അജ്ഞാത സംഘത്തിന്റെ ആക്രമണത്തില് ഫിലിപ്പീന്സില് ഏഴു പേര് കൊല്ലപ്പെട്ടു
അജ്ഞാത സംഘത്തിന്റെ ആക്രമണത്തില് ഫിലിപ്പീന്സില് ഏഴു പേര് കൊല്ലപ്പെട്ടു. ഒരാള്ക്ക് പരിക്കേറ്റു. കാവിറ്റ് പ്രവിശ്യയിലെ റോസാരിയ നഗരത്തിലാണ് സംഭവം. ഫിലിപ്പീന്സില് ദേശീയ തെരഞ്ഞെടുപ്പിന്റെ വോട്ടെടുപ്പ് ആരംഭിക്കാന് മണിക്കൂറുകള് ശേഷിക്കെയാണ് അക്രമം നടന്നത്. പതിയിരുന്ന അജ്ഞാത സംഘം വാഹന വ്യൂഹത്തിനു നേരെ നിറയൊഴിക്കുകയായിരുന്നു. ആക്രമണത്തിനു പിന്നിലുള്ള ലക്ഷ്യം വ്യക്തമല്ലെന്ന് ചീഫ് ഇന്സ്പെക്ടര് ജോനാഥന് ഡെല് റോസാരിയോ പറഞ്ഞു.
തെരഞ്ഞെടുപ്പില് പ്രശ്ന ബാധിത പ്രദേശമായി കണക്കാക്കിയിരുന്ന സ്ഥലമാണ് കാവിറ്റിലെ റോസാരിയ നഗരം. തെരഞ്ഞെടുപ്പുമായി ബന്ധപ്പെട്ടുണ്ടായ സംഘര്ഷങ്ങളില് ഈവര്ഷം ഇതുവരെ പതിനഞ്ചോളം പേര് കൊല്ലപ്പെട്ടതായും പ്രത്യേക സംഘം അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha