ഹനിയ്യയുടെ കൊലപാതകം പശ്ചിമേഷ്യയില്‍ സമാധാനം പുലരാന്‍ ഇനിയും വൈകുമെന്ന വ്യക്തമായ സൂചനയാണ്. ഹമാസ് രാഷ്ട്രീയകാര്യ സമിതി അധ്യക്ഷൻ ഇസ്മാഈൽ ഹനിയ്യയുടെ കൊലപാതകത്തിന് പിന്നാലെ ഇസ്രായേലിന് മുന്നറിയിപ്പുമായി വന്നിരിക്കുകയാണ് ഇറാൻ. ഹനിയ്യയുടെ കൊലപാതകത്തിൽ ഇസ്രായേൽ വലിയ വില നൽകേണ്ടി വരുമെന്ന് ഇറാൻ സൈനിക മുൻ കമാൻഡർ ഇൻ ചീഫ് മൊഹ്സിൻ റഈസി മുന്നറിയിപ്പ് നൽകി. എന്നാൽ ഒക്‌ടോബർ ഏഴിലെആക്രമണം നടന്ന് 10 മാസങ്ങൾക്ക് ശേഷം ഹമാസിൻ്റെ രാഷ്ട്രീയ നേതാവിനെ വധിച്ചത് വിജയമായാണ് ഇസ്രായേൽ ആഘോഷിക്കുന്നത്

നഗരത്തിന്റെ വടക്ക് ഭാഗത്ത് വിമുക്ത സൈനികർക്കായുള്ള പ്രത്യേക വസതിയിലായിരുന്ന ഹനിയ്യയും അംഗരക്ഷകനും പ്രാദേശിക സമയം പുലർച്ച രണ്ട് മണിക്കാണ് ഇറാനിന് പുറത്തുനിന്നുള്ള മിസൈൽ ആക്രമണത്തിൽ കൊല്ലപ്പെട്ടത് .പുതിയ ഇറാൻ പ്രസിഡന്റ് മസൂദ് പെസെഷ്കിയാന്റെ സ്ഥാനാരോഹണ ചടങ്ങിൽ പ​ങ്കെടുക്കാൻ എത്തിയതായിരുന്നു ഇസ്മാഈൽ ഹനിയ്യ. ആക്രമണത്തിന് പിന്നില്‍ ഇസ്രായേലാണെന്ന് ഹമാസും ഇറാനും ആരോപിക്കുന്നു. വിദേശ നേതാവിനെ തങ്ങളുടെ മണ്ണില്‍ വച്ച് കൊലപ്പെടുത്തിയത് അഭിമാന പ്രശ്‌നമായി ഇറാന്‍ കാണുന്നു. ഇറാന്‍ ആത്മീയ നേതാവും വിപ്ലവ ഗാര്‍ഡിലെ മുതിര്‍ന്ന കമാന്റര്‍മാരും പങ്കെടുക്കുന്ന യോഗം നടക്കുകയാണ്. അപൂര്‍വമായേ ഈ യോഗം വിളിച്ചു ചേര്‍ക്കാറുള്ളൂ

2017 മുതൽ ഹമാസിന്റെ നയതന്ത്രമുഖമായി മാറിയ വ്യക്തിയാണ് ഹനിയ്യ . ഹമാസിന്റെ പ്രായോഗിക നേതാവ് കൂടിയായിരുന്ന അദ്ദേഹം വെടിനിർത്തൽ ചർച്ചകളിലെല്ലാം സജീവ പങ്ക് വഹിച്ചിരുന്നു .ഗാസയില്‍ യുദ്ധം നടക്കുമ്പോഴും ഖത്തര്‍ കേന്ദ്രമായി നടന്ന സമാധാന ചര്‍ച്ചകള്‍ക്ക് ചുക്കാന്‍ പിടിച്ചത് ഇദ്ദേഹമായിരുന്നു... ഇറാൻ അടക്കമുള്ള രാജ്യങ്ങളുമായെല്ലാം ഹമാസിന്റെ കാര്യങ്ങൾ സംസാരിച്ചിരുന്നത് ഹനിയ്യയാണ്. ഹനിയ്യയുടെ കൊലപാതകം ഗസ്സയിലെ വെടിനിർത്തൽ ചർച്ചകളെ പ്രതികൂലമായി ബാധിക്കുമെന്നാണ് വിലയിരുത്തൽ.

പതിറ്റാണ്ടുകളായി ഇസ്രായേൽ-പലസ്തീൻ സംഘർഷത്തിൻ്റെ കേന്ദ്രമായിരുന്ന, ഗാസ മുനമ്പിൽ 1962 ജനുവരി 29 നാണ് ഹനിയേ ജനിച്ചത്. അദ്ദേഹം ഷാത്തി അഭയാർത്ഥി ക്യാമ്പിൽ ആണ് വളർന്നത് .പലസ്തീനികൾക്കായുള്ള യുഎൻ പ്രധാന ഏജൻസിയായ യുണൈറ്റഡ് നേഷൻസ് റിലീഫ് ആൻഡ് വർക്ക്സ് ഏജൻസി നടത്തുന്ന സ്കൂളുകളിലാണ് അദ്ദേഹം പഠിച്ചത്. പിന്നീട് ഗാസയിലെ ഇസ്ലാമിക് യൂണിവേഴ്‌സിറ്റിയിൽ ചേർന്ന്. . 1983-ൽ ഇസ്‌ലാമിക് യൂണിവേഴ്‌സിറ്റി ഓഫ് ഗാസയിൽ അറബിക് സാഹിത്യം പഠിക്കുന്നതിനിടയിൽ ഹമാസിൻ്റെ മുൻഗാമിയായ ഇസ്‌ലാമിക് സ്റ്റുഡൻ്റ് ബ്ലോക്കുമായും റാഡിക്കൽ മുസ്‌ലിം ബ്രദർഹുഡുമായും ബന്ധപ്പെട്ടു. 1987-ൽ ഹനിയേ ബിരുദം നേടി. ഇസ്രായേൽ അധിനിവേശത്തിനെതിരായ ആദ്യത്തെ പലസ്തീനിയൻ പ്രക്ഷോഭം ആയ ഒന്നാം ഇൻതിഫാദയില്‍ പങ്കെടുത്ത അദ്ദേഹത്തെ ഇസ്രായേല്‍ സൈനിക കോടതി ജയിലലടച്ചിരുന്നു.

ജയില്‍ മോചന ശേഷം ഇസ്രായേല്‍ സൈന്യം ഹനിയ്യയെയും ഹമാസിന്റെ മുതിര്‍ന്ന നേതാവ് അബ്ദുല്‍ അസീസ് റന്‍തീസിയും ലബ്‌നാനിലേക്ക് നാടുകടത്തി..1993-ൽ ഇസ്രയേലും പലസ്തീൻ ലിബറേഷൻ ഓർഗനൈസേഷനും തമ്മിലുള്ള ഓസ്ലോ ഉടമ്പടിയിൽ ഒപ്പുവെച്ചതിന് ശേഷമാണ് ഹനിയ്യ ഗാസയിലേക്ക് മടങ്ങിയത്. 1997ലാണ് ഹനിയ്യ ഹമാസിന്റെ നേതൃത്വത്തിലേക്ക് എത്തിയത്. ഹമാസിൻ്റെ സഹസ്ഥാപകൻ അന്തരിച്ച ശൈഖ് അഹമ്മദ് യാസിൻ്റെ അടുത്ത വിശ്വസ്തനും സഹായിയുമായിരുന്നു ഹനിയേ. ഇത് തീവ്രവാദ ഗ്രൂപ്പിൽ അധികാരത്തിലെത്താൻ സഹായിച്ചു. 2003-ൽ ഇരുവരും വധശ്രമത്തിന് ഇരയായി. അടുത്ത വർഷം ഇസ്രായേൽ സൈന്യം യാസിൻ കൊല്ലപ്പെട്ടു.

മൂന്ന് വർഷത്തിന് ശേഷം, 2006 ൽ, അദ്ദേഹം ഹമാസിൻ്റെ നേതാവായി തിരഞ്ഞെടുക്കപ്പെട്ടു, പലസ്തീന്റെ പ്രധാനമന്ത്രിയായി. 2007ൽ തീവ്രവാദി സംഘം ഗാസ മുനമ്പിൻ്റെ നിയന്ത്രണം പിടിച്ചെടുത്തു. എന്നാല്‍ തൊട്ടടുത്ത വര്‍ഷം പ്രസിഡന്റ് മഹ്മൂദ് അബ്ബാസ് അദ്ദേഹത്തെ പുറത്താക്കി. പിന്നീട് ഹമാസിന്റെ റഷ്യ, ചൈന ഉള്‍പ്പെടെയുള്ള രാജ്യങ്ങളില്‍ പലസ്തീന്റെ ഔദ്യോഗിക പ്രതിനിധിയായിട്ടാണ് ഹനിയ്യ പ്രവർത്തിച്ചത് .

ഭീകരരുടെ അടിസ്ഥാന സൗകര്യമായി ഉപയോഗിച്ചിരുന്ന ഗാസയിലെ ഹനിയയുടെ വസതി നവംബറിൽ വ്യോമാക്രമണത്തിൽ തകർന്നിരുന്നു. ഹനിയ സാധാരണയായി ഖത്തറിലാണ് താമസിക്കുന്നത്, എന്നാൽ ഗാസയിലെ സ്വത്ത് "ഹമാസ്" നേതൃത്വത്തിലെ മറ്റ് അംഗങ്ങളുടെ മീറ്റിംഗ് സ്ഥലമായി ആണ് ഉപയോഗിച്ചിരുന്നത്

ഇസ്രായേലും ഈജിപ്തും ഗാസയിൽ ഉപരോധങ്ങളും നിയന്ത്രണങ്ങളും ഏർപ്പെടുത്തി. 2008-ൽ ഗാസയിൽ നിന്ന് ഇസ്രായേലിലേക്ക് റോക്കറ്റുകൾ വിക്ഷേപിക്കുകയും ജൂത രാഷ്ട്രം എൻക്ലേവിൻ്റെ ഉപരോധം ശക്തിപ്പെടുത്തുകയും ചെയ്തു. എന്നിരുന്നാലും, പ്രദേശത്തിൻ്റെ നിയന്ത്രണം ഹമാസ് തുടർന്നു.
ഹമാസിന്റെ തലപ്പത്ത് തുടർന്ന ഹനിയേ ഫലസ്തീനികളെ പിന്തുണയ്ക്കുന്ന പാശ്ചാത്യ സർക്കാരുകളുമായി പ്രവർത്തിക്കാൻ തയ്യാറായി. 2017-ൽ ഹമാസ് അദ്ദേഹത്തെ അതിൻ്റെ രാഷ്ട്രീയ ബ്യൂറോയുടെ തലവനായി തിരഞ്ഞെടുത്തു. 2018ൽ ഹമാസ് നേതാവിനെ യുഎസ് സ്റ്റേറ്റ് ഡിപ്പാർട്ട്മെൻ്റ് ഭീകരനായി പ്രഖ്യാപിച്ചിരുന്നു. ഇതോടെ ഹനിയ്യ ഗാസ വിട്ടു..സമീപ വർഷങ്ങളിൽ അദ്ദേഹം കുടുംബത്തോടൊപ്പം ഖത്തറിൽ നിന്നും തുർക്കിയിൽ നിന്നും സംഘത്തെ നയിച്ചു,

ഒക്‌ടോബർ 7-ലെ ആക്രമണത്തിന് ശേഷം, ഇസ്രയേലും ഹമാസും തമ്മിലുള്ള ചർച്ചകളിൽ പ്രധാന പങ്കുവഹിച്ച ഒരാളായിരുന്നു ഹനിയേ. മെയ് മാസത്തിൽ, അന്താരാഷ്ട്ര ക്രിമിനൽ കോടതിയുടെ ചീഫ് പ്രോസിക്യൂട്ടറായ കരീം ഖാൻ, ഹനിയ ഉൾപ്പടെയുള്ള ഹമാസ് നേതാക്കൾക്കെതിരെ യുദ്ധക്കുറ്റങ്ങളും "ഉന്മൂലനം, കൊലപാതകം, ബലാത്സംഗം, ലൈംഗികത" എന്നിങ്ങനെ മനുഷ്യത്വത്തിനെതിരായ കുറ്റകൃത്യങ്ങൾ ആരോപിച്ചിരുന്നു

ഒക്ടോബർ ആക്രമണത്തിന് പ്രതികാരം ചെയ്യുമെന്ന് ഇസ്രായേൽ പ്രതിജ്ഞയെടുത്തിരുന്നു . ജൂണിൽ ഹനിയയുടെ കുടുംബവീട്ടിൽ ഹമാസ് നേതാവിൻ്റെ സഹോദരിയും കുടുംബവും ഇസ്രായേൽ സൈന്യം നടത്തിയ ആക്രമണത്തിൽ കൊല്ലപ്പെട്ടിരുന്നു. ഏപ്രിലിൽ, ഗാസയിൽ ഇസ്രായേൽ സൈനിക നടപടിയിൽ അദ്ദേഹത്തിൻ്റെ മൂന്ന് ആൺമക്കൾ കൊല്ലപ്പെട്ടതായി NYT റിപ്പോർട്ട് ചെയ്യുന്നു. ഇപ്പോഴിതാ ഹനിയയുടെ കൊലപാതകത്തോടെ കുറ്റവാളികളെ ശിക്ഷിക്കുമെന്ന് ഹമാസ് തറപ്പിച്ചുപറയുമ്പോൾ അടുത്തതായി എന്ത് സംഭവിക്കുമെന്ന് കണ്ടറിയേണ്ടിയിരിക്കുന്നു.