ഇസ്രായേൽ ഹമാസ് യുദ്ധം കത്തി നിൽക്കുന്നതിനിടെ അത് അവസാനിപ്പിക്കാനുള്ള നെട്ടോട്ടത്തിലാണ് അമേരിക്ക ഉൾപ്പെടെയുള്ള ലോക രാജ്യങ്ങൾ. അമേരിക്കയാണ് യുദ്ധവും അവസാനിപ്പിക്കാൻ മുൻ പന്തിയിൽ നിൽക്കുന്നത്. എന്നാൽ ഇത് ആത്മാർത്ഥമായ ശ്രമം തന്നെയാണോ എന്ന് ഏവരും ചോദിച്ചു പോകുന്ന തരത്തിലാണ് ഇപ്പോൾ കാര്യങ്ങളുടെ കിടപ്പ്. യു.എസ് പ്രസിഡന്റ് ജോ ബൈഡന് പറ്റിയ ഒരു നാക്ക് പിഴ. ആ നാക്ക് പിഴയിൽ ലോകം അമ്പരന്നിരിക്കുകയാണ്.

റഫയിലെ ഇസ്രായേലിന്റെ ആസൂത്രിത ആക്രമണത്തെ ‘റഫയിലെ നമ്മുടെ സൈനിക നടപടി’ എന്നാണ് ബൈഡൻ വിശേഷിപ്പിച്ചത്. ഉടനടി ‘അവരുടെ സൈനിക നടപടി‘ എന്ന് തിരുത്തി പറഞ്ഞു. പക്ഷേ അതൊരു വാക്കുപിഴയെന്നു എഴുതി തള്ളാൻ തയ്യറാകുന്നില്ല. ഇസ്രായേൽ ആക്രമണത്തിന് സകല പിന്തുണയും നൽകുന്ന ബൈഡൻ തന്നെ യാഥാർഥ്യം പറഞ്ഞതാണെന്നും എല്ലാവരും ഇതിനെ വിലയിരുന്നു.

‘റഫയിൽ അഭയം പ്രാപിച്ച ഒരു ദശലക്ഷത്തിലധികം ആളുകളുടെ സുരക്ഷയും പിന്തുണയും ഉറപ്പാക്കാൻ വിശ്വസനീയമായ പദ്ധതിയില്ലാതെ റഫയിലെ ‘‘ഞങ്ങളുടെ’’ സൈനിക നടപടി -അവരുടെ പ്രധാന സൈനിക നടപടിയുമായി- മുന്നോട്ട് പോകരുത്’ എന്നാണ് ബൈഡൻ പറഞ്ഞത്.