ഇസ്രയേലില്‍ പൊതുസ്ഥലത്തെ പുകവലിക്ക് നിരോധനമേര്‍പ്പെടുത്തുന്നു. ഇസ്രയേല്‍ ആരോഗ്യമന്ത്രാലയമാണ് ഇതുസംബന്ധിച്ച വിവരം പുറത്തുവിട്ടത്. രാജ്യത്ത് പുകയിലവിരുദ്ധ പ്രവര്‍ത്തനങ്ങല്‍ മെച്ചപ്പെടുത്തുന്നതിന്റെ ഭാഗമായാണ് നടപടിയെന്നാണ് വിവരം.
ആശുപത്രികള്‍, വിദ്യാഭ്യാസ സ്ഥാപനങ്ങള്‍, വൃദ്ധസദനങ്ങള്‍, വാഹന പാര്‍ക്കിംഗ് ഏരിയകള്‍, മൃഗശാലകള്‍, ഭക്ഷണശാലകള്‍, കായിക കേന്ദ്രങ്ങള്‍ തുടങ്ങിയ സ്ഥലങ്ങളിലാകും ആദ്യം പുകവലി നിരോധിക്കുക. പിന്നീട് ഇത് മറ്റ് പൊതു ഇടങ്ങളിലേക്കും വ്യാപിപ്പിക്കാനാണ് സര്‍ക്കാര്‍ വൃത്തങ്ങള്‍ ലക്ഷ്യമിടുന്നതെന്നാണ് വിവരം. ഇസ്രയേലില്‍ പുകവലിക്കുന്നവരുടെ എണ്ണം മുന്‍വര്‍ഷത്തേതിനേക്കാള്‍ 13 ശതമാനം വര്‍ധിച്ചിട്ടുണ്ടെന്നാണ് പഠനങ്ങള്‍ വ്യക്തമാക്കുന്നത്.
അതേസമയം പുകയില നിയന്ത്രണമോ പൊതുസ്ഥലത്തെ പുകവലി നിരോധനമോ അല്ല പുകവലി കുറക്കുന്നതിനുള്ള മാര്‍ഗമെന്ന് മുന്‍ ആരോഗ്യമന്ത്രി യേല്‍ ജര്‍മന്‍ പറഞ്ഞു. എന്തുകൊണ്ടാണ് സര്‍ക്കാര്‍ പുകയില ഉത്പന്നങ്ങള്‍ നിരോധിക്കാത്തതെന്നും അദ്ദേഹം ചോദിച്ചു.