മെക്സികോയില് പടക്കവില്പന മാര്ക്കറ്റിലുണ്ടായ സ്ഫോടനത്തില് 26 മരണം, നിരവധി പേര്ക്ക് പരിക്ക്
മെക്സികോയില് പടക്കവില്പന മാര്ക്കറ്റിലുണ്ടായ സ്ഫോടനത്തില് 26 പേര് മരിച്ചു. 70 പേര്ക്ക് പരിക്കേറ്റു. മെക്സിക്കന് സിറ്റിയില് നിന്ന് 32 കിലോമീറ്റര് അകലെ തുലെപ്ക്കിലെ സാന് പാബ്ലിറ്റോ പടക്കവില്പന കേന്ദ്രത്തിലായിരുന്നു സ്ഫോടനമുണ്ടായത്.
മരണപ്പെട്ടവരുടെ പ്രാഥമിക കണക്കുകളാണ് ലഭിച്ചിട്ടുള്ളതെന്ന് തുലെപ്ക് എമര്ജന്സി സര്വീസ് മേധാവി ഇസിദ്രോ സാന്ഞ്ചസ് പറഞ്ഞതായി രാജ്യാന്തര മാധ്യമങ്ങള് റിപ്പോര്ട്ട് ചെയ്തു. പല നിറത്തിലുള്ള പടക്കങ്ങള് പൊട്ടിത്തെറിക്കുന്നതും പുക ഉയരുന്നതും കണ്ട ആളുകള് ഭയചകിതരാവുകയും കടകളില് നിന്ന് ഇറങ്ങി ഓടുകയും ചെയ്തു. അപകടത്തില് നിരവധി കടകള് കത്തി നശിക്കുകയും കെട്ടിടങ്ങള്ക്ക് വിള്ളല് വീഴുകയും ചെയ്തു.
മെക്സിക്കോയിലെ പ്രശസ്തമായ പടക്കവില്പന മാര്ക്കറ്റാണ് സാന് പാബ്ലിറ്റോയിലേത്. പരസ്യമായും രഹസ്യമായും നിരവധി പേരാണ് ഇവിടെ ജോലി ചെയ്യുന്നത്. കരിമരുന്ന് പ്രയോഗത്തിനായി ഒരാള്ക്ക് 10 കിലോഗ്രാം വെടിമരുന്ന് ഉപയോഗിക്കാനാണ് മെക്സികോ ഡിഫന്സ് സെക്രട്ടറിയേറ്റ് അനുവാദം നല്കിയിട്ടുള്ളത്
.
https://www.facebook.com/Malayalivartha
