1. കേരളത്തിനു പുതിയ നിയമസഭ. ഏപ്രില്‍-മേയ് മാസങ്ങളില്‍ തെരഞ്ഞെടുപ്പു നടക്കും. തെരഞ്ഞെടുപ്പിനു മുന്നോടിയായി ജനുവരി - ഫെബ്രുവരി മാസങ്ങളില്‍ ആറു നേതാക്കള്‍ കേരളയാത്ര നടത്തുന്നു. മുഖ്യമന്ത്രി ഉമ്മന്‍ ചാണ്ടി, കെപിസിസി പ്രസിഡന്റ് വി.എം. സുധീരന്‍, സിപിഎം പോളിറ്റ് ബ്യൂറോ അംഗം പിണറായി വിജയന്‍, മുസ്‌ലിം ലീഗ് നേതാവ് പി.കെ. കുഞ്ഞാലിക്കുട്ടി, ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍, സിപിഐ സംസ്ഥാന സെക്രട്ടറി കാനം രാജേന്ദ്രന്‍ എന്നിവരാണ് അധികാരം ലക്ഷ്യമിട്ടു യാത്ര നടത്തുന്നത്.
2. കേന്ദ്രത്തിലെയും സംസ്ഥാനത്തെയും ജീവനക്കാര്‍ക്കു ശമ്പളപരിഷ്‌കാരം. സൈന്യത്തിലും ശമ്പളപരിഷ്‌കാരമുണ്ട്. പെന്‍ഷന്‍തുകയും വര്‍ധിക്കും.
3. ഇനി കൂടുതല്‍ കാര്യങ്ങള്‍ക്കു പാന്‍ (പെര്‍മനന്റ് അക്കൗണ്ട് നമ്പര്‍) നല്‍കണം. രണ്ടു ലക്ഷം രൂപയില്‍ കൂടിയ വ്യാപാരങ്ങള്‍ക്കു പാന്‍ കാണിക്കണം. ബാങ്ക് അക്കൗണ്ട് തുടങ്ങാനും സ്ഥിരനിക്ഷേപങ്ങള്‍ക്കും ഇതാവശ്യം.
4.തമിഴ്‌നാട്, പശ്ചിമബംഗാള്‍, ആസാം സംസ്ഥാനങ്ങളിലും കേരളത്തിനൊപ്പം തെരഞ്ഞെടുപ്പ്. ജയലളിത, മമത ബാനര്‍ജി, ഹിതേശ്വര്‍ സൈക്യ എന്നിവര്‍ക്കു തുടര്‍ഭരണം കിട്ടുമോ? രാഷ്ട്രീയ സഖ്യങ്ങള്‍ എങ്ങനെയാകും?
5. അമേരിക്കക്കാര്‍ പ്രസിഡന്റ് ബറാക് ഒബാമയുടെ പിന്‍ഗാമിയെ തെരഞ്ഞെടുക്കും. നവംബര്‍ എട്ടിനാണു വോട്ടിംഗ്. ആദ്യ വനിതാ പ്രസിഡന്റിനും സാധ്യത.
6. ഇന്ത്യയില്‍ ബാങ്ക് പലിശ കുറയും എന്നു പ്രതീക്ഷ. അമേരിക്ക പലിശ കൂട്ടുമെന്നും കണക്കാക്കുന്നു. മറിച്ച് അമേരിക്ക വീണ്ടും മാന്ദ്യത്തില്‍ ആകുമെന്നു ലോറന്‍സ് സമ്മേഴ്‌സ്, നൂറിയല്‍ റൂബിനി, മാര്‍ക് ഫേബര്‍ തുടങ്ങിയവരുടെ പ്രവചനങ്ങളും ഉണ്ട്. ചൈനീസ് വളര്‍ച്ച കുറയുമെന്നും ഇന്ത്യയുടെ വളര്‍ച്ച കൂടുമെന്നും പൊതു അഭിപ്രായം.
7. റിസര്‍വ് ബാങ്ക് ഗവര്‍ണര്‍ ഡോ. രഘുറാം രാജന്റെ കാലാവധി സെപ്റ്റംബറില്‍ തീരും. രാജനു കാലാവധി നീട്ടിക്കിട്ടുമോ അതോ പകരക്കാരനെ കണെ്ടത്തുമോ?
8. ഇന്നു മുതല്‍ 10 ലക്ഷം രൂപയില്‍ കൂടുതല്‍ വാര്‍ഷിക വരുമാനമുള്ളവര്‍ക്കു പാചകവാതക സബ്‌സിഡി ലഭിക്കില്ല.
9. ബിഹാര്‍ പരാജയത്തെത്തുടര്‍ന്നു കോട്ട്-സ്യൂട്ട് സര്‍ക്കാര്‍ എന്ന ഇമേജ് മാറ്റാന്‍ പ്രധാനമന്ത്രി നരേന്ദ്ര മോദി ആഗ്രഹിക്കുന്നു. ഇതിനായി ഫെബ്രുവരിയിലെ പൊതു ബജറ്റ് ജനകീയമാക്കുന്നതിന് ജനങ്ങളുടെ പ്രതികരണം തേടാന്‍ കേന്ദ്രമന്ത്രിമാര്‍ക്കു നിര്‍ദേശം നല്‍കി.
ധനമന്ത്രി അരുണ്‍ ജയ്റ്റ്‌ലി ഫെബ്രുവരി അവസാനം അവതരിപ്പിക്കുന്ന ബജറ്റിന്റെ ജനപ്രിയത എത്രയുണ്ടാകുമെന്നു കാത്തിരുന്നു കാണാം.
10. മദര്‍ തെരേസയെ വിശുദ്ധയായി പ്രഖ്യാപിക്കുന്ന ചടങ്ങ് ഈ വര്‍ഷം ഉണ്ടാകും. തീയതി സംബന്ധിച്ച പ്രഖ്യാപനം വൈകില്ല. കാരുണ്യപ്രവൃത്തികള്‍ ചെയ്യുന്നവരുടെ ദിനം ആചരിക്കുന്ന സെപ്റ്റംബര്‍ നാലിനു നാമകരണം നടക്കാനാണു സാധ്യത.
11. ബ്രസീലിലെ റിയോയില്‍ ഒളിമ്പിക് ഗെയിംസ് ഓഗസ്റ്റ് 5-21 തീയതികളില്‍. ബ്രസീലിലെ സാമ്പത്തികമാന്ദ്യവും കറന്‍സിയുടെ വിലത്തകര്‍ച്ചയും രാജ്യത്തെ കുതിച്ചുപായുന്ന വിലക്കയറ്റവും പ്രസിഡന്റ് ഡില്‍മാ റൂസഫിന്റെ കസേര ഉലയുന്നതും ആശങ്ക ജനിപ്പിക്കുന്നു.
12. രാജ്യത്തെ ബാങ്കിംഗ് മേഖലയിലേക്കു പേമെന്റ് ബാങ്കുകളും ചെറു ബാങ്കുകളും ഇക്കൊല്ലം കടന്നുവരും. ബാങ്ക് സേവനങ്ങള്‍ കൂടുതല്‍ പേരില്‍ എത്തിക്കാന്‍ ഇവ സഹായിക്കുമെന്നാണ് അവകാശവാദം.
13. പ്രധാനമന്ത്രി നരേന്ദ്ര മോദി മുന്‍കൈയെടുത്തു പാക്കിസ്ഥാനുമായുള്ള ചര്‍ച്ചകള്‍ പുനരാരംഭിക്കുകയാണ് ഈ മാസം പകുതിയോടെ. അതിര്‍ത്തി ശാന്തമാക്കാന്‍ ആ തുടക്കം സഹായിക്കുമോ?
14. പാക്കിസ്ഥാനില്‍നിന്നു മടക്കിക്കൊണ്ടുവന്ന ബധിരയും മൂകയുമായ ഗീതയ്ക്കു തന്റെ മാതാപിതാക്കളെയും കുടുംബാംഗങ്ങളെയും ഈ വര്‍ഷം കണെ്ടത്താന്‍ കഴിയുമോ?
15. മ്യാന്‍മറില്‍ ഭൂരിപക്ഷം നേടിയ ഓംഗ് സാന്‍ സൂകിയുടെ പാര്‍ട്ടിക്കു യഥാര്‍ഥ ഭരണാധികാരം ലഭിക്കുമോ?

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha