ഇനി മുതല് ഗര്ഭച്ഛിദ്രവും കുമ്പസാരത്തിലൂടെ പൊറുക്കപ്പെടുന്ന പാപങ്ങളുടെ കൂട്ടത്തില്
കുമ്പസാരത്തിലൂടെ പൊറുക്കപ്പെടുന്ന പാപങ്ങളില് ഗര്ഭച്ഛിദ്രവും ഇടം നേടി. കുമ്പസാരത്തില് പൊറുക്കപ്പെടുന്ന പാപങ്ങളുടെ പട്ടികയില് ഗര്ഭച്ഛിദ്രം ഉള്പ്പെടുത്താനുള്ള താല്കാലിക അനുമതി കഴിഞ്ഞ വര്ഷം സഭയിലെ എല്ലാ വൈദികര്ക്കും മാര്പ്പാപ്പ നല്കിയിരുന്നു. ഇത് ഇപ്പോള് സ്ഥിരപ്പെടുത്തിയാണ് ഫ്രാന്സിസ് മാര്പാപ്പ അനുമതി പുറപ്പെടുവിച്ചിരിക്കുന്നത്. എങ്കിലും വിശുദ്ധമായ ഒരു ജീവന് അവസാനിപ്പിക്കുന്ന മഹാപാപത്തില് നിന്നും മാറി നില്ക്കണമെന്നും അദ്ദേഹം ഓര്മ്മിപ്പിച്ചു. ദൈവത്തില് വിശ്വസിക്കുന്ന ഒരു മനസ്സുണ്ടായാല് ഏത് പാപവും തുടച്ച് നീക്കാന് ദൈവത്തിന്റെ കാരുണ്യത്തിന് കഴിയുമെന്നും അദ്ദേഹം ചൂണ്ടി കാണിച്ചു.
കഴിഞ്ഞവര്ഷം എട്ട് മുതല് ഈ മാസം ഇരുപത് വരെ കരുണയുടെ വിശുദ്ധവര്ഷം ആചരിച്ചതിന്റെ ഭാഗമായിട്ടായിരുന്നു ഗര്ഭച്ഛിദ്രം കുമ്പസാരത്തില് ഉള്പ്പെടുത്താന് പോപ്പ് തീരുമാനിച്ചിരുന്നത്. മുമ്പ് ഈ അധികാരം യുറോപ്പിലേയും അമേരിക്കയിലേയും ബിഷപ്പുമാര് ഇടവക വികാരികള്ക്ക് നല്കിയിരുന്നെങ്കിലും മറ്റു സ്ഥലങ്ങളില് പഴയ രീതി തന്നെ തുടര്ന്ന് വരികയായിരുന്നു. കരുണയുടെ വര്ഷം അവസാനിച്ചെങ്കിലും കരുണ അവസാനിക്കുന്നില്ലെന്നും അനുതാപം ആവശ്യമായവര്ക്ക് പുരോഹിതന്മാര് ആശ്വാസവും തുണയും തുടര്ന്നും നല്കണമെന്നും പാപ്പ ആവശ്യപ്പെട്ടു. കരുണയുടെ വിശുദ്ധ വര്ഷത്തിന്റെ സമാപനത്തിന്റെ ഭാഗമായി സെന്റ് പീറ്റേഴ്സ് സ്ക്വയറില് ഫ്രാന്സിസ് മാര്പാപ്പ ദിവ്യബലി അര്പ്പിക്കുകയും ചെയ്തു.
https://www.facebook.com/Malayalivartha
