നിര്‍മ്മാണം പുരോഗമിക്കുന്ന അല്‍ ബറാക പ്ലാന്റില്‍ നാലാമത്തേതും അവസാനത്തെതുമായ കണ്ടന്‍സര്‍ സ്ഥാപിച്ചു. ദക്ഷിണകൊറിയയില്‍ നിര്‍മിച്ച കണ്ടന്‍സറിനു മൂന്നു ഭാഗങ്ങളാണുള്ളത്. ഓരോന്നിനും 27 മീറ്റര്‍ നീളവും 700 മെട്രിക് ടണ്‍ ഭാരവുമുണ്ട്. ടര്‍ബൈന്‍ മന്ദിരത്തിന്റെ സമീപത്ത് ഇവ കൂട്ടിയോജിപ്പിച്ചശേഷം നൂതന യന്ത്രസംവിധാനങ്ങള്‍ ഉപയോഗിച്ചാണ് ഇത് സ്ഥാപിച്ചിരിക്കുന്നത്. ഇതോടെ കേന്ദ്രത്തിന്റെ സുപ്രധാനഘട്ടമാണ് വിജയിച്ചിരിക്കുന്നത്. 

പരിസ്ഥിതി അനുയോജ്യമായ രീതിയിലാണ് ഈ പദധതി നിര്‍മ്മിച്ചിരിക്കുന്നത്. ആണവ വിസ്‌ഫോടനം വഴി ഉയര്‍ന്നതോതില്‍ ചൂടുണ്ടാക്കി വെള്ളത്തെ നീരാവിയാക്കുന്നതാണ് കേന്ദ്രത്തിന്റെ പ്രവര്‍ത്തനരീതി. നീരാവിയുടെ ഉയര്‍ന്നമര്‍ദം കൂറ്റന്‍ ടര്‍ബൈന്‍ കറക്കുന്നു. ഇതു ജനറേറ്റര്‍ പ്രവര്‍ത്തിപ്പിക്കുകയും അതുവഴി വൈദ്യുതി ഉല്‍പാദിപ്പിക്കുകയും ചെയ്യുന്നു. കണ്ടന്‍സര്‍ വീണ്ടും നീരാവിയെ ജലമാക്കി മാറ്റുന്നു. ിനിറ്റില്‍ 6000 ക്യുബിക് മീറ്റര്‍ കടല്‍വെള്ളം കണ്ടന്‍സറിലൂടെ കടന്നുപോകും. ആദ്യത്തെ മൂന്നുയൂണിറ്റുകളിലും വിവിധ ഘട്ടങ്ങളിലായി കണ്ടന്‍സറുകള്‍ സ്ഥാപിച്ചിരുന്നു. നാലാം യൂണിറ്റിന്റെ ടര്‍ബൈന്‍ മന്ദിരത്തിന്റെ നിര്‍മാണം രണ്ടുമാസത്തിനകം പൂര്‍ത്തിയാകും. 

2012-ല്‍ നിര്‍മാണം തുടങ്ങിയ ഈ പദ്ധതിയുടെ നാലൂ യൂണിറ്റുകളുടെയും നിര്‍മ്മാണ് 76% പൂര്‍ത്തിയായികഴിഞ്ഞു. 2020-ല്‍ ഈ പദ്ധതി പൂര്‍ണ്ണമാകുമെന്നാണ് പ്രതീക്ഷ. കൊറിയ ഇലക്ട്രിക് പവര്‍ കോര്‍പറേഷന്റെ (കെപ്‌കോ) നേതൃത്വത്തിലുള്ള കണ്‍സോര്‍ഷ്യത്തിനാണ് 1400 മെഗാവാട്ട് ശേഷിയുള്ള കേന്ദ്രത്തിന്റെ നിര്‍മാണച്ചുമതല. രാജ്യാന്തര ആണവോര്‍ജ ഏജന്‍സി മാനദണ്ഡങ്ങള്‍ പൂര്‍ണമായും പാലിച്ച് ഏറ്റവും സുരക്ഷിതമായ രീതിയിലാണ് യുഎഇ ആണവനിലയങ്ങള്‍ നിര്‍മിക്കുന്നത്. സുരക്ഷയും കാര്യക്ഷമതയും കൂട്ടാന്‍ പ്രഷറൈസ്ഡ് വാട്ടര്‍ റിയാക്ടര്‍ ടെക്‌നോളജിയാണ് ഉപയോഗിക്കുന്നത്. സുരക്ഷ ഉറപ്പാക്കാന്‍ റിയാക്ടറിലെയും ടര്‍ബൈനിലെയും വെള്ളം കൂടിക്കലരാതെ ശ്രദ്ധിക്കുകയും ചെയ്യും. നിക്കല്‍, ക്രോമിയം, ഇരുമ്പ് എന്നിവയുടെ സങ്കരലോഹം കൊണ്ടാണ് കുഴലുകള്‍നിര്‍മിച്ചത്. എത്രവലിയ മര്‍ദ്ദത്തെയും പ്രതിരോധിക്കാന്‍ ഇതിനു കഴിയും.