നെതന്യാഹുവിനെ വധിക്കാന്‍ ഹിസ്ബുള്ളയ്ക്ക് കരാര്‍ കൊടുത്ത് ഖമനേയി ; ഇറാന്റെ ഒറ്റബുദ്ധി പൊളിച്ച് ഇസ്രയേല്‍ ഇന്റലിജന്റ്‌സ്
ഇസ്രയേല്‍ ഇന്റലിജന്റ്‌സ് ഏജന്‍സി ചില നിര്‍ണായക വെളിപ്പെടുത്തലുകള്‍ ഭരണകൂടത്തിന് കൈമാറി. പ്രധാനമന്ത്രി ബെഞ്ചമിന്‍ നെതന്യാഹു ഉള്‍പ്പെടെ യുദ്ധകാല മന്ത്രിസഭയിലെ ഉന്നതരെ വധിക്കാന്‍ ഹിസ്ബുള്ളയോട് ഉത്തരവിട്ടിരിക്കുന്നു. ഇറാന്റെ ഒറ്റബുദ്ധിയാണ് ഇതിന് പിന്നില്‍. ഇറാന്‍ പരമോന്നത നേതാവ് ആയത്തുള്ള അലിഖമനേയി ഹിസ്ബുള്ള തലവന്‍ ഹസന്‍ നസറുള്ളയോട് ഇക്കാര്യം ആവശ്യപ്പെട്ടുവെന്നാണ് വിവാരം. ഇസ്രയേല്‍ സൈനിക തലവനേയും മൊസാദ് തലവന്‍ ഉള്‍പ്പെടെ ചാരസംഘടനയുടെ പ്രമുഖരെ ഇല്ലാതാക്കാനാണ് ഉത്തരവിട്ടിരിക്കുന്നത്. ഒരേസമയം ഇത് നടപ്പിലാക്കണമെന്നും ഇതോടെ ഇസ്രേയല്‍ ഭരണകൂടം ഞെട്ടും. എന്തുചെയ്യണമെന്ന് അറിയാതെ പകച്ച് നില്‍ക്കുന്ന സമയത്ത് കയറി അടിയ്ക്കണമെന്നുമാണ് നിര്‍ദ്ദേശം. ഇറാനും ഹിസ്ബുള്ളയും വിവരങ്ങള്‍ കൈമാറുന്നത് ഇസ്രയേല്‍ ഇന്റലിജന്റ്‌സ് ചോര്‍ത്തി. ഒന്നുകില്‍ മിസൈല്‍ ആക്രമണമാകാം അല്ലെങ്കില്‍ മറ്റേതെങ്കിലും തരത്തിലൊരു ആക്രമണം. ഇറാന്‍ കൈവിട്ട കളിയ്ക്ക് മുതിരുന്നു.
ബെഞ്ചമിന്‍ നെതന്യാഹുവിന്റെ സുരക്ഷ വര്‍ദ്ധിപ്പിച്ചിരിയ്ക്കുകയാണ്. മൊസാദ് തലവന്‍ ദോഹയിലാണ്. ഗാസ വെടിനിര്‍ത്തല്‍ ചര്‍ച്ചയുമായി ബനദ്ധപ്പെട്ട് ദോഹയിലാണ്. അദ്ദേഹത്തോട് ഉടന്‍ തിരികെ എത്തണമെന്നാണ് നെതന്യാഹു അറിയിച്ചിരിക്കുന്നത്. അയണ്‍ ഡോം സംവിധാനം കൂടുതല്‍ മേഖലകളിലേയ്ക്ക് ശക്തമാക്കിയിരിക്കുകയാണ്. അപമാനഭാരത്തിലാണ് ഇറാന്‍ കാരണം ഹനിയെ വധം ഖമനേയിക്ക് നാണക്കേട് ുണ്ടാക്കിയിട്ടുമ്ട്. അതുകൊണ്ട് എന്തും ചെയ്യുമെന്ന അവസ്ഥയിലേക്ക് ഇറാന്‍ എത്തിയിരിക്കുന്നത്. നേരിട്ട് കയരി അടിക്കുംമെന്നാണ് ഇറാന്‍ ആദ്യം പ്രഖ്യാപിച്ചത്. എന്നാല്‍ അതിന് മുതിര്‍ന്നാല്‍ അമേരിക്ക നോക്കി നില്‍ക്കില്ല. പടക്കപ്പലുകളും പോര്‍വിമാനങ്ങളും ഇറക്കി ഇറാന്‍ ചാരമാക്കും. ഈ സാഹചര്യത്തിലാണ് ഇസ്രയേല്‍ പ്രമുഖരെ വധിച്ച് ജൂതഭരണകൂടത്തിന് മറുപടിയും നാണക്കേടും വരുത്താനുള്ള പദ്ധതി.
ചെങ്കടലില്‍ ഹൂതികളുടെ ചെറുകപ്പല്‍ അമേരിക്ക തകര്‍ത്തെറിഞ്ഞിട്ടുണ്ട്. ഹമാസിന് ആയുധങ്ങള്‍ എത്തിക്കാനുള്ള ഹൂതികളുടെ നീക്കമാണ് അമേരിക്കന്‍ സേന തകര്‍ത്തെറിഞ്ഞത്. കാര്യങ്ങള്‍ കൂടുതല്‍ സങ്കീര്‍ണമാകുകയാണ്. ഹൂതികള്‍ ചെങ്കടല്‍ വളയുമെന്നും അമേരിക്കന്‍ കപ്പലുകള്‍ മുക്കുമെന്നും വെല്ലുവിളി മുഴക്കി കഴിഞ്ഞു. ഒരേസമയം കടലിലും കരയിലും ആകാശത്തും യുദ്ധം നടക്കുമോയെന്ന ഭീതി ഉയര്‍ന്നിരിക്കുന്നു. ഇസ്രയേല്‍ നേതാക്കളില്‍ ഒരാളുടെ തല വീണാല്‍ ജൂതപ്പട വെറുതെ ഇരിക്കില്ല. എന്നാല്‍ ഒരു തലയെങ്കിലും എടുത്തില്ലെങ്കില്‍ നാണക്കേടിന്റെ ഭാരംപേറേണ്ടി വരുമെന്ന ഗതികേടില്‍ ഇറാന്‍. ലബനന്‍,യമന്‍ സംഘങ്ങളുടെ എല്ലാം പദ്ധതികളും തകര്‍ത്തെറിഞ്ഞ് അമേരിക്ക. വലിയ ഭീതിയുടെ നടുവിലാണ് പശ്ചിമേഷ്യ. പുതിയ മേധാവിയെ തിരഞ്ഞെടുത്തതിന് പിന്നാലെതന്നെ ഇസ്രായേലിലേക്ക് മിസൈലുകള്‍ തൊടുത്ത് പോരാട്ടപ്രഖ്യാപനവും ഹമാസ് നടത്തിക്കഴിഞ്ഞു. അമേരിക്കയെ കൂട്ടുപിടിച്ച് ഇസ്രയേലും ഹമാസിനേയും ഹിസ്ബുള്ളയേയും കൂട്ടുപിടിച്ച് ഇറാനും യുദ്ധമുഖത്തെത്തുമ്പോള്‍ ഇനി എന്ത് സംഭവിക്കുമെന്ന് ഉറ്റുനോക്കുകയാണ് ലോകം. അതിനിടയില്‍ ഇസ്രയേല്‍ പ്രമുഖരെ കൊന്നൊടുക്കാന്‍ ഇറാന്റെ നീക്കം.
മൊസാദിന്റെ പാത പിന്തുടരുകയാണ് ഇറാനും ഹിസ്ബുള്ളയും. അതാണ് വലിയ രീതിയിലുള്ള ആക്രമണത്തിന് പകരം ഇസ്രായേലിലെ ഉന്നതരെ വധിക്കാനാന്‍ പദ്ധതി. മന്ത്രിമാര്‍, ജനപ്രതിനിധികള്‍, സൈനിക ഉദ്യോഗസ്ഥര്‍, രഹസ്യാന്വേഷണ വിഭാഗത്തിലെ മുതിര്‍ന്ന ഉദ്യോഗസ്ഥര്‍ എന്നിവരെ ലക്ഷ്യം വച്ചാകും ആക്രമണം. ഇതിന്റെ അടിസ്ഥാനത്തില്‍ മുതിര്‍ന്ന ഉദ്യോഗസ്ഥരുടെ സുരക്ഷ ശക്തമാക്കിയിട്ടുണ്ട്. ഇസ്രയേല്‍ രഹസ്യാന്വേഷണ ഏജന്‍സിയായ മൊസാദ് ശത്രുരാജ്യങ്ങള്‍ക്ക് മേല്‍ പ്രയോഗിച്ചിരുന്ന ആക്രമണ തന്ത്രമാണിത്. ശത്രു രാജ്യങ്ങളെ നേരിട്ടാക്രമിക്കുന്നതിന് പകരം അവിടുത്തെ പ്രധാന നേതാക്കന്മാരെ വധിക്കുകയാണ് മൊസാദിന്റെ തന്ത്രം. അതിവിദഗ്ധമായി നടപ്പിലാക്കുന്ന ഇത്തരം 'അസാസിന്‍ ഓപറേഷനുകളിലെ' അന്വേഷണം പക്ഷേ മൊസാദിലേക്ക് എത്താറില്ലെന്നതാണ് സത്യം. ഇറാനും സഖ്യകക്ഷികളായ ലെബനനിലെ ഹിസ്ബുള്ള, യെമനിലെ ഹൂതികള്‍, ഇറാഖി പ്രതിരോധ സേന, പാലസ്തീനിലെ ഹമാസ്, ഇസ്ലാമിക് ജിഹാദ് എന്നീ സംഘടനകളുടെ സഹായത്തോടെ ആക്രമിക്കുമെന്ന് ഇസ്രയേല്‍ ഉറപ്പിച്ചിട്ടുണ്ട്. ഇതിന്റെ അടിസ്ഥാനത്തില്‍ മെഡിറ്ററേനിയന്‍ കടലില്‍ യു.എസ് സേനാ വിന്യാസവും ശക്തമാക്കി. എന്ത് ആക്രമണത്തെയും തടുക്കുമെന്ന് വെല്ലുവിളിച്ച് ഇസ്രായേലും ഒരുങ്ങിത്തന്നെയാണ് ഇരിക്കുന്നത്.
https://www.facebook.com/Malayalivartha
