അത്ഭുതത്തോടെ ശാസ്ത്ര ലോകം, കനല് വഴികളിലെ സത്യം കണ്ടെത്താനുള്ള പഠനം പുരോഗമിക്കുന്നു , മുഴുവന് പഠനങ്ങളും കൃത്യമായും വീഡിയോയിലും ഫോട്ടോകളിലുമടക്കം രേഖപ്പെടുത്തുന്നു, പ്രാര്ത്ഥനയോടെ മത വിശ്വാസികള്
ശാസ്ത്രീയ പഠനം നടത്തുന്നതിന്റെ ഭാഗമായി ഏഥന്സിലെ സാങ്കേതിക സര്വകലാശാലയും നാഷനല് ജ്യോഗ്രഫിക് സൊസൈറ്റിയും ചേര്ന്ന് യേശുവിന്റെ കല്ലറയ്ക്കുള്ളിലെ മാര്ബിള് ഫലകം നൂറ്റാണ്ടുകള്ക്ക് ശേഷം ഗവേഷകര് മാറ്റി ശാസ്ത്രീയ പഠനം ആരംഭിച്ചു. യേശുവിന്റെ മൃതദേഹം കിടത്തിയതെന്ന് കരുതപ്പെടുന്ന കല്ലറയ്ക്കുള്ളിലെ ശില കണ്ടെത്തി അതിനെക്കുറിച്ച് പഠനം നടത്തുകയാണ് ലക്ഷ്യമെന്ന് ഗവേഷകസംഘത്തിലെ തലവന് ഫ്രെഡറിക് ഹൈബെര്ട്ട്. പഠനം പെട്ടെന്ന് തീര്ക്കാനാവില്ല, കൂടുതല് ആഴത്തില് ഗവേഷണം നടത്താന് ദീര്ഘനാള് വേണ്ടിവരുമെന്നും, ശാസ്ത്രീയ പഠനം കല്ലറയെക്കുറിച്ചുള്ള രഹസ്യങ്ങളുടെ ചുരുളഴിക്കുമെന്നാണ് കരുതുന്നതെന്നും ഹൈബര്ട്ട് പറഞ്ഞു.
കുരിശു മരണം വരിച്ച ക്രിസ്തുവിനെ ഗുഹയില് അടക്കിയെന്നും മൂന്നാം നാള് ഉയര്ത്തെഴുന്നേറ്റു എന്നുമാണ് ക്രിസ്തുമത വിശ്വാസം പറയുന്നത്. എഡി 326 ല് റോമന് ചക്രവര്ത്തിയായ കോണ്സ്റ്റന്റെയിന്റെ അമ്മയായ ഹെലേനയാണ് കല്ലറ കണ്ടെത്തിയതെന്നാണ് കരുതപ്പെടുന്നത്. തീപ്പിടിത്തത്തില് നശിച്ച കല്ലറ 18081810 കാലഘട്ടത്തില് പുനരുദ്ധരിച്ചു. കുരിശുമരണത്തിനുശേഷം യേശുവിനെ ഗുഹയിലടക്കിയെന്നും മൂന്നാം ദിവസം അദ്ദേഹം ശരീരത്തോടെ ഉയിര്ത്തെഴുന്നേറ്റു എന്നുമാണ് ക്രിസ്തുമതവിശ്വാസം. യേശുവിന്റെ മൃതദേഹം കിടത്തിയതെന്നു കരുതുന്ന ശില ഭദ്രമായി സംരക്ഷിക്കാനായി ആ ഭാഗം മാര്ബിള് ഫലകം കൊണ്ടുമൂടിയിരുന്നു. കുറഞ്ഞത് എഡി 1555 മുതല് ഈ ഫലകം അവിടെയുണ്ട്. ഈ മാര്ബിള് ഫലകം മാറ്റി യേശുവിന്റെ മൃതദേഹം കിടത്തിയതെന്നു കരുതുന്ന യഥാര്ഥ ശില കണ്ടെത്തി അതിനെ ശാസ്ത്രീയ പരീക്ഷണത്തിനു വിധേയമാക്കാനാണു പുരാവസ്തു ഗവേഷകരും ശാസ്ത്രജ്ഞരും ശ്രമിക്കുന്നത്.
കല്ലറയുടെ മാര്ബിള് ആവരണം നീക്കിയ പര്യവേക്ഷകസംഘത്തെ അതില് അടക്കംചെയ്തിരിക്കുന്ന വസ്തുക്കളുടെ അളവ് അത്ഭുതപ്പെടുത്തിയെന്ന് നാഷണല് ജിയോഗ്രഫിക്ക് ആര്ക്കോളൊജിസ്റ്റ് ഫെഡറിക്ക് ഫൈബേര്ട്ട് പറഞ്ഞു. ആദ്യമായി നടക്കുന്ന ഈ ശാസ്ത്രീയപഠനം കല്ലറയെക്കുറിച്ച് ഒട്ടേറെ വിവരങ്ങള് പുറത്തു കൊണ്ടുവരുമെന്നാണു കരുതുന്നതെന്നു ഫ്രെഡറിക് ഹൈബെര്ട്ട് പറഞ്ഞു. കല്ലറയ്ക്കുള്ളില് നടത്തുന്ന എല്ലാ പരീക്ഷണങ്ങളും കൃത്യമായി ചിത്രീകരിക്കുകയും രേഖപ്പെടുത്തുകയും ചെയ്യുന്നുണ്ട്. 2015ലാണ് ഗ്രീക്കിലെ ജെറുസലേം പാത്രിയര്ക്കീസ് ആതന്സിലെ സാങ്കേതിക സര്വ്വകലാശാലയെ പര്യവേഷണത്തിനായി ക്ഷണിച്ചത്. 2017ഓടെ ഗവേഷണം പൂര്ത്തിയാക്കി കല്ലറ പുതുക്കിപ്പണിയും. ജോര്ദാന് രാജാവ് അബ്ദുള്ള രണ്ടാമനും വേള്ഡ് മൊണ്യൂമെന്റ്സ് ഫണ്ടും ഗവേഷണത്തിന് ധനസഹായം നല്കും.
https://www.facebook.com/Malayalivartha
