തായ്വാനെ വലച്ച് പന്ത്രണ്ടോളം ഭൂകമ്പങ്ങള്‍.... 6.3 തീവ്രത് റിക്ടര്‍ സ്‌കെയിലില്‍ രേഖപ്പെടുത്തി


തായ്‌വാനെ വലച്ച് പന്ത്രണ്ടോളം ഭൂകമ്പങ്ങള്‍. തായ്‌പേയ്ക്കും തായ്‌വാന്റെ കിഴക്കന്‍ മേഖലയിലുമായാണ് ചെറുചലനങ്ങള്‍ ഉണ്ടായത്. തിങ്കളാഴ്ച രാവിലെ മുതല്‍ ചൊവ്വാഴ്ച രാവിലെ വരെയാണ് ഭൂകമ്പങ്ങളുണ്ടായത്.

ഇതില്‍ ഏറ്റവും ശക്തമായ ഭൂകമ്പത്തിന് 6.3 തീവ്രതയാണ് റിക്ടര്‍ സ്‌കെയിലില്‍ രേഖപ്പെടുത്തിയത്.ഏപ്രില്‍ ആദ്യവാരത്തിലുണ്ടായ ഭൂകമ്പത്തില്‍ 14 പേരാണ് തായ്വാനില്‍ കൊല്ലപ്പെട്ടത്.

ഇതിന് പിന്നാലെ നിരവധി തുടര്‍ചലനങ്ങളാണ് തായ്വാനിലുണ്ടായത്. ഈ തുടര്‍ ചലനങ്ങള്‍ പ്രതീക്ഷിക്കപ്പെട്ടതാണെന്നാണ് തായ്വാനിലെ സീസ്‌മോളജി സെന്റര്‍ ഡയറക്ടര്‍ . ശക്തമായ മഴ കൂടിയാണ് ഈ ആഴ്ച തായ്വാനില്‍ പ്രവചിച്ചിട്ടുള്ളത്. അതിനാല്‍ മറ്റ് നാശനഷ്ടങ്ങളുണ്ടാവാനുള്ള സാധ്യത അവഗണിക്കുന്നില്ലെന്നാണ് സീസ്‌മോളജി വിഭാഗം വിശദമാക്കുന്നു.

ഏപ്രില്‍ 3ന് സാരമായി തകരാറുകളുണ്ടായ രണ്ട് കെട്ടിടങ്ങള്‍ ചെരിയുന്നത് തുടരുന്നു. 2016ല്‍ തായ്വാന്റെ തെക്കന്‍ മേഖലയിലുണ്ടായ ഭൂകമ്പത്തില്‍ 100ല്‍ അധികം ആളുകളാണ് കൊല്ലപ്പെട്ടത്. 7.3 തീവ്രതയുള്ള ഭൂകമ്പമാണ് അന്ന് സംഭവിച്ചത്.