മലയാളി വാര്ത്തയുടെ പ്രിയവായനക്കാര്ക്ക് ഐശ്വര്യ സമൃദ്ധമായ പുതുവത്സരാശംസകള്...
ലോകം പ്രതീക്ഷയോടെ പുതുവര്ഷത്തെ വരവേറ്റു... മലയാളി വാര്ത്തയുടെ പ്രിയവായനക്കാര്ക്ക് ഐശ്വര്യ സമൃദ്ധമായ പുതുവത്സരാശംസകള്... എല്ലാവരുടെയും പ്രതീക്ഷകളും ആഗ്രഹങ്ങളും പൂവണിയാന് സവ്വേശ്വരന് അനുഗ്രഹിക്കട്ടെ എന്ന പ്രാര്ഥനാശംസകളോടെ ടീം മലയാളി വാര്ത്ത.. കഴിഞ്ഞ ഒരുവര്ഷം നിങ്ങള് നല്കിയ എല്ലാ സഹകരണങ്ങള്ക്കും നന്ദി.. ഒപ്പം പുതുവര്ഷത്തിലും തുടര്ന്നും പ്രിയവായനക്കാരുടെ സഹകരണം പ്രതീക്ഷിക്കുന്നു ... വായനക്കാരുടെ വിമര്ശനങ്ങളും പ്രോത്സാഹനങ്ങളുമാണ് ഞങ്ങളുടെ ശക്തി.. എല്ലാവര്ക്കും ഒരിക്കല്ക്കൂടി ഹൃദയം നിറഞ്ഞ പുതുവത്സരാശംസകള്......ടീം മലയാളി വാര്ത്ത..
പുതുവര്ഷത്തിന് ആഘോഷവരവേല്പ്പ്....
ലോകമെങ്ങും പുതുവര്ഷലഹരിയില്. 2015ന് വിടനല്കി 2016ന് ആവേശ്വോജ്വലമായ വരവേല്പ്പ്. ലോകത്ത് പുതുവര്ഷത്തെ ആദ്യം വരവേറ്റത് ന്യൂസീലന്ഡ് ആണ്.
ഇന്ത്യന് സമയം വൈകിട്ട് നാലരയ്ക്കാണ് ന്യൂസീലന്ഡ് പുതുവര്ഷത്തിലേക്ക് കടന്നത്. ഓക്ലന്ഡില് നടന്ന പുതുവല്സരാഘോഷങ്ങളില് പതിനായിരങ്ങള് പങ്കെടുത്തു. ഓക്ലന്ഡിലെ സ്ൈക ടവറിലെ കൂറ്റന് ക്ലോക്കിലെ കൗണ്ട് ഡൗണോട് കൂടിയായിരുന്നു ന്യൂസിലന്ഡ് 2016നെ വരവേറ്റത്. വര്ണശബളമായ കരിമരുന്ന് പ്രയോഗവും ആഘോഷങ്ങള്ക്ക് മാറ്റുകൂട്ടി.
പിന്നാലെ ഓസ്ട്രേലിയയും പുതുവര്ഷത്തെ സ്വാഗതം ചെയ്തു. ഇന്ത്യന്സമയം ആറരയ്ക്കായിരുന്നു ഓസ്ട്രേലിയയിലെ പുതുവര്ഷപ്പിറവി. സിഡ്നിയിലും മറ്റ് നഗരങ്ങളിലും ലക്ഷക്കണക്കിന് ആളുകളാണ് പുതുവല്സരാഘോഷങ്ങള്ക്ക് ഒത്തുകൂടിയത്.
തായ്ലന്ഡില് ഇന്ത്യന് സമയം രാത്രി ഒന്പതരയോടെയായിരുന്നു പുതുവര്ഷമെത്തിയത്. കരിമരുന്നു പ്രയോഗവും വര്ണവിസ്മയങ്ങളും ആഘോഷത്തിന്റെ മാറ്റുകൂട്ടി.
തൊട്ടുപിന്നാലെ ജപ്പാനും ചൈനയും ഇന്ത്യയുമടക്കമുള്ള മറ്റ് ഏഷ്യന് രാജ്യങ്ങളും 2016നെ സ്വാഗതം ചെയ്തു. ഏഷ്യന് രാജ്യങ്ങളില് പരമ്പരാഗത രീതിയിലായിരുന്നു ആഘോഷ പരിപാടികള്. യൂറോപ്യന് രാജ്യങ്ങളും പുതുവര്ഷത്തെ വരവേല്ക്കുന്നത് വന് ആഘോഷപരിപാടികളോടെയാണ്. വര്ണശബളമായ വെടിക്കെട്ടും നൃത്തപരിപാടികളും ആഘോഷരാവിന് മാറ്റുകൂട്ടുന്നു.
ശാന്തിയും സമാധാനവും ലോകത്തിന് പ്രാധാനം ചെയ്യാന് 2016 കഴിയട്ടെ എന്ന് ആശംസിക്കുകയും പ്രാര്ത്ഥിക്കുകയും ചെയ്യാം..
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
