മൈക്രോസോഫ്റ്റിന്റെ കോര്‍ട്ടാന പോലുള്ള ഇന്റലിജന്റ് സോഫ്റ്റ്‌വേറുകളാണ് ഇതിന് സഹായിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha