മദ്യലഹരിയില്‍ രണ്ടുവയസുകാരിയെ നിലത്തടിച്ചുകൊലപ്പെടുത്തി
ആലപ്പുഴയില്‍ മദ്യലഹരിയില്‍ ഇതരസംസ്ഥാനത്തൊഴിലാളി മകളെ നിലത്തടിച്ചു കൊലപ്പെടുത്തി. അസമിലെ ബാരമതി സ്വദേശി പരിതോഷ് മണ്ഡല്‍ (27) ആണ് രണ്ടുവയസുകാരിയായ മകള്‍ ദീപികയെ നിലത്തടിച്ച് കൊലപ്പെടുത്തിയത്. ഭാര്യ റൊണ്ടോവാലിയുമായി വഴക്കിടുന്നതിനിടെയാണ് സംഭവം. റൊണ്ടോവാലിയുടെ ഒക്കത്തിരുന്ന കുഞ്ഞിനെ പരിതോഷ് നിലത്തടിക്കുകയായിരുന്നു. കുഞ്ഞിനെ മാവേലിക്കര ജില്ലാ ആശുപത്രിയില്‍ എത്തിച്ചുവെങ്കിലും അപ്പോഴേക്കും മരിച്ചിരുന്നു. കുഞ്ഞിന്റെ മൃതദേഹം ജില്ലാ ആശുപത്രി മോര്‍ച്ചറിയില്‍.
ആലപ്പുഴ മാങ്കാംകുഴി ജങ്ഷന് കിഴക്ക് വെട്ടിയാറിലാണ് പരിതോഷും കുടുബവും വാടകയ്ക്ക് താമസിച്ചിരുന്നത്. മേസ്തിരി പണിക്ക് സഹായിക്കുന്ന ജോലിയാണ് ഇയാള്‍ ചെയ്തിരുന്നത്. ശരീരത്തില്‍ മര്‍ദനമേറ്റ പാടുകള്‍ കണ്ട് സംശയം തോന്നിയ ഡോക്ടര്‍ മാവേലിക്കര പോലീസില്‍ വിവരമറിയിക്കുകയായിരുന്നു. തുടര്‍ന്ന് കുറത്തികാട് പോലീസ് പ്രതിയെ പിടികൂടുകയായിരുന്നു.
https://www.facebook.com/Malayalivartha
