നൊബേല് പുരസ്കാരം ഏറ്റുവാങ്ങാന് റോക്ക് ഇതിഹാസത്തിന് സമയമില്ല
സാഹിത്യ നൊബേല് പുരസ്കാരം സ്വീകരിക്കാന് റോക്ക് ഇതിഹാസമായ ബോബ് ഡിലന് സമയമില്ല. ഡിസംബര് പത്തിന് സ്റ്റോക്ക്ഹോമില് നടക്കുന്ന നൊബേല് പുരസ്കാര ദാനചടങ്ങില് എത്താന് കഴിയില്ലെന്ന് അറിയിച്ച് ഡിലന് കത്തെഴുതിയതായി സ്വീഡിഷ് അക്കാദമി പറഞ്ഞു. ഡിലന്റെ അഭാവത്തില് ആര് പുരസ്കാരം ഏറ്റുവാങ്ങുമെന്ന കാര്യം വ്യക്തമല്ല. ഇന്നലെയാണ് ബോബ് ഡിലന്റെ കത്ത് ലഭിച്ചത്. ചില തിരക്കുകള് കാരണം ഡിസംബറില് സ്റ്റോക്ക്ഹോമില് എത്താന് കഴിയില്ലെന്നാണ് കത്തില് ഡിലന് പറയുന്നത്.
അതിനാല് പുരസ്കാരദാന ചടങ്ങില് പങ്കെടുക്കില്ലെന്നും അദ്ദേഹം പറഞ്ഞു.
ബോബ് ഡിലന്റെ തീരുമാനത്തെ ബഹുമാനിക്കുന്നു. പുരസ്കാര ജേതാക്കള് സമ്മാനം ഏറ്റുവാങ്ങാന് എത്താതിരുന്ന സംഭവങ്ങള് ഇതിനുമുമ്ബും ഉണ്ടായിട്ടുണ്ടെന്നും സ്വീഡിഷ് അക്കാദമി പറഞ്ഞു. പുരസ്കാര പ്രഖ്യാപനം വന്നിട്ട് ആഴ്ച്ചകള് കഴിഞ്ഞിട്ടാണ് ബോബ് ഡിലന് പ്രതികരിച്ചത്. ഡിലനെ ബന്ധപ്പെടാന് സ്വീഡിഷ് അക്കാദമി നിരവധി തവണ ശ്രമിച്ചെങ്കിലും പരാജയപ്പെട്ടു. ഒടുവില് ഡിലനെ ബന്ധപ്പെടാനുള്ള ശ്രമം അവസാനിപ്പിച്ചുവെന്ന് വരെ അക്കാദമി പറയുകയുണ്ടായി.
മഹത്തായ അമേരിക്കന് സാംഗീത പാരമ്ബര്യത്തില് കാവ്യാത്മകമായ പ്രകടനങ്ങള് നടത്തിയതിനായിരുന്നു ഡിലന് നൊബേല് പുരസ്കാരമെത്തിയത്. സാഹിത്യത്തില് നൊബേല് പുരസ്കാരം സ്വന്തമാക്കുന്ന ആദ്യ ഗാനരചയിതാവാണ് 75കാരനായ ബോബ് ഡിലന്.ഇംഗ്ലീഷ് പാരമ്ബര്യത്തിലെ മഹാനായ കവിയെന്നാണ് നൊബേല് പുരസ്കാര കമ്മിറ്റി ബോബ് ഡിലനെ വിശേഷിപ്പിച്ചിരുന്നത്.1941ല് ജനിച്ച ബോബ് ഡിലന്റെ യഥാര്ത്ഥ പേര് റോബര്ട്ട് അലന് സിമ്മര്മാന് എന്നാണ്.ബ്ലോവിങ് ഇന് ദി വിന്ഡ്, ദി ടൈംസ് ദെ ആര് ചെയ്ഞ്ചിങ് എന്നീ ബോബിന്റെ ഗാനങ്ങള് ഏറെ പ്രശസ്തമാണ്.ഗ്രാമി, ഗോള്ഡന് ഗ്ലോബ്, ഓസ്കാര്, പുലിസ്റ്റര് എന്നീ ലോക പ്രശസ്ത പുരസ്കാരങ്ങളും ബോബിന് ലഭിച്ചിട്ടുണ്ട്.
https://www.facebook.com/Malayalivartha
