ലണ്ടൻ ഹീത്രോ വിമാനത്താവളം ലക്ഷ്യമാക്കി പറന്ന ബ്രിട്ടിഷ് എയർവേയ്സ് വിമാനത്തിനുള്ളിൽ നാടകീയ രംഗങ്ങൾ . ‘എനിക്ക് മരിക്കണ്ട...’ എന്ന് പറഞ്ഞ് നിലവിളിച്ച് യാത്രക്കാരി. ലാൻഡിങ്ങിനായി താഴ്ന്നുപറക്കുന്നതിനിടെ സാങ്കേതിക തകരാറിനെത്തുടർന്ന് ‘സ്റ്റാൾ’ മുന്നറിയിപ്പ് മുഴങ്ങുകയായിരുന്നു. ഇതോടെ വിമാനത്തിനുള്ളിൽ യുവതി ‘മേയ്ഡേ’ സന്ദേശം നൽകി. പിന്നാലെ വിമാനം ഹീത്രോയിൽ ലാൻഡ് ചെയ്തത്.

ജൂലൈ ആറിന് നടന്ന സംഭവത്തിലെ വിശദവിവരങ്ങളാണ് ഇപ്പോൾ പുറത്ത് വന്നിരിക്കുന്നത്.ജർമനിയിലെ ഡ്യൂസൽഡോർഫിൽനിന്ന് ഹീത്രോയിലേക്കു വന്ന ബ്രിട്ടിഷ് എയർവേയ്സിന്റെ ബിഎ 919 എയർബസ് എ320 വിമാനത്തിലാണ് സംഭവം നടന്നത് .

ആദ്യ ലാൻഡിങ് ശ്രമത്തിനിടെ വിമാനത്തിന്റെ എയർ ഡേറ്റ റഫറൻസ്സം വിധാനങ്ങളിലൊന്നിൽ തകരാറുണ്ടായി . ‘സ്റ്റാൾ വാണിങ്’ കിട്ടി . ഇതോടെ പൈലറ്റുമാർ ലാൻഡിങ് ഉപേക്ഷിച്ച് വിമാനം വീണ്ടും ഉയർ ത്തി. പാൻ പാൻ’ അടിയന്തര സന്ദേശം നൽകി . രണ്ടാമത്തെ ശ്രമത്തിനിടെ ഏകദേശം 3,000 അടി ഉയരത്തിൽ വീണ്ടും സ്റ്റാൾ വാണിങ് കിട്ടി. ശക്തമായ റിക്കവറി മനൂവർ നടത്തുകയും അടിയന്തര സന്ദേശം ‘മേയ്ഡേ’ ആയി ഉയർത്തി .

വിമാനം പെട്ടെന്ന് ശക്തമായി ചലിച്ചു . എൻജിനുകളിൽനിന്ന് വലിയ ശബ്ദം കേൾക്കുകയും ചെയ്തു. ഇതോടെ യാത്രക്കാർ പരിഭ്രാന്തരായി . ഇതിനിടെയാണ് യുവതി ‘ഐ ഡോണ്ട് വാന്റ് ടു ഡൈ’ എന്ന് അലമുറയിട്ടത്.ഒടുവിൽ വിമാനം ഹീത്രോ വിമാനത്താവളത്തിൽ സുരക്ഷിതമായി ഇറക്കി.