കാനഡയില് സിറ്റിസണ്ഷിപ്പ് കിട്ടുന്നതെങ്ങനെയെന്ന് തിരഞ്ഞവരുടെ തിരക്കുമൂലം വൈബ്സൈറ്റ് തകരാറായി
അമേരിക്കയില് നിന്നും കാനഡയിലേക്ക് കുടിയേറ്റം വ്യാപകമാകും. അമേരിക്കന് പ്രസിഡന്റായി ഡൊണാള്ഡ് ട്രംപ് തിരഞ്ഞെടുക്കപ്പെടുന്നുവെന്ന സൂചനകള് പുറത്തുവന്നതോടെ അയല് രാജ്യമായ കാനഡയിലേക്ക് ചേക്കേറാന് വന് തിരക്ക്.
അമേരിക്കന് വംശജരല്ലാത്തവര്ക്കും മെക്സിക്കക്കാര്ക്കും മുസ്ലീങ്ങള്ക്കുമെതിരെ ശക്തമായ നടപടി ട്രംപ് പരമാധികാരിയായാല് ഉണ്ടായേക്കുമെന്ന ഭയത്താലാണ് അയല് രാജ്യമായ കാനഡയില് അഭയം തേടാന് സാധ്യതകളാരാഞ്ഞ് തിരക്കേറിയത്. ഡാണാള്ഡ് ട്രംപ് തിരഞ്ഞെടുപ്പില് മുന്നോട്ടു കുതിക്കുന്നുവെന്നറിഞ്ഞതോടെ അന്യനാട്ടുകാരോട് പുതിയ പ്രസിഡന്റിന്റെ സമീപനം മോശമാകുമെന്ന് ഭയന്ന് കൂടുതല്പേരും മറ്റു രാജ്യങ്ങളിലേക്ക് ചേക്കേറാന് ശ്രമിക്കുകയാണെന്നതിന്റെ സൂചനകളാണ് പുറത്തുവരുന്നത്.
അമേരിക്കയ്ക്ക് സമാനമായ ജീവിത സാഹചര്യമുള്ളതിനാലാണ് കാനഡയിലേക്ക് ജീവിതം പറിച്ചുനടാന് പലരും തയ്യാറാകുന്നതെന്നാണ് സൂചനകള്. കനേഡിയന് സിറ്റിസണ് ആകാന് ചെയ്യേണ്ടതെന്ത് എന്ന് അന്വേഷിച്ചെത്തിയവരാണ് കനേഡിയന് സര്ക്കാരിന്റെ സൈറ്റില് ഇടിച്ചുകയറിയത്.
സന്ദര്ശക ബാഹുല്യം ഏറിയതോടെ സൈറ്റ് തകരാറിലായി. ഇപ്പോള് സൈറ്റ് സന്ദര്ശിക്കുന്നവര്ക്ക് ഒരു ഇറര് മെസേജാണ് ലഭിക്കുന്നത്. അതേസമയം, സൈറ്റിന് എന്താണ് സംഭവിച്ചതെന്ന കനേഡിയന് ഗവണ്മെന്റ് ഔദ്യോഗിക വിശദീകരണവും നല്കിയിട്ടില്ല.
അതേസമയം സൈറ്റിലെ മറ്റു പേജുകള് പ്രവര്ത്തിക്കുന്നുണ്ടെന്നും കാനഡയില് സിറ്റിസണ്ഷിപ്പ് കിട്ടുന്നതിന്റെ കാര്യങ്ങള് വിശദമാക്കുന്ന പേജിനു മാത്രമാണ് പ്രശ്നമെന്നും സൈറ്റിലെത്തിയവര് പിന്നീട് വിശദമാക്കിയിട്ടുണ്ട്.
സമാനമായ സ്ഥിതിവിശേഷങ്ങള് ഫേസ്ബുക്കിലും കാണുന്നുണ്ട്. ട്രംപിന്റെ മുസഌം വിരുദ്ധ, കുടിയേറ്റ വിരുദ്ധ നിലപാടുകളും മെക്സിക്കക്കാരോടുള്ള സമീപനങ്ങളും എന്താവുമെന്ന ആകാംക്ഷയാല് പലരും അമേരിക്കവിട്ട് മറ്റു രാജ്യങ്ങളിലേക്കോ, മാതൃരാജ്യങ്ങളിലേക്കോ ചേക്കേറാന് ഒരുങ്ങുകയാണെന്നാണ് സൂചനകള്. ഫെയ്്സ്ബുക്കില് ഇന്നത്തെ ട്രെന്ഡിങ് ടോപ്പിക്കുകളില് ഒന്നാമതായി ഉള്ളത് ഇമിഗ്രേഷന് ടു കാനഡ എന്ന സെര്ച്ചാണ്.
https://www.facebook.com/Malayalivartha
