ഇസ്രയേലില് കാട്ടുതീ പടരുന്നു; തീ നിയന്ത്രണാതീതം, 80,000 ആളുകളെ മാറ്റിപ്പാര്പ്പിച്ചു
ഇസ്രയേലിലെ മൂന്നാമത്തെ വലിയ നഗരമായ ഹൈഫയില് പടര്ന്ന കാട്ടുതീയില് നിരവധി വീടുകള് കത്തിനശിച്ചു. ഏകദേശം 80,000 ആളുകളെ മാറ്റിപ്പാര്പ്പിച്ചു. . കാട്ടുതീ വെസ്റ്റ്ബാങ്കിലേയും ജറുമൂന്നു ദിവസമായി ആളിപ്പടരുന്ന തീ ഇതുവരെ നിയന്ത്രണവിധേയമായിട്ടില്ല. ഇത് ജനജീവിതത്തെ ബാധിക്കുമെന്ന ആശങ്കയിലാണ് അധികൃതര്.
അതേസമയം, രാഷ്ട്രീയ വൈരാഗ്യം മൂലം ആരെങ്കിലും മനഃപൂര്വം തീയിട്ടതാണെന്നാണ് ഇസ്രയേല് സംശയിക്കുന്നത്. തീയിട്ടു നശിപ്പിക്കാന് ശ്രമിക്കുന്നത് ഭീകരപ്രവര്ത്തനത്തിന് തുല്യമാണെന്ന് പ്രധാനമന്ത്രി ബെഞ്ചമിന് നെതന്യാഹു പ്രതികരിച്ചു. കുറ്റക്കാര്ക്കെതിരെ കര്ശന നടപടി എടുക്കും. രാഷ്ട്രീയ പ്രേരിതമാണെന്ന് സംശയിക്കുന്നതായും ഇസ്രയേല് പോലീസ് മേധാവി റോണി അല്ഷെയിഷ് പറഞ്ഞു. അതിനിടെ എട്ടു പേരെ പോലീസ് കസ്റ്റഡിയില് എടുത്തു. ചിലയിടങ്ങളില് നിന്ന് തീ കത്തിക്കാന് ഉപയോഗിക്കുന്ന സാധനങ്ങളും പോലീസ് കണ്ടെടുത്തു.
ഇസ്രയേലിന്റെ അഭ്യര്ഥനയെ തുടര്ന്നു റഷ്യ, ഗ്രീസ്, തുര്ക്കി, ഇറ്റലി, ക്രൊയേഷ്യ എന്നീ രാജ്യങ്ങള് സഹായത്തിനെത്തിയിട്ടുണ്ട്. തീയണക്കാന് തുര്ക്കി ഇസ്രയേലിലേക്ക് വിമാനം അയച്ചു. രണ്ടു മാസമായി മേഖല വരളര്ച്ചയെ നേരിടുകയാണ്. ഇത് തീ പടരുന്നു പിടിക്കുന്നതിന്റെ ആക്കം കൂട്ടിയെന്നാണ് വിലയിരുത്തല്.
https://www.facebook.com/Malayalivartha
