ദുബായിയില് കൂട്ട മാനഭംഗത്തിനിരയായ യുവതിയ്ക്കെതിര വിവാഹേതര ലൈംഗിക ബന്ധത്തിനു കേസ്
ഇംഗ്ലണ്ടില് നിന്നും ദുബായ് സന്ദര്ശനത്തിനെത്തിയ യുവതിയെ ദുബായിയില് വച്ച് രണ്ട് ബ്രിട്ടീഷ് യുവാക്കള് മാനഭംഗപ്പെടുത്തിയെങ്കിലും വിവാഹേതര ലൈംഗിക ബന്ധത്തിലേര്പ്പെട്ടെന്ന വകുപ്പു ചുമത്തി യുവതിയെ ജയിലിലടയ്ക്കാനുള്ള ശ്രമമാണ് അധികൃതര് നടത്തുന്നതെന്ന് ആരോപണം ഉയര്ന്നു.
25-കാരിയായ യുവതി പോലീസിനു കൊടുത്ത പരാതിയില് രണ്ടു ബ്രട്ടീഷ് യുവാക്കള് യുഎഇ-യിലെ പട്ടണത്തില് വച്ചു തന്നെ പീഡിപ്പിച്ചതായാണ് പറഞ്ഞിരുന്നത്. എന്നാല് യുവതിയെ ലോക്കപ്പിലാക്കുകയാണുണ്ടായതത്രേ.
യുവതിയെ മാനഭംഗപ്പെടുത്തിയവര് രാജ്യത്തു നിന്നും ബര്മിംഗ്ഹാമിലേയ്ക്കു മടങ്ങിപോയെന്നും തന്റെ പാസ്പോര്ട്ട് അധികൃതര് പിടിച്ചു വച്ചിരിക്കുകയാണെന്നും രാജ്യം വിടരുതെന്ന് തന്നോട് ആവശ്യപ്പെട്ടിരിക്കുകയാണെന്നുമാണ് യുവതി സണ് പത്രത്തോട് വെളിപ്പെടുത്തിയത്. യുവതിക്ക് ജാമ്യം അനുവദിച്ചിട്ടുണ്ട്. ഇനി വക്കീല് ഫീസിനത്തിലും മറ്റുമായി കൊടുക്കേണ്ടതിന് ഏകദേശം 2400000 ഇന്ത്യന് രൂപയ്ക്കു തുല്യമായ തുക കണ്ടെത്തേണ്ട സ്ഥിതിയായിരിക്കയാണത്രേ.
ദുബായിയിലെ ശരിയത്ത് നിയമപ്രകാരം വിവാഹേതര ലൈംഗിക ബന്ധം ദീര്ഘകാല ജയില്ശിക്ഷ ലഭിക്കാവുന്ന കുറ്റമാണ്.
ദുബായിയില് വച്ച് താന് താമസിച്ചിരുന്ന ഹോട്ടലില് തന്നെ തങ്ങിയിരുന്ന ബ്രിട്ടനില് തന്നെയുള്ള രണ്ടു യുവാക്കളെ പരിചയപ്പെട്ടുവെന്നും അവരോടൊപ്പം മദ്യപിക്കാന് താനും ചേര്ന്നുവെന്നും യുവതി പോലീസിനോടു പറഞ്ഞു. തുടര്ന്ന് അവര്, തങ്ങളുടെ മുറി കൂടി സന്ദര്ശിച്ചിട്ടു പോയാല് മതിയെന്നു പറഞ്ഞാണ് മുറിയിലേയ്ക്കു കൂട്ടികൊണ്ടു പോയതെന്നും മുറിയിലെത്തിയതോടെ ഇരുവരും മാറി മാറി തന്നെ പീഡിപ്പിക്കുകയായിരുന്നുവെന്നുമാണ് യുവതി അറിയിച്ചത്. അതൊക്കെയും അവര് വീഡിയോയില് പകര്ത്തുകയും ചെയ്യുകയുണ്ടായി എന്നും യുവതി വ്യക്തമാക്കി.
യുഎഇ നിയമപ്രകാരം വിവാഹിതരായവര് സ്വന്തം പങ്കാളിയുമായിട്ടല്ലാതെ മറ്റാരുമായും ലൈംഗിക ബന്ധത്തില് ഏര്പ്പെടുന്നതിന് കര്ശനമായ വിലക്കുണ്ട്. എന്നാല് വിവാഹം കഴിച്ചിട്ടില്ലാത്തവര്ക്ക് തങ്ങള്ക്കിഷ്ടമുള്ളവരോടൊത്ത് ലൈംഗിക ബന്ധത്തിലേര്പ്പെടുന്നതിന് നിയമപരമായ നിയന്ത്രണങ്ങളൊന്നുമില്ല. പരാതിക്കാരിയായ യുവതി വിവാഹിതയാണ് എന്നതിനാലാണ് യുവതി കുറ്റക്കാരിയായത്. യുവതിയും ഭര്ത്താവും വേര്പിരിഞ്ഞു താമസിക്കുന്നവരാണോ എന്നും അറിവായിട്ടില്ല.
ലോകപര്യടനത്തിനിറങ്ങിയ പ്രസ്തുത യുവതിക്കും കുടുംബത്തിനും ആവശ്യമായ എല്ലാ സഹായങ്ങളും വിദേശ കാര്യമന്ത്രാലയത്തിലെ ഉദ്യോഗസ്ഥര് നല്കുന്നതായി വ്യക്തമാക്കി.
https://www.facebook.com/Malayalivartha
