അപരിചിതന് വദനരതിക്കു ശ്രമിക്കവേ യുവതി ഞെട്ടിയുണര്ന്നു
ഓസ്ട്രേലിയയിലെ പ്രമുഖ പത്രമായ സിഡ്നി മോര്ണിംഗ് ഹെറാള്ഡില് ഈയടുത്ത ദിവസം പ്രസിദ്ധപ്പെടുത്തിയ ഒരു വാര്ത്ത എല്ലാവരേയും ഞെട്ടിച്ചു.
സിഡ്നിയിലുള്ള തന്റെ വീട്ടില് ബോയ്ഫ്രണ്ടുമൊത്ത് ഉറങ്ങി കിടക്കുകയായിരുന്ന യുവതി വെളുപ്പിന് മൂന്നരയോടുകൂടി ഞെട്ടിയുണര്ന്നു. തന്റെ സ്വകാര്യഭാഗത്ത് ആരോ സ്പര്ശിക്കുന്നതു പോലെ തോന്നിയപ്പോഴാണ് അവള് ഉണര്ന്നത്. തന്റെ ശരീരാവയവത്തില് നാവു കൊണ്ട് സ്പര്ശിക്കുന്നത് അര്ദ്ധമയക്കത്തില് അവള് തിരിച്ചറിഞ്ഞു. തന്റെ ബോയ്ഫ്രണ്ടായിരിക്കുമെന്ന് കരുതി അവള് എതിര്ത്തില്ല.
എന്നാല് ഏതാനും സെക്കന്റുകള് കഴിഞ്ഞപ്പോള്, കിടക്കയില് തന്റെ ഒപ്പമുണ്ടായിരുന്ന ബോയ്ഫ്രണ്ട് അല്പം അകലെയായി കിടക്കുന്നുണ്ടായിരുന്നു എന്നു മനസ്സിലായി. അപ്പോള് തന്നെ സ്പര്ശിക്കുന്നത് മറ്റാരോ ആണെന്ന് ഞെട്ടലോടെ മനസ്സിലാക്കിയ യുവതി കൈകള് നീട്ടി തന്റെ ബോയ്ഫ്രണ്ടിന്റെ ശരീരത്തില് നഖങ്ങള് ആഴത്തില് കുത്തി കൊണ്ട് മുറിക്കുള്ളില് മറ്റാരോ ഉണ്ടെന്ന് അയാളെ അറിയിച്ചു. ഞെട്ടിത്തരിച്ച അയാള് ചാടി എഴുന്നേറ്റ് കടന്നുകയറിയവനെ ഇടിച്ചു പുറത്താക്കി. അവനെ പുറത്തെറിഞ്ഞു കളഞ്ഞിട്ടു തിരികെയെത്തിയപ്പോള് കിടക്കിയില് കിടന്നു കരയുന്ന ഗേള് ഫ്രണ്ടിനെ കണ്ടു കാര്യം തിരക്കിയപ്പോഴാണ് പീഡനശ്രമം നടന്ന കാര്യം അയാള് അറിഞ്ഞത്.
കേസും ബഹളവുമൊന്നുമാക്കേണ്ടെന്നായിരുന്നു യുവതിയുടെ അഭിപ്രായം. എന്നാല് പിറ്റേന്ന് തന്റെ രണ്ടാനച്ഛനോട് ഇതേപ്പറ്റി അഭിപ്രായമാരാഞ്ഞപ്പോള് പോലീസ് സഹായം തേടണമെന്ന് അയാള് ശക്തമായി ആവശ്യപ്പെട്ടു. തുടര്ന്നാണ് യുവതിയും ബോയ്ഫ്രണ്ടും പോലീസില് പരാതി നല്കിയത്.
യുവതിയുടെ പൈജാമയില് നിന്നും മുപ്പത്തഞ്ചുകാരനായ പ്രതി ജോസഫ് യവോകിന്റെ ഡിഎന്എ കണ്ടെത്താനായി. കൂടാതെ കൃത്യം നടന്നതായി പരാതിയില് പറഞ്ഞിരിക്കുന്ന സമയത്ത് അയാള് ആ പരിസരത്ത് ഉണ്ടായിരുന്നതായി സിസിടിവി ദൃശ്യങ്ങളും തെളിയിച്ചു.
പരാതി ലഭിച്ച അന്നു തന്നെ അയാളെ അറസ്റ്റു ചെയ്യാന് പോലീസിന് കഴിഞ്ഞു. ഈയാഴ്ച കോടതിയില് ഹാജരാക്കിയപ്പോള് അയാള് ഒരു പ്രസ്താവന കോടതിയില് എഴുതി വായിക്കുകയുണ്ടായി.
ഇത്തരമൊരു ദുരിതം ആ യുവതിക്കു അനുഭവിക്കാന് ഇടയാക്കിയതില് തനിക്കു ഖേദമുണ്ടെന്നും അവളുടെ വീട്ടിന്റെ മുന്വാതില് ചാരിയിട്ടേ ഉണ്ടായിരുന്നുള്ളുവെന്നും തന്മൂലം രാത്രി ചിലവഴിക്കാന് സാധിക്കുന്ന ഇടമാണെന്നു കരുതി കയറിയപ്പോള് കട്ടിലില് നിന്നും ഒരു കാല് വെളിയിലേക്കിട്ടു കിടക്കുന്ന യുവതിയെ കണ്ടെന്നും മാനസിക നില ശരിയല്ലാത്ത വ്യക്തിയായ താന് തന്റെ ഉള്ളില് നിന്നും പുറപ്പെടുന്ന ചില ഉത്തരവുകള് അനുസരിച്ച് പ്രവര്ത്തിക്കുകയായിരുന്നെന്നൊക്കെ പറഞ്ഞുവെങ്കിലും രണ്ടു വര്ഷത്തെ ജയില് ശിക്ഷയാണ് അയാള്ക്കു ലഭിച്ചത്.
https://www.facebook.com/Malayalivartha
