കടുത്ത സാമ്പത്തിക പ്രതിസന്ധിയും തൊഴിലില്ലായ്മയും പാകിസ്ഥാനിൽ രൂക്ഷമായിരിക്കുകയാണ്. അതിനിടെ രാജ്യത്തിന് ആകെ നാണക്കേട് ഉണ്ടാക്കി വെച്ചിരിക്കുകയാണ് എയര്‍ ഹോസ്റ്റസുമാര്‍. പാകിസ്താന്‍ ഇന്റര്‍നാഷണല്‍ എയര്‍ലൈന്‍സ് എയര്‍ഹോസ്റ്റസുമാര്‍ ജോലിക്കിടെ കാനഡയിലെത്തിയ ശേഷം ഒളിച്ചോടുന്നത് പതിവായിരിക്കുകയാണ്. കഴിഞ്ഞ ദിവസം കാനഡയിലേക്ക് പോയ പാകിസ്താൻ ഇന്റർനാഷണൽ എയർലൈൻസിലെ ഒരു എയർഹോസ്റ്റസ് കത്തെഴുതിവെച്ച് മുങ്ങി.

കഴിഞ്ഞ ദിവസം മറിയം റാസ എന്ന എയർഹോസ്റ്റസ് ടൊറന്റോയില്‍ എത്തി മുങ്ങിയത്. എയര്‍ ഹോസ്റ്റസ് താമസിച്ചിരുന്ന ഹോട്ടല്‍ മുറിയിലെത്തി പരിശോധിച്ചപ്പോഴാണ് മുങ്ങിയതാണെന്ന് വ്യക്തമായത്.ഹോട്ടല്‍ മുറിയിയിലെത്തിയപ്പോള്‍ ഇവരുടെ പിഐഎ എയര്‍ ഹോസ്റ്റസ് യൂണിഫോം അവിടെ തന്നെയുണ്ടായിരുന്നു. അതില്‍ 'നന്ദി, പി.ഐ.എ' എന്നെഴുതിയ ഒരു കുറിപ്പും വച്ച ശേഷമാണ് അവര്‍ അപ്രത്യക്ഷമായത്.

കഴിഞ്ഞ തിങ്കളാഴ്ച ഇസ്ലാമാബാദില്‍നിന്നു തിരിച്ച വിമാനത്തിലാണ് ഇവർ കാനഡയിൽ എത്തിയത്. തൊട്ടടുത്ത ദിവസം പാകിസ്താനിലേക്ക് തിരിച്ചുപോകേണ്ടതായിരുന്നു. 2023ല്‍ പിഐഎയുടെ ഏഴ് വിമാന ജീവനക്കാരാണ് കാനഡയിലെത്തി അപ്രത്യക്ഷരായത്. ഫെബ്രുവരി 27 ചൊവ്വാഴ്ച ടൊറന്റോയില്‍ നിന്ന് ഇസ്ലാമാബാദില്‍ലേക്ക് പോകേണ്ട പിഐഎ വിമാനത്തില്‍ മറിയം റാസ ജോലിയില്‍ പ്രവേശിക്കേണ്ടതായിരുന്നു. എന്നാല്‍ ഇവര്‍ ജോലിക്ക് ഹാജരാവാതിരുന്നതോടെ സഹപ്രവര്‍ത്തകര്‍ അന്വേഷണം തുടങ്ങിയത്.

യഥാര്‍ത്ഥത്തില്‍ ഇത് പാകിസ്ഥാന്റെ ദേശീയ വിമാന കമ്പനി കഴിഞ്ഞ കുറച്ച് കാലമായി നേരിടുന്ന ഒരു വെല്ലുവിളിയാണ്. പാകിസ്ഥാനില്‍ നിന്ന് കാനഡയിലേക്ക് പറക്കുന്ന സുന്ദരിമാരായ എയര്‍ഹോസ്റ്റസുമാര്‍ തിരികെ രാജ്യത്തേക്ക് വരാന്‍ താത്പര്യം പ്രകടിപ്പിക്കുന്നില്ലെന്നതാണ് സത്യം.ഈ വര്‍ഷം ഇത് രണ്ടാമത്തെ എയര്‍ഹോസ്റ്റസാണ് സമാനമായ നടപടി സ്വീകരിക്കുന്നത്. 2024 ജനുവരിയില്‍ പിഐഎ ഫ്‌ളൈറ്റ് അറ്റന്‍ഡന്റ് ഫൈസ മുഖ്താര്‍ കാനഡയില്‍ കാണാതായതിന് ഒരു മാസത്തിന് ശേഷമാണ് മറിയത്തിന്റെ തിരോധാനം. കാനഡയില്‍ ഇറങ്ങി ഒരു ദിവസം കഴിഞ്ഞ് കറാച്ചിയിലേക്ക് മടങ്ങാന്‍ തീരുമാനിച്ച ഫൈസ മുഖ്താറിനെ പിന്നീട് കാണാതാകുകയായിരുന്നു.

കാനഡയിലേക്കുള്ള വിമാനം ക്രൂയിങ്ങിന് ശേഷം പാകിസ്ഥാന്‍ ഫ്‌ലൈറ്റ് അറ്റന്‍ഡന്റുകള്‍ അപ്രത്യക്ഷമാകുന്ന പ്രവണത 2019 ല്‍ ആരംഭിച്ചുതാണ്. അടുത്തിടെ ഇത്തരത്തില്‍ കാണാതാകുന്നവരുടെ എണ്ണം ഉയര്‍ന്നുവന്നതായി ഏവിയേഷന്‍ ന്യൂസ് വെബ്സൈറ്റ് സിമ്പിള്‍ ഫ്‌ളൈയിംഗ് റിപ്പോര്‍ട്ട് ചെയ്യുന്നു. 2023ല്‍ പിഐഎയുടെ ഏഴ് വിമാനജീവനക്കാരാണ് കാനഡയിലെത്തി അപ്രത്യക്ഷരായത്. കാണാതാകുന്ന പലരേയും പിന്നീട് കണ്ടെത്തുന്നുണ്ടെങ്കിലും ഇവരില്‍ ഭൂരിഭാഗത്തിനും ജന്മദേശമായ പാകിസ്ഥാനിലേക്ക് മടങ്ങാന്‍ താത്പര്യമില്ലെന്നതാണ് വസ്തുത.

രാജ്യം നേരിടുന്ന കടുത്ത സാമ്പത്തിക പ്രതിസന്ധിയും തൊഴിലില്ലായ്മയുമാണ് ഇതിന് കാരണം.യാത്ര പുറപ്പെടാനിരിക്കെ വിമാന ജോലിക്കാര്‍ മുങ്ങുന്നത് വലിയ പ്രയാസമാണ് ഉണ്ടാക്കുന്നതെന്നും യാത്രക്കാര്‍ക്ക് പ്രയാസമുണ്ടാവാതിരിക്കാന്‍ ഉള്ള ജീവനക്കാരെയും കൊണ്ട് തിരിച്ചുപറക്കുക മാത്രമാണ് അപ്പോള്‍ ചെയ്യാറുള്ളതെന്നും പിഐഎ വക്താവ് അബ്ദുല്ല ഹഫീസ് ഖാന്‍ പറയുന്നു. കാനഡയിലെത്തുന്ന പിഐഎ വിമാനത്തിലെ ജീവനക്കാരെ കാണാതാവുന്നത് തുടര്‍ക്കഥയാവുകയാണെന്നും അദ്ദേഹം സ്ഥിരീകരിക്കുന്നു.