കോസ്റ്ററിക്കയില്‍ ഉണ്ടായ ചുഴലികൊടുങ്കാറ്റില്‍ ഒന്‍പതു പേര്‍ മരിച്ചു. കോസ്റ്ററിക്കയിലെ ഒട്ടോയിലാണ് സംഭവം. കൊടുങ്കാറ്റിനെത്തുടര്‍ന്ന് ഇവിടെ ലക്ഷങ്ങളുടെ നാശനഷ്ടങ്ങള്‍ ഉണ്ടായതായി പ്രസിഡന്റ് ലൂയിസ് ഗ്വില്ലെര്‍മോ പറഞ്ഞു.

സംഭവത്തില്‍ നിരവധിപ്പേര്‍ക്ക് പരിക്കേറ്റതായാണ് റിപ്പോര്‍ട്ട്. നിരവധി വീടുകളും കെട്ടിടങ്ങളും തകര്‍ന്നിട്ടുണ്ടെന്നും വിവരങ്ങളുണ്ട്. അതേ സമയം, ഒന്‍പതു പേര്‍ കൊല്ലപ്പെട്ടുവെന്നും എട്ടു പേരുടെ മൃതദേഹമാണ് കണ്ടെടുത്തുത്തതെന്നും പോലീസ് വൃത്തങ്ങള്‍ അറിയിച്ചു. മരണ സംഖ്യ ഇനിയും ഉയരാന്‍ സാധ്യതയുണ്ടെന്നും പോലീസ് അധികൃതര്‍ വ്യക്തമാക്കി.

കൊടുങ്കാറ്റിനെത്തുടര്‍ന്ന് ഒട്ടോയുടെ വിവിധപ്രദേശങ്ങളില്‍ വെള്ളം കയറി. ഇപ്പോഴും ഇവിടുത്തെ റോഡുകളിലും കെട്ടിടങ്ങളിലുമെല്ലാം മണ്ണും ചെളിയും നിറഞ്ഞു കിടക്കുകയാണ്.