ഇനിയും പഠിക്കാത്ത സെല്‍ഫി ഭ്രമക്കാര്‍: പതിനേഴാം നിലയില്‍ നിന്ന് ഫോട്ടോ എടുത്ത ശേഷം ബാലന്‍സ് തെറ്റി താഴെവീണ് പെണ്‍കുട്ടി മരിച്ചു
നമ്മുടെ സെല്‍ഫി ഭ്രാന്തിന് ഇനിയും കുറവൊന്നുമില്ല. കെട്ടിടത്തിന്റെ പതിനേഴാം നിലയിലെ കൈവരിയില്‍ നിന്ന് സെല്‍ഫിയെടുത്ത ശേഷം താഴെ വീണ് ഓക്‌സാന എന്ന 12 വയസുള്ള പെണ്‍കുട്ടിക്ക് ദാരുണാന്ത്യം. ബാലന്‍സ് തെറ്റി താഴെ വീഴുന്നതിന് തൊട്ടുമുമ്പ് കൂട്ടുകാരിക്ക് താന്‍ എടുത്ത അപകടകരമായ സെല്‍ഫി അയക്കുകയും ചെയ്തിരുന്നു ഓക്‌സാന.
ഫോട്ടോ കിട്ടിയ ശേഷം ഓക്‌സാനയെ ഫോണില്‍ വിളിച്ച കൂട്ടുകാരിക്ക് ബന്ധപ്പെടാന്‍ കഴിഞ്ഞില്ല. തുടര്‍ന്ന് കൂട്ടുകാരി ഉടന്‍ തന്നെ ഓക്‌സാനയുടെ അമ്മയ്ക്കും പോലീസിനും ഫോട്ടോ അയച്ചു കൊടുത്തു. ഓക്‌സാനയെ തേടിയിറങ്ങിയ അമ്മയ്ക്ക് കെട്ടിടത്തിന്റെ താഴെ രക്തത്തില്‍ കുളിച്ച മകളുടെ മൃതദേഹമാണ് കാണാന്‍ കഴിഞ്ഞത്. ഓക്‌സാനയുടെ അമിതമായ സെല്‍ഫി ഭ്രമമാണ് പെണ്‍കുട്ടിയുടെ മരണത്തിന് കാരണമെന്നാണ് പോലീസും ബന്ധുക്കളും പറയുന്നത്.
നടക്കാന്‍ പോവുകയാണെന്ന് പറഞ്ഞ് വീട്ടില്‍ നിന്നിറങ്ങിയ ഓക്‌സാന ആരുമറിയാതെയാണ് കെട്ടിടത്തിന്റെ പതിനേഴാം നിലയിലെത്തിയത്. അതിസാഹസികമായി താന്‍ എടുത്ത സെല്‍ഫി കൂട്ടുകാരിക്ക് അയച്ചതിന് ശേഷമാണ് ഓക്‌സാന കെട്ടിടത്തിന്റെ മുകളില്‍ നിന്ന് താഴെ വീണത്. ഓക്‌സാനയുടെ അതിസാഹസികമായ സെല്‍ഫി കണ്ട കൂട്ടുകാരി ഞെട്ടിപ്പോയി. ഓക്‌സാന അപകടകരമായ സ്ഥലത്താണെന്ന് മനസിലാക്കിയ കൂട്ടുകാരി ഫോണില്‍ വിളിച്ചെങ്കിലും കിട്ടിയില്ല.തുടര്‍ന്നാണ് പോലീസിനും ഓക്‌സാനയുടെ അമ്മയ്ക്കും ഫോട്ടോ ഫോര്‍വേര്‍ഡ് ചെയ്തത്.
12 വയസുകാരിയായ ഓക്‌സാന സ്‌കൂളിലെ പഠനത്തിലും പാഠ്യേതര പ്രവര്‍ത്തനങ്ങളിലും മികവ് പുലര്‍ത്തിയിരുന്ന കുട്ടിയായിരുന്നെന്നും അമിതമായ സെല്‍ഫി ഭ്രമമാണ് പെണ്‍കുട്ടിയുടെ ജീവനെടുക്കാന്‍ കാരണമായതെന്നുമായിരുന്നു ഓക്‌സാനയുടെ അമ്മാവന്‍ പ്രതികരിച്ചത്. 12 കാരിയുടെ മരണത്തോടെ അതിസാഹസികമായി സെല്‍ഫി എടുക്കുന്നവരെ ബോധവത്കരിക്കാനുള്ള പരിപാടികള്‍ ആസൂത്രണം ചെയ്യുകയാണ് റഷ്യന്‍ സര്‍ക്കാര്‍.
https://www.facebook.com/Malayalivartha
