സുരക്ഷ ഭീഷണിയെ തുടര്ന്ന് ലണ്ടനില് അഞ്ച് കെട്ടിടങ്ങളില് നിന്നായി 800 കുടുംബങ്ങളെ മാറ്റി പാര്പ്പിച്ചു
സുരക്ഷ വാഴ്ചയെ തുടര്ന്ന് ലണ്ടനിലെ ബഹുനില കെട്ടിടങ്ങളില് നിന്നും 800 കുടുംബങ്ങളെ മാറ്റി പാര്പ്പിച്ചു. ആവശ്യമായ സുരക്ഷയില്ലെന്ന് കണ്ടെത്തിയതിനെ തുടര്ന്ന് ലണ്ടനിലെ അഞ്ച് ബഹുനില കെട്ടിടങ്ങളില് നിന്നുമാണ് കുടുംബങ്ങളെ പൂര്ണമായി ഒഴിപ്പിച്ചത്. അഗ്നിശമനസേനാ വിഭാഗം ഉദ്യോഗസ്ഥര് നടത്തിയ പരിശോധനയില് ഈ കെട്ടിടങ്ങളിലെ അഗ്നി സുരക്ഷാ സംവിധാനങ്ങളില് പോരായ്മയുണ്ടെന്ന് കണ്ടെത്തിയതിനാലാണ് നടപടിയെന്ന് കാംഡെന് കൗണ്സില് ലീഡര് ജോര്ജിയ ഗൗള്ഡ് വ്യക്തമാക്കി.
കഴിഞ്ഞ ദിവസം ഗ്രെന്ഫെല് ടവറില് വന് അഗ്നിബാധ ഉണ്ടായതിനെ തുടര്ന്നാണ് സുരക്ഷാ പരിശോധനകള് ലണ്ടന് ഭരണകൂടം കര്ശനമാക്കാന് തീരുമാനിച്ചിരുന്നത്. മറ്റൊരു ദുരന്തം താങ്ങുവാന് ഇപ്പോള് സാധിക്കില്ല ജനങ്ങളുടെ സുരക്ഷയാണ് പ്രധാനം. അഗ്നിശമനസേന വൈകാതെ തന്നെ ഈ ബഹുനില കെട്ടിടങ്ങളില് സുരക്ഷ ഒരുക്കും.ഇതിന് ശേഷം താമസക്കാര്ക്ക് കെട്ടിടങ്ങളിലേക്ക് തിരിച്ച് വരാന് സാധിക്കുമെന്നും അദ്ദേഹം അറിയിച്ചു.
ജൂണ് 14 ബുധനാഴ്ചയുണ്ടായ അപകടത്തില് 79 പേര് കൊല്ലപ്പെടുകയും നിരവധിയാളുകള്ക്ക് പരിക്കേല്ക്കുകയും ചെയ്തിരുന്നു.
https://www.facebook.com/Malayalivartha
