യു എസ് തെരഞ്ഞെടുപ്പില് ഹില്ലരിയും ട്രംപും തമ്മില് ഇഞ്ചോടിഞ്ച് പോരാട്ടം
യുഎസ് പ്രസിഡന്റ് തെരഞ്ഞെടുപ്പില് വോട്ടെണ്ണല് പുരോഗമിക്കുമ്പോള് ഡെമോക്രാറ്റിക് സ്ഥാനാര്ഥി ഹില്ലരി ക്ലിന്റണും റിപ്പബ്ലിക്കന് സ്ഥാനാര്ഥി ഡോണള്ഡ് ട്രംപും തമ്മില് ഇഞ്ചോടിഞ്ച് പോരാട്ടം. ഫലമറിഞ്ഞ 16 സംസ്ഥാനങ്ങളില് എട്ടിടത്ത് ഹില്ലരിയും എട്ടിടത്ത് ട്രംപും വിജയിച്ചു.
ഇല്ലിനോയി, ന്യൂജേഴ്സി, മസാച്യുസെറ്റ്സ്, മേരിലാന്ഡ് ന്യൂയോര്ക്ക്, റോഡ് ഐലന്ഡ്, ഡെലവെയര്, ഡിസ്ട്രിക്ട് ഓഫ് കൊളംബിയ എന്നിവിടങ്ങളിലാണ് ഹില്ലരി വിജയിച്ചത്. കെന്റക്കി, ഇന്ത്യാന, വെസ്റ്റ് വെര്ജീനിയ, സൗത്ത് കരോളിന, അലബാമ, സൗത്ത് ഡക്കോട്ട എന്നിവിടങ്ങളിലാണ് ട്രംപ് വിജയിച്ചത്.
ഫ്ളോറിഡ, ജോര്ജിയ തുടങ്ങിയ സംസ്ഥാനങ്ങളില് ഒപ്പത്തിനൊപ്പമാണ് പോരാട്ടം നടക്കുന്നത്. ഫ്ളോറിഡ കൈവിട്ടാല് ട്രംപിന്റെ സാധ്യതകള് മങ്ങുമെന്നാണ് സര്വേ ഫലങ്ങള് നല്കുന്ന വിവരം. നേരത്തേ, വോട്ടെണ്ണല് തുടങ്ങിയപ്പോള് ട്രംപാണ് മുന്നിട്ടു നിന്നത്. 50 സംസ്ഥാനങ്ങളിലെ 538 ഇലക്ടര്മാരാണ് ജയം തീരുമാനിക്കുന്നത്. 270 ഇലക്ടറല് വോട്ടുകള് ഉറപ്പിക്കുന്നവര് വിജയിക്കും.
https://www.facebook.com/Malayalivartha
