സ്കൂളുകളില് മൊബൈല് നിരോധിക്കാനൊരുങ്ങി യുകെ...
സ്കൂളുകളില് മൊബൈല് നിരോധിക്കാനൊരുങ്ങി യുകെ. കുട്ടികളുടെ സ്വഭാവ രൂപീകരണം കൂടുതല് മെച്ചപ്പെടുത്തുക, സ്കൂളില് ചെലവഴിക്കുന്ന സമയം കൂടുതല് ഗുണകരമാക്കുക എന്നിവയാണ് നിരോധനമേര്പ്പെടുത്തുന്നതിന് പിന്നിലെന്ന് അധികൃതര് വ്യക്തമാക്കി. യുകെയില് മന്ത്രിസഭാ യോഗം ചേര്ന്നാണ് മൊബൈല് നിരോധനത്തിന് അനുമതി നല്കിയിട്ടുള്ളത്. പിന്നാലെ പ്രധാന അധ്യാപകര്ക്കുള്ള മാര്ഗനിര്ദേശവും പുറത്തിറക്കി.
സ്കൂളുകളില് 97 ശതമാനം വിദ്യാര്ത്ഥികളും സ്മാര്ട്ട് ഫോണുകള് ഉപയോഗിക്കുന്നതായുള്ള ഓഫ് ഡേറ്റ കണക്കുകള് നേരത്തെ പുറത്തു വന്നിരുന്നു. ഫോണ് നിരോധനം നടപ്പിലാക്കിയത് പ്രധാന അധ്യാപകരുമായി കൂടിയാലോചിച്ചാണെന്ന് വിദ്യാഭ്യാസ സെക്രട്ടറി ഗില്ലിയന് കീഗന് പറഞ്ഞു. കുട്ടികള് സ്കൂളില് പോകുന്നത് അറിവ് നേടാനും, സൗഹൃദങ്ങള് സൃഷ്ടിക്കാനും ആളുകളോട് സംസാരിക്കാനും ഇടപെഴകാനുമാണ്.
സ്കൂളിലെത്തി മൊബൈല് ഫോണില് മുഴുകുന്നതിനും സന്ദേശങ്ങള് അയക്കുന്നതിനുമല്ല പ്രാധാന്യം നല്കേണ്ടത്. പകരമായി, സഹപാഠികളോട് ഇടപെഴകുകയും തുറന്നു സംസാരിക്കുകയുമാണ് വേണ്ടത്. ഇത്തരം കാര്യങ്ങള്ക്കാണ് പ്രാധാന്യം നല്കേണ്ടതെന്ന് വിദ്യാഭ്യാസ സെക്രട്ടറി' വിദ്യാര്ഥികളോട് പറഞ്ഞു. നിരോധനത്തിനൊപ്പം രക്ഷിതാക്കളും മുന്നില് നില്ക്കണമെന്നും അധികൃതര് ആവശ്യപ്പെട്ടു. മാതാപിതാക്കള് കുട്ടികളോട് സ്കൂള് സമയത്ത് നേരിട്ട് ബന്ധപ്പെടുന്നതിന് പകരം സ്കൂള് ഓഫിസുവഴി ബന്ധപ്പെടണമെന്നാണ് പുതിയ നിര്ദ്ദേശം.
https://www.facebook.com/Malayalivartha
