ആളുകള്‍ പലതരം അവരുടെ സ്വഭാവ രീതികളോ അതിലും വ്യത്യസ്തവും വിചിത്രവും. ജപ്പാനിലെ ക്യോടോ നഗരത്തില്‍ ഒരു യുവാവിനെ പൊലീസ് അറസ്റ്റ് ചെയ്തത് എന്തിനാണെന്ന് കേട്ടാല്‍ ആരുമൊന്ന് ഞെട്ടും. അരമണിക്കൂറലധികം നേരം ഒരു യുവതിയുടെ കാലില്‍ നക്കുകയും കടിക്കുകയും ചെയ്തതിനാണ് പൊലീസ് ഇയാളെ അറസ്റ്റ് ചെയ്തത്. അകിര നിഷിയാമ എന്ന 56കാരനാണ് ഈ വിചിത്ര കുറ്റത്തിന് പൊലീസിന്റെ പിടിയിലായത്. സീരിയല്‍ ഫൂട്ട്‌ലിക്കര്‍ എന്നാണ് മാധ്യമങ്ങള്‍ ഇയാളെ വിശേഷിപ്പിക്കുന്നത്. അറസ്റ്റിലേക്ക് നയിച്ച സംഭവത്തെ പറ്റി പൊലീസ് വക്താവ് പറയുന്നത് ഇങ്ങനെയാണ്. തന്റെ കാറിന്റെ ബ്രേക്കിംഗ് സിസ്റ്റം പരിശോധിക്കാന്‍ സഹായിക്കാനായി 20 വയസോളം പ്രായമുള്ള യുവതിയോട് ഇയാള്‍ കാറിന്റെ െ്രെഡവിംഗ് സീറ്റില്‍ ഇരിക്കാനായി ആവശ്യപ്പെട്ടു. അതിനു ശേഷം ഇയാള്‍ യുവതിയുടെ വലതുകാലില്‍ കടന്നു പിടിക്കുകയും ചെരിപ്പ് ഊരിക്കളഞ്ഞ ശേഷം, നഗ്‌നമായ ഉള്ളംകാലില്‍ തന്റെ നാവ് ഉപയോഗിച്ച് നക്കാന്‍ ആരംഭിച്ചു. കണങ്കാലില്‍ പിടിച്ചിരുന്നതിനാല്‍ യുവതിയ്ക്ക് രക്ഷപ്പെടാന്‍ കഴിഞ്ഞില്ല. യുവതിയുടെ പേര് പൊലീസ് പുറത്തു വിട്ടിട്ടില്ല. സംഭവമുണ്ടായ ശേഷം പിന്നീടാണ് പൊലീസ് നിഷിയാമയെ അറസ്റ്റ് ചെയ്തത്. ലൈംഗികാതിക്രമത്തിനെതിരായ നിയമപ്രകാരമാണ് അറസ്റ്റ് രേഖപ്പെടുത്തിയത്. 2012 മുതല്‍ ഈ പ്രദേശത്ത് സമാനമായ നിരവധി സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. ദി ഫൂട്ട് ലിക്കര്‍ എന്നാണ് ഈ സംഭവങ്ങളിലെ പ്രതിയെ പൊലീസ് വിശേഷിപ്പിച്ചിരുന്നത്. അരമണിക്കൂറോളം കാലില്‍ നക്കുകയും അതിന് ശേഷം പിന്‍കാലില്‍ പല്ലുപയോഗിച്ച കടിക്കുകയും ചെയ്ത ശേഷമാണ് ഇയാള്‍ യുവതിയെ പോകാന്‍ അനുവദിച്ചത്. പോകുന്നതിന് മുന്‍പ് യുവതിയോട് നന്ദി പറയാനും ഇയാള്‍ മറന്നില്ല. ഇതിന്റെ ദൃശ്യങ്ങള്‍ യുവതി തന്റെ മൊബൈല്‍ഫോണില്‍ പകര്‍ത്തിയിട്ടുണ്ടായിരുന്നു. കൂടാതെ വാഹനത്തിന്റെ നമ്പര്‍ കൂടി കുറിച്ചെടുത്ത ശേഷമാണ് വിവരം പൊലീസിനെ അറിയിച്ചത്. ഫൂട്ട് ഫെറ്റിഷിസം എന്ന ലൈംഗിക താല്‍പ്പര്യമുള്ളതിനാലാണ് യുവാവ് ഇത് ചെയ്തത് എന്നാണ് മനശാസ്ത്രജ്ഞര്‍ പറയുന്നു. ലൈംഗികതയ്ക്ക് പ്രാധാന്യമില്ലാത്ത ശരീരഭാഗങ്ങളോട് തോന്നുന്ന ലൈംഗികാകര്‍ഷണമാണ് ഫൂട്ട് ഫെറ്റിഷിസം.