ചെങ്കടലിൽ ഹൂതികളുടെ 5 ഡ്രോണുകൾ വെടിവെച്ചിട്ട് അമേരിക്ക. ചരക്ക് കപ്പലുകൾക്ക് നേരെയുള്ള ആക്രമണം തടയാൻ അമേരിക്ക പ്രതിജ്ഞാബദ്ധമാണെന്നും യു എസ് നാവികസേന അറിയിച്ചു. ഗാസയിലെ ആക്രമണം ഇസ്രായേൽ നിർത്തി വയ്ക്കുകയാണെങ്കിൽ ചെങ്കടലിലെ ആക്രമണം അവസാനിപ്പിക്കുന്ന കാര്യത്തിൽ തീരുമാനമെടുക്കും എന്നാണ് ഹൂതികൾ അറിയിച്ചിരിക്കുന്നത്.

മൂന്നുമാസമായി ഹൂതികൾ ആക്രമണം ചെങ്കടലിൽ തുടർന്നുകൊണ്ടിരിക്കുകയാണ് . അത് പൂർണ്ണമായി തടയാൻ അമേരിക്ക അടക്കമുള്ള രാജ്യങ്ങൾക്ക് കഴിയുന്നില്ല. ഇന്നലെ അഞ്ചു ഡ്രോണുകളാണ് ചരക്ക് കപ്പലിന് ലക്ഷ്യമാക്കി യമനിൽ നിന്നും ഹൂതികൾ തൊടുത്തു വിട്ടത്. അഞ്ച് ഡ്രോണുകളും അമേരിക്ക വെടിവെച്ച് വീഴ്ത്തി എന്ന് അറിയിച്ചു.കഴിഞ്ഞദിവസം വളരെ ഗുരുതരമായ ഒരു നീക്കമാണ് ഹൂതികൾ നടത്തിയത്.

കടൽ മാർഗത്തിലൂടെ ഉള്ള ഇൻറർനെറ്റ് ബന്ധത്തെ സഹായിക്കുന്ന കേബിളുകൾ അവർ ആക്രമിക്കുകയുണ്ടായി. ചില കേബിളുകൾക്ക് കേടുപാടുകൾ സംഭവിച്ചു. രാജ്യങ്ങൾ തമ്മിൽ ഉള്ള ഇൻറർനെറ്റ് ബന്ധത്തെ ഇത് ബാധിച്ചു. ആക്രമണങ്ങൾ അവർ തുടരുന്നു എന്ന വ്യക്തമായ സൂചനയാണ് ഇതിൽ നിന്നും മനസ്സിലാക്കാൻ സാധിക്കുന്നത്. ഇതിനെതിരെ ശക്തമായി പ്രതിരോധിക്കും എന്നാണ് അമേരിക്ക അറിയിച്ചിരിക്കുന്നത്.