അമേരിക്കന്‍ നാവികസേനാ വിമാനം കടലില്‍ പതിക്കുന്നതില്‍ നിന്ന് അത്ഭുതകരമായി രക്ഷപ്പെട്ടതിന്റെ ദൃശ്യങ്ങള്‍ പുറത്ത്
അമേരിക്കന്‍ നാവികസേനയുടെ നിരീക്ഷണ വിമാനം കടലില്‍ പതിക്കുന്നതില്‍ നിന്ന് അത്ഭുതകരമായി രക്ഷപ്പെട്ടതിന്റെ ദൃശ്യങ്ങള്‍ പുറത്ത്. 2016ല്‍ ഇ2സി നാവിക വിമാനമാണ് അപകടത്തില്‍ നിന്ന് രക്ഷപ്പെട്ടത്. കടലില്‍ നങ്കൂരമിട്ട കപ്പലിലെ റണ്‍വേയില്‍ ലാന്‍ഡ് ചെയ്യുന്നതിനിടെയായിരുന്നു സംഭവം.
രണ്ട് പൈലറ്റുമാരുള്‍പ്പടെ മൂന്ന് പേര്‍ വിമാനത്തിനുള്ളിലുപ്പോഴായിരുന്നു വിമാനം റണ്‍വേയില്‍ നിന്ന് നിയന്ത്രണം വിട്ട് മുന്നോട്ട് നീങ്ങിയത്. സംഭവമിങ്ങനെ, ഉള്‍ക്കടലില്‍ നങ്കൂരമിട്ട കപ്പലില്‍ ലാന്‍ഡ് ചെയ്ത വിമാനം റണ്‍വേയിലൂടെ മുന്നോട്ട് നീങ്ങി, പക്ഷേ, റണ്‍വേയില്‍ വിമാനം നിര്‍ത്താന്‍ പൈലറ്റിനു സാധിച്ചില്ല. വിമാനം കടലിലേക്ക്.. ഏവരും തലയില്‍ കൈവച്ചു നിന്ന നിമിഷം. വിമാനം കടലില്‍ പതിച്ചെന്ന് ഉറപ്പിച്ച നിമിഷം.. പൈലറ്റുമാരുള്‍പ്പെടെയുള്ള ജീവനക്കാര്‍ ഉള്ളിലുള്ള വിമാനം തകരുകയാണെന്ന് ഉറപ്പിച്ച നിമിഷം.. ഈ, സമയം റണ്‍വേ തീരുന്നിടത്തേക്ക് ഉന്നത ഉദ്യോഗസ്ഥരടക്കമുള്ളവര്‍ ഓടിയെത്തി.
എന്നാല്‍, ഏവരെയും അമ്പരപ്പിച്ച് താഴേക്ക് പോയ വിമാനം ഉയര്‍ന്ന് പറന്നു.. വിമാനം പറന്ന് അകലേക്ക് മറഞ്ഞിട്ടും കപ്പലിലുണ്ടായിരുന്ന നാവികസേനാ അംഗങ്ങളുടെ അമ്പരപ്പ് മാറിയിരുന്നില്ലെന്ന് ദൃശ്യങ്ങളില്‍ നിന്ന് വ്യക്തം.
വിമാനം റണ്‍വേയില്‍ ലാന്‍ഡ് ചെയ്യുന്നതുവരെയുള്ള കാര്യങ്ങള്‍ സുഗമമായിരുന്നുവെന്നും എന്നാല്‍ ലാന്‍ഡിങ്ങിനു ശേഷമുള്ള റണ്ണിംഗില്‍ എന്‍ജിന്റെ ഭാഗത്തു നിന്ന് ചില വയറുകള്‍ പൊട്ടിയതാണ് നിയന്ത്രണം നഷ്ടപ്പെടാന്‍ കാരണമെന്നും അന്വേഷണത്തില്‍ കണ്ടെത്തിയിരുന്നു.
https://www.facebook.com/Malayalivartha
