ജര്‍മനിയില്‍ ആള്‍ക്കൂട്ടത്തിനിടയിലേക്ക് അമിത വേഗത്തില്‍ കാര്‍ ഇടിച്ചുകയറി രണ്ട് പേര്‍ക്ക് ദാരുണാന്ത്യം. നിരവധിപ്പേര്‍ക്ക് പരിക്കുണ്ട്. പടിഞ്ഞാറന്‍ ജര്‍മന്‍ നഗരമായ മാന്‍ഹൈമിലായിരുന്നു സംഭവം നടന്നത്.

നല്ല വേഗത്തില്‍ എത്തിയ കറുത്ത നിറത്തിലുള്ള ഒരു എസ്.യു.വി വാഹനം ബോധപൂര്‍വം കാല്‍നട യാത്രക്കാരിലേക്ക് ഇടിച്ചുകയറ്റുകയായിരുന്നു എന്നാണ് റിപ്പോര്‍ട്ടുകളുള്ളത്.

സംഭവവുമായി ബന്ധപ്പെട്ട് കാറോടിച്ചിരുന്ന ഒരാളെ പൊലീസ് അറസ്റ്റ് ചെയ്തു. 40കാരനായ ജര്‍മന്‍ പൗരനാണ് പിടിയിലായത്. ഇയാള്‍ക്ക് എന്തെങ്കിലും തീവ്രവാദ ബന്ധങ്ങളുണ്ടെന്ന് സ്ഥിരീകരിക്കാനായിട്ടില്ല. എന്നാല്‍ മാനസിക രോഗത്തിന്റെ പ്രകടമായ ലക്ഷണങ്ങള്‍ കാണിക്കുന്നു
മ്‌ണ്ടെന്ന് അധികൃതര്‍.

കൂടുതല്‍ പേര്‍ക്ക് ഇതില്‍ പങ്കുണ്ടോ എന്ന കാര്യം അന്വേഷിച്ചുകൊണ്ടിരിക്കുകയാണെന്ന് പൊലീസ് . പരേഡ്പ്ലാറ്റ്‌സ് സ്‌ക്വയറില്‍ നിന്ന് നഗരത്തിലെ ആകര്‍ഷകമായ വാട്ടര്‍ ടവറിലേക്കുള്ള ദിശയില്‍ സഞ്ചരിക്കുകയായിരുന്ന വാഹനമാണ് പെട്ടെന്ന് കാല്‍നട യാത്രക്കാരിലേക്ക് ഇടിച്ചുകയറിയത്. നിരവധിപ്പേര്‍ക്ക് ഗുരുതര പരിക്കുകളുണ്ടെന്ന് റിപ്പോര്‍ട്ടുകളുള്ളത്.

സംഭവത്തിന് പിന്നാലെ ആളുകളോട് വീടുകളില്‍ തന്നെ ഇരിക്കാന്‍ പൊലീസ് നിര്‍ദേശം നല്‍കി. ആളപായങ്ങളെക്കുറിച്ച് ഔദ്യോഗികമായ പ്രതികരണങ്ങള്‍ ലഭ്യമായിട്ടില്ല. കാര്‍ണിവല്‍ സീസണായതിനാല്‍ നിരവധി ജനങ്ങള്‍ നഗരത്തില്‍ ഒത്തുചേരുന്ന അവസരത്തിലായിരുന്നു സംഭവം നടന്നത്. ഉടന്‍ തന്നെ രക്ഷാപ്രവര്‍ത്തനം ആരംഭിച്ചതായി ലോക്കല്‍ പൊലീസ് .