ട്രംപിന്റെ ചിറകേറി വംശീയാക്രമണ പരമ്പര; സഹപാഠി വിദ്യാര്ഥിനിയുടെ ഹിജാബ് വലിച്ചൂരി
യു എസ് പ്രസിഡന്റ് സ്ഥാനത്തേക്ക് ഡൊണാള്ഡ് ട്രംപ് ജയിച്ചതോടെ അമേരിക്കയിലെ മുസ്ലിങ്ങളുടെ ജീവിതം ദുഷ്ക്കരമാകുന്നു. ഷിക്കാഗോയില് വിദ്യാര്ഥിനിയുടെ ഹിജാബ് വലിച്ചൂരി മുടി പിടിച്ചു വലിച്ചതാണ് അവസാനത്തേതായി പുറത്തുവരുന്ന റിപ്പോര്ട്ട്.
മിന്നെസോട്ടയിലെ കോണ് റാപിഡ്സിലുള്ള നോര്ത്ത്ഡേല് മിഡില് സ്കൂളിലാണ് വിദ്യാര്ഥിനിയുടെ ഹിജാബ് ഒരു കൂട്ടം വിദ്യാര്ഥിനികള് വലിച്ചൂരിയത്. സംഭവം അപമാനകരമാണെന്ന് അമേരിക്കന് ഇസ്ലാമിക് റിലേഷന്സ് കൗണ്സില് വിലയിരുത്തി. അതിന്റെ അടിസ്ഥാനത്തില് അന്വേഷണം ആരംഭിച്ചിട്ടുണ്ട്. ക്ലാസില് ഇരിക്കുകയായിരുന്ന വിദ്യാര്ഥിനിയുടെ പിന്നിലൂടെയെത്തിയ സഹപാഠികളാണ് പെണ്കുട്ടിയുടെ ഹിജാബ് വലിച്ചൂരിയത്. അതിനു ശേഷം കെട്ടിവച്ചിരുന്ന ഹിജാബ് ബലമായി അഴിച്ചിട്ടു. ക്ലാസുകളില് വിദ്യാര്ഥിനികള് മതം, വംശം എന്നിവയുടെ ഭേദമില്ലാതെ പഠിക്കാനുള്ള സാഹചര്യമാണുണ്ടാകേണ്ടതെന്ന് അമേരിക്കന് ഇസ്ലാമിക് റിലേഷന്സ് കൗണ്സില് എക്സിക്യൂട്ടീവ് ഡയറക്ടര് ജയലാനി ഹുസൈന് പറഞ്ഞു.
കഴിഞ്ഞയാഴ്ച മിഷിഗണ് സര്വകലാശാലയിലെ ഒരു വിദ്യാര്ഥിനിയെ അജ്ഞാതനായ ആള് സമീപിച്ച് മുഖാവരം വലിച്ചൂരുകയും തീകൊളുത്തിക്കൊല്ലുമെന്നു ഭീഷണിപ്പെടുത്തുകയും ചെയ്തിരുന്നു. ജോര്ജിയയില് ഒരു സ്കൂള് അധ്യാപിക മുഖാവരണം അഴിക്കാന് തയാറായില്ലെങ്കില് തൂക്കിക്കൊല്ലുമെന്നു ഭീഷണിപ്പെടുത്തിയിരുന്നു.
https://www.facebook.com/Malayalivartha
